تازه خبرونه
وسلوال طالبان دې ولس ته د جګړې نه کولو زیری ورکړي
د مشرانو جرګې غړي وايي؛ د افغانستان د سولې لپاره د امریکا تګلاره، وسلوالو طالبانو ته یو ښه طلایي چانس دي، چې ولس له جګړې خلاص کړي.
په افغانستان کې د امریکا له اتلس کلنې جګړې وروسته اوس امریکا د افغانستان د سولې تګلاره خپله کړې ده.
امریکا د دغه کار لپاره افغان امریکايي زلمی خلیلزاد ټاکلی، چې د سولې په اړه د امریکا تګلاره پلې کړي.
د مشرانو جرګې غړي وروستیو پرمختګونو ته په کتو وايي؛ امریکا اوس د افغانستان د سولې لپاره پرېکړه کړې او ښايي، چې په نږدې راتلونکې کې افغانان د سولې شاهدان وي.
د مشرانو جرګې غړی احمد یوسف نورستاني وایي، چې: د خلیلزاد راتګ یو ښه فرصت دی او که د سولې په اړه د امریکا پرېکړه وروستۍ وي او په افغانستان کې د سولې درناوي ته رسیدلې وي؛ سوله راتلی شي او دا هېواد کولی شي په دې اړه ډاډمن ګامونه پورته کړي.
د مشرانو جرګې یو بل غړی وايي، چې د سولې د خبرو لپاره د زلمی خلیلزاد رول دېر مهم دی او هغه کولی شي، چې د سیمې سیاستونه مدیریت کړي.
د مشرانو جرګې غړی غیرت بهیر وایي: دولت او طالبان دې لدې فرصته ګټه پورته کړي؛ ځکه امریکا اوس د خپلې ستراتیژۍ د پلي کولو لپاره دې پرېکړې ته رسیدلې، چې سوله په افغانستان کې خوندي شي.
د مشرانو جرګې رييس هم په دې باور دی، چې د سیمې له سیاستونو د زلمي خلیلزاد باخبري هغه ته د دې فرصت ورکوي، چې د افغانستان د سولې لار روښانه کړي.
د مشرانو جرګې رييس فضل الهادي مسلمیار وایي: د خلیلزاد له راتګ سره سولې ته هیله رامنځته شوې؛ هغه له ستونزو ښه خبر دی او کولی شي له طالبانو سره د سولې خبرې بریالۍ کړي. له طالبانو هم غواړو، چې د خلکو غوښتنه ومني، سولې ته راشي او د بهرنیو له اغېزه ځانونه خلاص کړي.
د مشرانو جرګې غړي ټينګار کوي، چې نړیواله ټولنه باید په نړیواله کچه له ترهګرۍ سره د مبارزې هڅې په عمل کې ثابتې کړي او د ترهګرو پر اصلي مرکزونو خپله مبارزه راوڅرخوي.
خبریال: رفیع صدیقي
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
تازه خبرونه5 days ago
په روزګان کې د ماین پاکۍ موسسې یو کارکوونکی د ماین چاودنې له کبله ووژل شو
-
نړۍ3 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه