تازه خبرونه
ولسمشریزې ټاکنې هیڅ راز ګټونکی نلري- د نوماندانو شورا
د ولسمشریزو ټاکنو د نوماندانو شورا ویلي، چې د ټاکنیزو واکمنو ډلو له لوري تر سره شویو درغلیو ته په کتو د ولسمشریزو ټاکنو پایله د منلو نه ده او هیڅ راز ګټونکی به ونلري.
د ولسمشرۍ ټاکنو د نوماندانو شورا ټینګار ښکاره کړی، چې له ولسمشریزيو ټاکنو سره ځینې نوماندان په ځانکړي توګه واکمنې ډلې لوبه کوي.
ولسمشرۍ ته نوماند رحمت الله نبیل ویلي؛ د ولسمشریزو ټاکنو د نوماندانو شورا ټینګار کړی، چې یو شمېر ټاکنیزو ډلو په ځانګړې توګه حاکمو ډلو له ولسمشریزو ټاکنو سره لوبې پل کړي دي.
دا نوماندان خبرداری ورکوي، چې د حاکمو ټاکنیزو ډلو لخوا له درغلیو ډکې ټاکنیزې پایلې به ونه مني.
ولسمشرۍ ته نوماند احمد ولی مسعود ویلي، چې مافیایي کړۍ غواړي ټاکنې بحراني کړي. که دا بحران حل نشي؛ نومادان به دغه بهیر ته ورودانګي. د نوماندانو له شورا پرته بله داسې سرچینه نشته، چې دا بحران حل کړي.
د ولسمشریزو ټاکنو یو شمېر نور نوماندان بیا وايي؛ حتا په بایومتریکو رایو کې سیستماتیکه درغلي شوې، چي تور او سپینول يې ستونزمن کار دي.
ولسمشرۍ ته نوماند فرامز تمنا په ډاګه کړې، چې د ټاکنو خپلواک کمیسیون رییس باید قرنطین شي. دوی حق نلري، چې د ولسمشرۍ له سلاکارانو وویني او ان تیلیفون او ګرځند ته باید لاسرسی ونلري. کمیشنران باید د ولسمشرۍ له نوماندانو سره هم باید ناسته پاسته ونلري او که نه دا خپله د تقلب او درغلۍ ښکارندویي کوي.
ولسمشرۍ ته نوماند عنایت الله حفیظ هم ویلي؛ د ټاکنو پر ورځ هم پراخې درغلۍ تر سره شوې، چې پاملرنه ورته اړینه ده. مونږ دا درغلۍ کمیسیون ته ښکاره کړي؛ که پاملرنه ورته ونشي، کیدی شي ټاکنې لغو شي.
د ټاکنو خپلواک کمیسیون ويلي؛ پاکي او ناپاکي رايي بېلیږي او هیڅ ډول فشار به یې اغېزمنې نکړي.
د ټاکنو خپلواک کمیسیون مشره هوا علم نورستانۍ وایي، چې مونږ د ټاکنې پر ورځ د خلکو سرښندنو ته درناوی کوو او د خلکو د رایو ساتنې ته ژمن یو.
دا نوماندان د ټاکنو خپلواک کمیسیون له همکارو بهرنیو بنسټونو څخه هم غواړي، چې ټاکنیزو ستونزو ته په لاسرسي کې همکاري ورکړي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه17 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ16 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی16 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