تازه خبرونه
پر ترهګرو د مالي سرچینو د وچولو هڅې باید ګړندۍ شي- ریچارد میک پنس
د امریکا د ولسمشر مرستیال وایي، چې پر ترهګرو د مالي سرچینو د وچولو هڅې باید ګړندۍ شي. ریچارډ پنس د مونشن(مونیښ) په امنیتي غونډه کې وویل، له ترهګرو څخه د خپل هېواد د ژغورلو لپاره افغان ځواکونو ډېر تلفات ګاللي دي.
د مونیخ دريپنځوسم کلنی نړیوال امنیتي کنفرانس، درې ورځنۍ غونډه، چې په کې پېنځه سوه نړیوالې څیړې، د پېنځه ویشت هېوادونو مشران، د اتیا هېوادونو د بهرنیو چارو او دفاع وزیران ګډون لري، غواړي نړیوالو ته د نړیوالو بې نظمیو په وړاندې د مبارزې پیاوړی پیغام ولیږدوي.
د امریکا د ولسمشر مرستیال ریچارد میک پنس په افغانستان کې د ترهګرۍ په وړاندې د اوږدې مبارزې خبره کوي، چې په وینا یې افغان ځواکونو ته یې لوړ تلفات اړولي دي.
د نوموړي په وینا؛ د اسلامي توند لارو په وړاندې مبارزه کې مونږ ګډه قرباني درلوده. په تېره یوه نیمه لسیزه کې د ناتو هېوادونو او زیاترو متحدانو د دې شومې پدیدې په وړاندې له افغانستان څخه تر عراقه مقابله وکړه. په دې جګړه کې د ناتو د ملګري امریکایي ځواکونو تر څنګ، د نړیوال ائتلاف څه باندې یوولس سوه سرتېري له ۲۰۰۱ کال راهیسې په افغانستان کې وژل شوي دي. افغانانو په ځلونو د خپل هېواد د آزادولو او آزادي ساتلو لپاره ډېر تلفات ورکړي دي.
هغه زیاتوي، له داعش سره سخته مقابله او د ترهګرو د مالي سرچینو وچول یوه اړتیا ده.
نوموړي دا هم په ډاګه کړې، چې د امریکا متحده ایالتونه په نه ستړې کیدونکي توګه د دښمانانو په ځانګړې توګه داعش د خلافت د له منځه وړلو لپاره مبارزه کوي. مونږ مخ په وړاندې د تګ لپاره باید د ترهګرو مالي سرچینې وچې کړو او د هغوي سایبري وړتیا باید له منځه ولاړه شي.
ولسمشر محمد اشرف غني د مونشن د غونډې په څنډو کې د نړۍ له مشرانو او استازیو غوښتي، چې د ترهګرۍ په وړاندې مبارزه ګړندۍ کړي.
افغان ولسمشر محمد اشرف غني د دې غونډې په څنډو کې د آلمان له لومړۍ وزیرې انګلا مرکل، د امریکا او بریتانیا له دفاع وزیرانو او د نورو هېوادونو له چارواکو سره ولیدل او له ترهګرۍ سره یې د مبارزې په لار کې له هغوي وغوښتل، چې افغان ځواکونه ښه تجهیز کړي.
د ناتو سرمنشي ینس ستولتنبرګ هم د مونیښ په غونډه کې یو ځل بیا د ترهګرۍ په وړاندې پر جدي مبارزه ټینګار وکړ.
د مونیښ درې ورځنی نړیوال امنیتي کنفرانس داسې مهال جوړیږي، چې په پاکستان او افغانستان کې ترهګریز بریدونه اوج ته رسیدلي، چې ویل کیږي اصلي ریښه یې په پاکستان او سیمه کې ده.
خبریال: فهیم نوري
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه13 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه13 hours ago
په عراق کې به همجنسبازان پر۱۵ کاله بند شي –پارلمان
-
لوبی10 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل