Connect with us

تازه خبرونه

پر افغانستان د فشار له وسیلو کار اخیستل، کومه ګټه نلري

خپور شوی

د

(Last Updated On: ليندۍ ۱, ۱۴۰۱)

د بهرنیو چارو وزارت سرپرست د ناروې سفارت له چارسمبالي سره په لیدنه کې ویلي، چې د افغانستان پر وړاندې د فشار او ګواښ سیاست ګټور ندی او نړۍ باید له افغانستان سره د تعامل او همکارۍ سیاست غوره کړي.

د بهرنیو چارو وزیر د ناروې د سفارت له چارسمبالي سره په کابل کې د کتنې پرمهال ویلي؛ اوس د دې وخت رارسېدلی، چې نړۍ له افغانستان سره د تعامل او همکارۍ سیاست غوره کړي.

امیر خان متقي زیاته کړې؛ د افغانستان تاریخ دا څرګنده کړې، چې د فشار او ګواښونو پالیسي اغېز نه پرې کوي.

امیرخان متقي زیاته کړې، چې اسلامي امارت په افغانستان کې ترهګرې ډلې ځپلي، د نشه یي توکو قاچاق یې له منځه وړی او اوس له نړۍ غواړي، چې بشري چارې سیاسي نکړي، بلکې له افغانستان سره همکاري وکړي.

د بهرنیو چارو وزارت د ویاند مرستیال ضیا احمد تکل د امیرخان متقي د څرګندونو له مخې ویلي؛ سربېره پر دې د نشه يي توکو قاچاق له منځه تللی او د زرګونه روږدو کسانو درملنه شوې او تمه ده، چې نړۍ خپليې بشري مرستې سیاسي نکړي، بلکې له افغانستان سره همکاري وکړي.

یو شمېر کارپوهانو ويلي؛ تر هغې، چې نوی حکومت د نړیوالو غوښتنو ته غاړه کېندي او بشري حقونو ته درناوی ونکړي، د کابل په اړه د نړۍ سیاست به هم بدل نشي.

که څه هم په افغانستان کې د اسلامي امارت له واک ته رسېدو څه باندې یو کال تېرېږي؛ خو تر اوسه هیڅ هېواد د افغانستان د حکومت پر رسمیت پېژندلو ته زړه ندی ښه کړی. په داسې حال کې، چې د سیمې ډېرو هېوادونو له افغانانو سره د بشري مرستو پر دوام ټینګار کړی دی.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!