تازه خبرونه
ولسمشر غني طالبانو ته د دفتر جوړولو لپاره چمتوالی وښود
ولسمشر غنى د ننګرهار ولایت غني خېلو ولسوالۍ ته د سفر پر مهال د دغه ولایت د څو اړوند ولسوالیو قومي مشرانو او خلکو ته په خبرو کې طالبانو ته په ننګرهار، کابل او کندهار ولایتونو کې د دفتر جوړولو وړاندیز وکړ.
افغان ولسمشر د یکشنبې پر ورځ( د سلواغې ۲۱) د ننګرهار د غني خېلو اړوند ولسوالیو قومي مشرانو ته ویلي، چې د ده حکومت چمتو دی، چې د طالبانو د رسمي دفتر ساتنه هم وکړي.
غني خیل او ورسره اړوند ولسوالۍ یې په تېرو درې کلونو کې د داعش او افغان ځواکونو ترمنځ جګړو ځپلي او ګڼشمېر اوسیدونکي یې له خپلو سیمو بېځایه شوي دي.
ولسمشر غني دغو ولسونو ته ډاډ څرګند کړ، چې ډېر ژر به په هېواد کې وینه تویدنه پای ومومي.
هغه د سولې روانو سیمه ییزو او نړیوالو خبرو ته په نغوته کې څرګنده کړه، چې مونږ سوله په مکه معظمه کې غواړو او دا نور یې په مسکو کې.
نوموړی په داسې حال کې خپلې تازه څرګندونې د شینږوارو ولسونو ته اوروي، چې ټاکل شوې د طالبانو او یو شمېر جهادي او افغان سیاستوالو او مدني فعالانو ترمنځ د مسکو له ناستې وروسته د سولې په اړه د خبرو دوه یمه ناسته روانه میاشت په قطر کې ترسره شي.
ولسمشر د یو شمېر هغو کسانو د خبرو په غبرګون کې، چې ولسمشر باید د سولې لپاره له خپلې څوکۍ تېر شي؛ ویلي: د ولسمشرۍ څوکۍ د ولس ده او په اړه به یې پرېکړه هم ولس کوي؛ خو خبریالانو ته د خلکو د غبرګونو د پوښښ اجازه په دې سفر کې نده ورکړ شوې.
له ولسمشر سره د غني خېلو په ناسته کې د ننګرهار والي سید شاه محمود مياخېل په ګډون، د مشرانو جرګې رییس فضل هادي مسلميار، ملي امنيت سلاکار حمد الله محب، ملي امنيت عمومي ریيس معصوم ستانکزي، د کابينې يو شمېر غړیو، د ولسمشر سلاکارانو، د دفاعي او امنيتي ځواکونو مسوولينو او ګڼشمېر نورو حکومتي چارواکو برخه اخیستې وه.
د یادونې ده، چې تېر کال ولسمشر غني د دې ښار د امنیت ساتنې دنده له پولیسو واخیسته او افغان ملي اردو ته یې وسپارل، چې د خلکوړ د څرګندونو له مخې ورسره د دغه ولایت امنیتي حالات هم ښه شول.
قتیل زوی
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه18 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه18 hours ago
ترکمنستان د ټاپي پروژې بشپړولو ته ژمن دی – امانوف
-
لوبی15 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل