Connect with us

تازه خبرونه

په افغانستان کې د یو شمېر آسترالیایي سرتېرو قراردادونه فسخه شول

خپور شوی

د

د آسترالیایي رسنیو د څرګندونو له مخې؛ د دې هېواد حکومت په افغانستان کې د ملکي وګړیو او بندیانو پر وژلو تورن لس سرتېري له دندې ګوښه کړي دي.

آسترالیايي رسنیو په ډاګه کړې؛ له باوري شواهدو له خپرېدو وروسته دې هېواد په افغانستان کې د لږ تر لږه لس ځانګړیو سرتېرو تړونونه د ملکي وګړیو د ناقانونه وژنې له کبله فسخه کړي دي.

تېره اوونۍ د آسترالیا حکومت یو لړ باوري شواهد وموندل، چې آسترالیایي ځواکونو په افغانستان کې ملکي وګړي او بندیان وژلي دي.

د ای بي سي سرچینې د څرګندونو له مخې؛ هغه ملکي افغانان، چې د کورنۍ غړي یې د آسترالیا ځانګړيو ځواکونو وژلي؛ اوس هم د عدالت، تاوان او غرامت غوښتنه کوي.

په دې راپور کې راغلي؛ د آسترالیا ۱۹ سرتېري د ملکي افغانانو د وژنې پر تور محاکمه کیږي، چې  تر دې دمه یې ۹ پېژندل شوي او قضایي بنسټونو ته سپارل شوي دي.

راپور دا هم په ډاګه کړې، چې له دغو تورنو سرتېرو څخه ۱۰ یې په رسمي بڼه له دندې ګوښه شوي دي.

په افغانستان کې د قربانیانو کورنیو ویلي، چې د ملکي وګړیو د وژنې عاملین دې د قانون منګولو ته وسپارل شي.

د روزګان ولایت د سرخوم کلي اوسیدونکی عبدالطیف، چې د استرالیايي ځواکونو د عملیاتو پرمهال یې خپل پلار له لاسه ورکړی؛ یادې رسنۍ ته ویلي: زه عدالت غواړم. همدارنګه هغه دردونه، چې دوی ماته رسولي؛ زه یې د جبران غوښتونکی یم.

عبدالطیف زیاته کړې: د اسلامي قانون له مخې دې عدالت رامنځته شي؛ ځکه، چې جرمونه په افغانستان کې شوي او دا سرتېري باید پر اسلامي قانون محاکمه شي. که دوی پر آسترالیایي قانون محاکمه کیږي؛ نو د ژوند تر پايه باید په بند کې وي. مونږ عدالت او تاوان دواړه غواړو.

په راپور کې دا هم راغلې؛ که داسې کره شواهد تر لاسه شي، چې آسترالیايي ځواکونو د افغانانو په وژلو کې ښکېل وي؛ بیا، نو د آسترلیا حکومت باید د قربانیانو کورنیو ته ژر تر ژره تاوان او غرامت هم ورکړي.

آسترلیایي کارپوهانو ويلي؛ دا به بېسارې وي، چې په بهر کې د آسترالیا اتباع محاکمه کړي.

دوی زیاته کړې: د آسترالیا لپاره یوازې یوه لار پاتې ده، چې له پخپل خوندیتوب سترګې پټې کړي؛ خو دا به د قانوني ستونزو لامل شي.

تازه خبرونه

پاکستان بې‌اسناده افغان کډوالو ته د جولای تر لسمې د وتلو وروستۍ نېټه وټاکله

د پاکستان کورنیو چارو وزارت ولایتي ادارو، د پولیسو مشرانو او د اسلام‌آباد ادارې ته لارښوونه کړې، چې دا پرېکړه عملي کړي. د جولای له لسمې وروسته به د بې‌اسناده افغانانو پر ضد عملیات پیل شي او هر هغه څوک، چې معتبر قانوني اسناد ونه‌لري؛ وبه‌نیول شي.

Published

on

Last Updated on: چنګاښ ۹, ۱۴۰۵

پاکستان بې‌اسناده افغان کډوالو ته د جولای تر لسمې پورې له دغه هېواده د وتلو وروستۍ نېټه ټاکلې او چارواکو ته یې سپارښتنه کړې، چې له دې نېټې وروسته په ټول هېواد کې د هغو افغانانو پر ضد پراخ عملیات پیل کړي، چې قانوني اسناد نهلري.

