سیمه ییز خبرونه
په افغانستان كې افغان ماشومان له خوار ځواكۍ او لوږې كړيږي
د ملگرو ملتونو د څرگندونو له مخې، په ۲۰۱۳ م كال كې د خوار ځواكۍ پيښې د ۲۰۱۲م كال په پرتله په سلو كې ۵۰ زياتې شوې دي.
د نيويارك ټايمز د ورځپانې په وينا، كه څه هم هره ورځ د هلمند د مركز لښكرگاه ښار د بست په روغتون كې له ۴۰ تر ۵۰ ماشومان تداوي كيږي. نږدې درې سوه نور ماشومان، چې له لږ خوارځواكۍ سره مخ دي د درملنې په خوراكي پروگرام كې شامل شوي دي.
د اندراگاندي په روغتون كې د خوار ځواكۍ د درملنې د څانګې مسوول داكتر صفي الله اباسين وايي:
داكتران د كندهار، فراه، كونړ، پكتيا او پكتيكا په روغتونونو كې هم د خوار ځواكۍ د ورته پېښو راپورونه وركوي او په كابل كې هم د خوار ځواكي پېښې ليدل شوې دي.
داكتر صفي الله اباسين زياتوي د افغانستان په جگړه ځپلو سيمو كې ماشومانو ته سالمه تغذيه ستونزمنه ده او د هلمند په بست روغتون كې د ماشومانو د خوار ځواكۍ پېښې د پام وړ زياتې شوې دي.
د يونسف يو مسوول داكتر احمد اپريدى وايي:
زياتره داكتران او مرستندويان د دې حالت د را منځته كيدو عوامل د جگړو دوام او كډوالي په گوته كوي. مونږ سخت كار كوو، خو مونږ تجهيزات او ښې سرچينې نه لرو.
د نوموړي په وينا، زيات ناروغان راځي او مړه كيږي.
يو شمېر ميندې لوږه د خوارځواكي عامل بولي.
په افغانستان كې د ښځو او ماشومانو د ستونزو يوه بله برخه كورنى تاوتريخوالي دي.
د افغانستان د بشر د حقونو خپلواك كميسيون مشرې سيما سمر رويترز آژانس ته ويلي، د ښځو په وړاندې د زور زياتي پېښې له حده زياتې ډېرې شوي دي.
د مشرانو جرگې رييس فضل هادي مسلم يار د ښځو په وړاندې د زور زياتي پېښې غندي.
د افغانستان د بشر د حقونو خپلواك كميسيون د مشرې په وينا، د ښځو د شونډو او پوزو غوڅول، وهل ټكول، په عام محضر كې د جنسي تېري پېښې په افغانستان كې تر سره شوي دي.
د تاوتريخوالي د عاملينو معافول، اقتصادي ستونزې او د ناامنيو زياتېدل د ښځو په وړاندې د زور زياتي د پېښو د زياتوالي دليلونه بلل شوي دي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
سیمه ییز خبرونه3 days ago
په هر حال پر رفح برید شونی دی – نتانیاهو
-
لوبی3 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه3 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی5 days ago
اټک انرژي او موج ساحل د دوشنبې د ورځې لوبې وګټلې
-
روغتيا5 days ago
د عامې روغتیا وزارت نن په ټول هېواد کې د ګوزڼ واکسین کمپاین پیل کړ
-
تازه خبرونه4 days ago
روسیې پر اوکراین د شمالي کوریا توغندي توغولي
-
لوبی4 days ago
خراسان فاریاب میوند لوبډلې ته ۳ـ۱ ماته ورکړه
-
نړۍ3 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول