سیمه ییز خبرونه
پاكستان په افغانستان كې د امريكا پر سياست نيوكه كړې
د پاكستان د لومړي وزير د ملي امنيت او نړيوالو اړيكو سلاكار سرتاج عزيز وايي، چې په افغانستان كې د سولې په راوستو، پرمختيا، ثبات او دموكراسۍ كې امريكا خپلو موخو ته نه ده رسيدلې او ناكامه شوې ده.
ښاغلى سرتاج عزيز دغه راز په پاكستان كې د بلواگرو د ډېروالي له كبله هم په امريكا نيوكه كوي.
د پاكستان دلومړي وزير د ملي امنيت او نړيوالو اړيكو سلاكارسرتاج عزيز وايي:
آيا امريكايانو افغانستان ته سوله راوستله ؟ نه ! ، آيا دوى ترهگري پاى ته ورسوله؟ نه ! آيا دوى افغانستان ته پرمختيا راوړله؟ نه! آيا دوى يوه تلپاتې دموكراسي ټينگه كړه؟ نه! نو دې ته په پام دوى هيڅ يوې موخې ته ونه رسيدل؛ خو زموږ لپاره يې ستونزه پيدا كړه، چې ټول يې گورو.
ښاغلى سرتاج عزيز دغه راز په افغانستان كې د تلپاتې سولې او ثبات د نشتوالي له كبله اندېښنې څرگندوي او وايي، چې له دغه هېواده د بهرنيو ځواكونو وتل به د پولې په دواړو خواوو كې بلواگر پياوړي كړي.
نوموړي په ډاگه كړې، چې:
كه په افغانستان كې يوه لويه جگړه موجوده وي؛ نو ښكاره ده، چې اغېزې به هم ولري، نودې ته په پام مونږ د افغان لوريو ترمنځ د خبرو او روغې جوړې د پياوړتيا په موخه سخت كاركوو. مونږ نه غواړو د افغانستان په كورنيو چارو كې لاس وهنه وكړو؛ بلكې غواړو د سولې بهير ته آسانتياوې برابرې كړو، چې سياسي او امنيتي انتقال په ښه توگه وشي او هيڅ ستونزه رامنځته نه شي، چې په پاكستان اغېز وكړي.
عتيق الله امرخېل پوځي كارپوه وايي:
كابل له ډېرې مودې د پاكستان د رښتيني همكارې په لټه كې دى.
دا په داسې حال كې ده، چې د امريكا متحده ايالات د پاكستان پر استخباراتو تورلگوي، چې په خپله خاوره كې افغان وسله والو ته پنا وركوي. په دې وروستيو كې د امريكا د مشرانو جرگې د بهرنيو اړيكو د كميټې رييس ويلي، د پاكستان پوځ او استخبارات له طالبانو څخه په ملاتړ كې وضعيت نورهم پيچلې او دوه گونه لوبه كوي او په افغانستان كې د يوه خپلواك دولت د جوړولو هڅې نيمگړې ساتي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه4 days ago
د بغلان ولایت د غوري سمنټو تولید زیات شوی
-
تازه خبرونه4 days ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه3 days ago
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
-
سیمه ییز خبرونه4 days ago
په عراق کې به همجنسبازان پر۱۵ کاله بند شي –پارلمان
-
سیمه ییز خبرونه1 day ago
په هر حال پر رفح برید شونی دی – نتانیاهو
-
لوبی4 days ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
لوبی1 day ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه3 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي