تازه خبرونه
ولسمشر اشرف غني د طالب مشر ملا فضل الله وژل کیدل تائید کړل
افغان ولسمشر اشرف غني د پاکستان له لومړي وزیر او د پوځ له مشر سره په تیلیفوني خبرو کې د پاکستانیو طالبانو د مشر ملا فضل الله وژل کیدل تائید کړي او د دغه هېواد د پوځ له مشره یې وغوښتل، چې په پاکستان کې میشت افغان وسلوال طالبان د سولې خبرو ته کینوي.
ولسمشر غني ویلي، چې د نوموړي وژل کیدل د افغان ځواکونو د استخباراتي څرګندونو پایله وه.
پاکستانیو چارواکو ویلي، چې د ملا فضل الله په وژل کیدو کیدی شي له افغانستان سره اړیکې ښې شي.
دغه راز پاکستانیو ځواکونو ولسمشر غني ته له افغان ځواکونو سره د طالبانو د اوربند مبارکي ویلې او هیله یې ښودلې، چې دغه اوربند نور هم وغزول شي.
دوی په ډاګه کړې، چې ملا فضل الله له ۲۰۰۹ کال راهیسې په افغانستان کې و.
په پاکستان کې افغان سفیر عمر زاخېلوال څرګنده کړې، چې په افغانستان کې د پاکستانیو طالبانو د مشر ملا فضل الله وژل کیدل ښيي، چې افغان حکومت طالبان پر ښو او بدو نه وېشي.
نوموړي تمه څرګنده کړې، چې اوس به پاکستان هم ورته عملي ګام پورته کړي.
امریکايي چارواکو ویلي، چې مولانا فضل الله اوړمه شپه د کونړ په مروره ولسوالۍ کې پر نښه شوی دی.
هغه په ۲۰۱۳ کال کې د حکیم الله مسید له وژل کیدو وروسته د پاکستانيو طالبانو د مشر په توګه ټاکل شوی و.
ملا فضل الله د سوات د یوسفزو بابکر خېل پښتون و او پر ۱۹۷۴ کال زېږیدلی و.
ملا فضل الله په پاکستان کې د ډېرو خونړیو بریدونو مسوولیت منلی و.
پوځي کارپوه اسدالله ندیم وایي: د پاکستانیو طالبانو پر رهبر برید د دغه حکومت د مشرانو د خوشالولو لپاره ترسره شوی دی، چې د یوه ژور ناورین ښکارندویي کوي.
په همدې حال کې ځینې پوځي کارپوهان باوري دي، چې دا برید کولی شي، د افغانستان په جګړه کې د پاکستان لاسوهنې ته پلمه پای ته ورسوي.
پوځي کارپوه عتیق الله امرخېل څرګنده کړې، چې: کیدی شي اړیکې ښې شي؛ پاکستانیو چارواکو تل ادعا کړې، چې افغانستان یې په کورنیو چارو کې لاسوهنه کوي. د هغه له وژلو سره بله پلمه ورته نه پاتې کیږي.
دا په داسې حال کې ده، چې طالبان د اختریز اوربند پر دوه یمه ورځ د کابل ښار د کوتې سنګي او کمپنۍ تر منځ په اړوند سیمه کې حضور پیداکړی او له خلکو سره یې د اختر مبارکۍ کړې دي.
دغه راز په اړوند سیمه کې د افغانستان د کورنیو چارو وزیر ویس احمد برمک هم له یو شمېر طالب استازیو سره لیدلي دي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
لوبی22 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل