تازه خبرونه
ولسي جرګه: ولسمشر قوانين تر پښو لاندې کوي
ولسي جرګې د هغه څه له امله په ولسمشر کلکې نیوکې وکړې چې په وینا یې له قوانینو سرغړونه کړې او بهرنی سیاست هم نه لري. دوي وايي، ولسمشر هېواد له سختو ستونزو سره مخامخ کړی.
د ولسي جرګې غړي وایي چې د سرپرستانو او د برېښنایی تذکرو قوانین تصویب او توشېح شوي، خو ولسمشر یې نه اجرا کوي. ولسي جرګې په ولسمشر غږ وکړ چې د بهرني سیاست طرحه ژر د تصویب له پاره ملي شورا ته واستوي.
ولسي جرګه په حکومت نیوکه کوي چې په وینا یې قوانین تر پښو لاندې کوي او بهرنی سیاست هم نه لري. د ولسي جرګې رییس وایی، له یوې خوا افغانستان کې د بهرنیانو په ځانګړې توګه پاکستان لاسوهنې دوام لري، له بلې خوا د ملي یووالي حکومت د هېواد ستونزو ته پاملرنه نه کوي.
د ولسي جرګې رييس عبدالرووف ابراهیمي وايي:
«زما مخاطب ولسشمر دی چې باید ژر تر ژره د هېواد بهرنی سیاست ملی شورا ته د تصویب له پاره واستوي. د ولسمشر لومړي دنده له قوانینو څخه ساتنه ده د سرپرستانو او الکترونیکي تذکرو قانون توشیح شوی خو دا د ولسشمر ګناه ده چي په اجرا کولو کې یې نیمګړتیا کوي»
د ولسي جرګې غړی عبدالرحمان رحماني وايي:
«د هېواد بهرنی سیاست باید چې په لويه جرګه کې د خلکو په مشوره جوړ شي خو اوس مهال یوازې د دواړو مشرانو له خوا پرته د خلکو له مشوري په پام کې نیول کېږي چې د هېواد په زیان دی.»
د ولسي جرګې غړی شیر ولي وردګ وايي
«له امریکا غواړو چې یا له پاکستان سره متحد شی یا ترهګر په افغانستان کې ختم کړي.»
خو د ولسي جرګې یو شمېر غړي د هېواد د سیاسي، امنیتي او ټولینزو ستونزو په اړه د اندېښني په څرګندولو سره د ملي یووالي حکومت مشران په نه وړتیا تورن کړل.
د ولسي جرګې بل غړی عباس ابراهیم زاده بيا وايي:
«د کندوز جګړې د حکومت اعتبار له صفر سره برابر کړ د ملي یووالي حکومت بی تفاوته او کمزوری دی د خلکو شتمني چور او تالان شوه بهرنیان هم له موږ سره خیانت کوي یوه ورځ په الوتکو کې طالب او بله ورځ حکومت انتقالوي.»
په ولسي جرګه کې د کنړ د خلکو استازی صالح محمد صالح څرګندوي:
«ولسمشره پر تا غږ کوو چې رایه دې ولس درکړې او په تاریخ کې به ستا په تندي داسې شیان ولیکل شي چې تر اوسه د هېڅ ولسمشر په تندي نه وو لیکل شوي. هر جهادي، پخواني والیان او وزیران چې غونډې جوړې کړي ته بیا مشاوریت ورکوې، دا هېواد خو یوازي ستا نه دی باید چې د قانون په اساس اجرات وکړې.»
دغه نیوکې په داسې مهال کېږي چې هېواد کې ناامنیو تر بل هر وخت زیات زور اخیستی او د زیاترو په باور هېواد څرګند بهرنی سیاست نه لري چې همدې ستونزې جوړې کړې دي.
خبريال: عبدالعزیز کریمي
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
بیجینګ دې له کابل سره د ترهګرۍ په اړه خبرې وکړي – اسلامآباد
په فاریاب کې سیلابونو ۱۸ کسان مړه او سلګونه کورونه ویجاړ کړل
قطر له افغانستان سره پر زړه د سوریو ماشومانو د درملنې هوکړهلیک لاسلیک کړ
له سوالګرۍ څخه د مخنیوي قانون په رسمي جریده کې خپور شو
د سعودي او امریکا چارواکو په غزه کې پر جګړه او دوه اړخیزې هوکړې خبرې وکړې
په هر حال پر رفح برید شونی دی – نتانیاهو
د بغلان ولایت د غوري سمنټو تولید زیات شوی
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
راشد خان د افغان بیسیم سوداګریز سفیر شو
په عراق کې به همجنسبازان پر۱۵ کاله بند شي –پارلمان
تحول: په بامیان ولایت کې د ۳ سیلانیانو وژل کېدل
څار: د افغانستان د سیاسي مسلې د حل هڅې
تحول: د چین له سفیر سره د ریاست الوزراء د سیاسي مرستیال لیدنه
څار: د افغانستان په اړه سیمهییزه اجماع
تحول: له سیاسي مرستیال سره د جاپان سفارت د چارسمالي لیدنه
-
د هوا حالاتو بدلونونه4 days agoپه تېرو ۲ زره کلونو کې د تېر کال اوړی له ټولو تود و – څېړنه
-
سوداگري3 days agoد صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه5 days agoپر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days agoد تورخم لار لنډمهاله تړل کیږي
-
تازه خبرونه3 days agoجاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ4 days agoاروپايي ټولنې روسي رسنۍ هم د بندیزونو په نوملړ کې ورزیاتې کړې
-
لوبی1 day agoراشد خان د افغان بیسیم مخابراتي شرکت رسمي سوداګریز سفیر شو
-
سوداگري4 days agoتېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره