تازه خبرونه
پارلمان په خپلو یو کلنو هڅو کې بریالی نه و
د یو شمېر بنسټونو نوې موندنې ښیي، چې د افغانستان پارلمان په خپلو تېرو یو کلنو کړنو او په ځانګړي توګه د قانون جوړونې په برخه کې بریالی نه و.
د افغانستان پارلمان نوی پېر، چې له شپږ میاشتنیو ټاکنیزو هڅو وروسته پیل او پرې یو کال تېر شوی؛ د افغانستان د آزادو او عادلانه ټاکنو بنسټ د نویو موندنو له مخې؛ په خپل یو کلن کار کې ناکام و. دا ناکامي یې ډېره د قانون جوړونې، د حکومت پر کارونو د څارنې او د ملي شورا د غړیو د غیرحاضرۍ له کبله وه.
د افغانستان د آزادو او عادلانه ټاکنو د بنسټ موندنې ښیي، چې ولسي جرګې په تېر یوه کال کې د استیضاح هیڅ غونډه نلرله او په ډېرو ناستو کې یې نصاب هم بشپړ نه و؛ خو د غړیو د سواد کچه، عمر، خپلواکي او د ښځو حضور د دغې دورې د ځواکمنۍ ښه ټکي نومول شوي دي.
د افغانستان د آزادو او عادلانه ټاکنو بنسټ څېړونکی حسیب معترف وایي: په خواشینۍ، چې د ملي شورا اوومه دوره د خلکو له تمو سره سره په خپلو دندو کې ناکامه وه.
د ولسي جرګې غړی ګل احمد نورزاد وایي، چېروان بحران د دې لامل شوی، چې په ټوله کې د دولت کارونه ښه نه وي.
دا موندنې ښیي، چې د ملي شورا په ډېرو ناستو کې نصاب بشپړ نه و، چې له کبله یې د قوانینو په جوړولو او نورو لویو موضوعاتو کې هڅې ناکامې وې.
د افغانستان د آزادو او عادلانه ټاکنو بنسټ غړی عبدالباقی رشید واییو چې پارلمان باید په کلکه له حکومت وغواړي، چې نوې کابینه وروپېژني.
د ولسمشرویاند صدیق صدیقي ویلي؛ حکومت چمتو دی، چې کابینه ژر تر ژه پارلمان ته وروپېژني.
له حکومت سره د همغږۍ هڅې، د سیاسي کړکیچ منځګړیتوب، د قطعیې په سند کې د فساد افشا کول او د سواد لوړه کچه د ملي شورا اوومې دورې ته ارزښتمن مهم ټکي پاتې دي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه1 day ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
نړۍ1 day ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
لوبی1 day ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري