روغتيا
په افغانستان کې د ګوزڼ واکسین څلور ورځنی کمپاین پیل شو
عامې روغتیا وزارت وايي، د دوشنبې پر ورځ ( د غویي ۲۵ ) د هېواد په ۲۳ ولايتونو کې د ګوزڼ یا «پولیو» ضد واکسين کمپاين پيلېږي.
د عامې روغتیا وزارت ویاند شرافت زمان ویلي؛ دغه کمپاین به د روانې اوونۍ تر پنجشنبې ورځې پورې دوام وکړي، چې پر مهال به یې ۶ اعشاریه ۴ میلیون ماشومان واکسين شي.
د هېواد په ختیځ کې د پولیو واکسین کمپاین په داسې حال کې پیل شو، چې مسوولین د ننګرهار په کوټ او بټيکوټ ولسوالیو کې د دوه مثبتو پېښو له ثبتیدو خبر ورکوي.
په افغانستان د ملګرو ملتونو د ماشومانو وجهي صندوق یا يونیسف د پولیو د برخې مشر داکتر شمشېر وايي؛ په دغه کمپاين کې به د ختیځې سیمې يو اعشاریه څلور میلیون له پېنځه کلونو کم عمره ماشومان واکسين شي. دغه راز له میندو او پلرونو هم وغوښتل شول، چې د ګوزڼ یا پولیو د نااعلاجه رنځ څخه د خلاصون لپاره دې خپل اولادونه واکسين کړي.
د پولیو د له منځه وړلو ملي بېړني عملیاتي مرکز مشر داکتر نیک ولي شاه مومن ويلي؛ د ګوزڼ يا پولیو واکسین دغه لړۍ د ختيځې سیمې ترڅنګ د هېواد په ۲۳ ولایتونو کې هم پیل شوې، چې څلور ورځي به روانه وي او له مخې به يې د هېواد پر کچه شپږ اعشاریه څلور میلیون ماشومان واکسين شي.
دی وايي؛ هڅه کوي، چې د پولیو واکسین پر مټ د پولیو نااعلاجه رنځ له هېواد څخه په بشپړه توګه محوه شي.
د ننګرهار د عامي روغتیا رييس داکتر محمد رحیم قلندري د پولیو رضاکارانو او کارکوونکیو ته په دې ولایت کې د دوی د امنیت د خوندیتوب ډاډ ورکړ.
نوموړی په دې اړه ویلي؛ د واکسین کارکوونکي کولی شي هرې لرې پرتې سیمې ته ولاړ شي او ماشومان واکسین کړي.
د یادونې ده، چې په ننګرهار کې د تازه ثبت شویو ګوزڼ پېښو ترڅنګ په هېواد کې د يو شمېر محیطي پېښو د ثبت خبرونه هم ورکړ شوي دی.
روغتیاپالان وايي؛ پولیو ناروغۍ، چې د دايمي فلج سبب ګرځي درملنه نلري او يوازنۍ درملنه يې د پولیو واکسین دوه څاڅکي دي.
دوی له میندو او پلرونو غواړي، چې د پولیو نااعلاج رنځ څخه د خپلو اولادونو د ژغورنې لپاره دې خپلو ټولو له پېنځه کلونو کم عمره ماشومانو ته د پولیو واکسين وکړي.
روغتيا
قلندرعباد له آذربایجان څخه د کارکوونکیو د وړتیا لوړولو په اړه د مرستې غوښتنه وکړه
د عامې روغتیا وزارت چارسمبالي د هېواد د روغتیايي سکتور د کارکوونکیو د وړتیا لوړولو په برخه کې له آذربایجان څخه د مرستې غوښتنه وکړه.
قلندر عباد دغه غوښتنه په کابل کې د آذربایجان له سفیر الهام محمدوف سره په کتنه کې وکړه.
په دې کتنه کې دواړو لوریو د روغتیا په برخه کې د همکارۍ، د افغان روغتیايي کارکوونکیو د وړتیا لوړولو او نورو اړوند مسایلو په اړه خبرې وکړې.
دغه راز د آذربایجان سفیر په دې کتنه کې ویلي، چې هېواد یې هڅه کوي له افغانستان سره د روغتیا په برخه کې خپله مرسته او همکاري روانه وساتي.
د يو بل خبر له مخې؛ د اندراګاندي د ماشومانو په روغتون کې د اکسيجن د توليد د څانګې د ودانۍ د بنسټ ډبره کېښودل شوه.
د عامې روغتیا وزارت چارواکي وايي، دغه څانګه به د روغتیا نړیوالې ټولنې پر مالي او تخنیکي همکارۍ جوړه شي او په یوه ورځ کې د ۲۰۰ اکسیجن بالونونو د ډکولو پر وړتیا سربېره به دغه روغتون ته د اکسيجن د رسولو تر څنګ د روغتیا وزارت نورو روغتونونو ته هم اړین اکسیجن چمتو کړي.
روغتيا
قلندر عباد د روغتیایي سکټور ملاتړکوونکیو بنسټونو ته د افغانانو اړتیاوې وړاندې کړې
د افغانستان اسلامي امارت د عامې روغتیا وزارت چارسمبالي قلندر عباد د پنجشنبې پر ورځ ( د کب لسمه ) د قطر په پلازمېنه دوحه کې د روغتیایي سکټور د ملاتړو بنسټونو په غونډه کې ګډون وکړ او د افغانانو پر روغتیایي اړتیاوو یې خبرې وکړې.
په دې غونډه کې قلندرعباد د روغتیايي سیسټم د اصلاح، ګډې څارنې، روغتیايي ځانبسیاینې، د کلیو او ولسوالیو پر کچه د روغتیايي خدمتونو معیاري کولو او هر اړخیزو روغتیايي خدمتونو د وړاندې کولو په اړه خبرې وکړې.
نوموړي په روغتیایي برخه کې له نړیوالو همکارانو وغوښتل، چې د اداري لګښتونو د کمولو او د مرستو په سمو او ډاډمنو رسولو کې ډېرې هڅې وکړي.
د نوموړي د څرګندونو له مخې؛ که د ډېرو اداري لګښتونو مخه ونیول شي، د روغتیايي خدمتونو د لګښتونو پر برخه به مثبت اغېز ولري.
همدارنګه عباد ټینګار کړی، چې د هېواد د کنګل شوې شتمنۍ ازادېدا به د روغتیایي سکټور په ځانګړي توګه د میندو او ماشومانو لپاره ګټوره وي.
د قلندر عباد د څرګندونو له مخې؛ دا د افغانستان د روغتيايي سيسټم د خپلواکۍ، د روغتيايي خدمتونو د پراختيا او معياري کولو لپاره يو ستر او مثبت ګام دى، چې بايد نړيواله ټولنه يې ومني.
روغتيا
د ګوزڼ واکسيناسيون فرعي کمپاين پيل شو
د افغانستان عامې روغتیا وزارت د نړیوالو بنسټونو پر همکارۍ نن (دوشنبه د کب اوومه / د فبرورۍ شپږویشتمه ) د ګوزڼ یا پولیو واکسین د پلي کېدا د فرعي کمپاین دوهیم پړاو پیل کړ.
د پولیو واکسین دغه څلور ورځنی کمپاین به د هېواد په بېلابېلو سیمو کې پلی شي.
د دغه کمپاین موخه له پېنځه کلنو څخه کم عمره اووه اعشاریه شپږ میلیون ماشومانو ته د ګوزڼ ویروس پر وړاندې واکسین پلی کیږي.
د عامې روغتیا وزارت چارسمبالي قلندر عباد ویلي: مونږ د خپلو کاري شریکانو پر همکارۍ په افغانستان کې د ګوزڼ ناروغۍ له منځه وړلو ته ژمن یوو. مونږ شپه او ورځ کار کوو او په ټول هېواد کې د پولیو د بشپړ له منځه وړلو هدف ته د رسېدو لپاره د پولیو واکسین کمپاینونو او روغتیايي خدمتونو ته دوام ورکوو.
هغه زیاته کړې: د ګوزڼ د له منځه وړلو په چارو کې د ټولو افغانانو په ځانګړي توګه د سپینږیرو، د سیمې د مشرانو او دیني عالمانو ملاتړ مهم دی. دا د دوی لپاره اړینه ده، چې د ګوزڼ پر وړاندې مبارزه کې برخه واخلي او خپل ماشومان روغ وساتي.
ګوزڼ يوه ويروسي ناروغي ده، چې درملنه يې نهکېږي او يوازې د واکسيناسيون په واسطه وقایه او مخه یې نيول کېدی شي.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه17 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه17 hours ago
په عراق کې به همجنسبازان پر۱۵ کاله بند شي –پارلمان
-
لوبی14 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل