تازه خبرونه
واک ته د اسلامي امارت د بېرته راستنېدا د کلیزې نمانځلو پر مراسمو د داعش د برید مخه ونیول شوه
د کورنیو چارو وزارت ویاند عبدالمتین قانع په ایکس پاڼه کې لیکلي، چې دا عملیات د بګرام ولسوالۍ په باریکآب سیمه کې ترسره شوي دي.
کورنیو چارو وزارت ويلي، چې د پولیسو ځانګړو قطعاتو تېره شپه د پروان ولایت په بګرام ولسوالۍ کې واک ته د اسلامي امارت د بېرته راستنېدا د کلیزې نمانځلو پر مراسمو د داعش د احتمالي برید مخه ونیوله.
د کورنیو چارو وزارت ویاند عبدالمتین قانع په ایکس پاڼه کې لیکلي، چې دا عملیات د بګرام ولسوالۍ په باریکآب سیمه کې ترسره شوي دي.
د عملیاتو په پایله کې د داعش یو غړی ونیول شو او یو کرولا ډوله موټر، چې درې راکټ لانچرونه یې لېږدول د امنیتي ځواکونو لاس ته ورغلل.