د پاکستان کورنیو چارو وزارت ولایتي ادارو، د پولیسو مشرانو او د اسلام‌آباد ادارې ته لارښوونه کړې، چې دا پرېکړه عملي کړي. د جولای له لسمې وروسته به د بې‌اسناده افغانانو پر ضد عملیات پیل شي او هر هغه څوک، چې معتبر قانوني اسناد ونه‌لري؛ وبه‌نیول شي.

د جولای له یوولسمې څخه به ولایتي ادارې هره ورځ د کورنیو چارو وزارت ته راپورونه استوي، چې په کې به د موندل شویو بې‌اسناده افغانانو شمېر، د هغوی پر وړاندې ترسره شوي اقدامات او قانوني یا توقیفي وضعیت شامل وي.

د کورنیو چارو وزارت دا عملیات لومړیتوب بللی او د هېواد پر کچه یې په دې اړه د بېړنيو هڅو غوښتنه کړې ده.

دا پرېکړه په داسې وخت کې کیږي، چې د امنیتي اندېښنو له کبله د افغانستان او پاکستان ترمنځ اړیکې ترینګلې دي.

پاکستاني چارواکي تل ادعا کوي، چې وسله‌والې ډلې د افغانستان له خاورې پر پاکستان بریدونه تنظیموي؛ خو اسلامي امارت دا ادعاوې پرله‌پسې رد کړې دي.

Continue Reading

تازه خبرونه

یوناما پر افغانستان د پاکستاني پوځ په وروستيو هوايي بریدونو کې د ۷۷ کسانو مرګ او ژوبله تائید کړه

دې بنسټ په یوه خبرپاڼه کې لیکلي، چې د دغو بریدونو په قربانیانو کې ښځې او ماشومان هم لیدل شوي دي.

Published

on

Last Updated on: چنګاښ ۹, ۱۴۰۵

 

د افغانستان لپاره د ملګرو ملتونو مرستندویه پلاوي(یوناما) د پاکستاني پوځي رژیم په وروستیو هوايي بریدونو کې د پکتیا، پکتیکا او کونړ ولایتونو د ۲۸ ملکي وګړو وژنه او د ۴۹ نورو ټپي کېدل تائید کړي دي.

دې بنسټ په یوه خبرپاڼه کې لیکلي، چې د دغو بریدونو په قربانیانو کې ښځې او ماشومان هم لیدل شوي دي.

د یوناما د څرګندونو له مخې، د پکتیا د څمکنیو ولسوالۍ په هوايي برید کې ۲۲ ملکي وګړي وژل شوي او ۴۷ نور ټپیان دي. همدارنګه د پکتیکا د ګیان ولسوالۍ په برید کې شپږ ملکي وګړي وژل شوي او د کونړ د مرورې ولسوالۍ په برید کې دوه ماشومان ټپیان شوي دي.

یوناما په دې خبرپاڼه کې د ملکي وګړو پر خوندیتوب او د نړیوالو قوانینو پر درناوي ټینګار کړی دی.

دا په داسې حال کې ده، چې د اسلامي امارت د څرګندونو له مخې، د پاکستاني پوځي رژیم په هوايي بریدونو کې ۳۶ ملکي وګړي شهیدان شوي او ۱۶۳ نور ټپیان دي.

Continue Reading

تازه خبرونه

په کابل کې د پاکستان شارژدافیر احضار شو؛ اسلام‌آباد ته د هوايي بریدونو په تړاو پرېکنده اعتراض وړاندې شو

د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.

Published

on

 

د افغانستان اسلامي امارت بهرنیو چارو وزارت ویلي، چې په کابل کې یې د پاکستان د سفارت شارژدافیر احضار کړ او د افغانستان د هوايي حریم د نقض او د کونړ، پکتیا او پکتیکا ولایتونو د ملکي وګړو پر کورونو د بریدونو په‌اړه  ورته پرېکنده اعتراض وړاندې شوی دی.

د پاکستان پوځي رژیم تېره شپه د افغانستان د کونړ، پکتیا او پکتیکا ولایتونو په ځینو سیمو کې د ملکي وګړو پر استوګنیزو کورونو هوايي بریدونه کړي، چې د راپورونو له مخې په کې د ښځو او ماشومانو په ګډون ۳۶ عام ولسي وګړي «شهیدان» او ۱۶۳ نور ټپیان شوي دي.

دغه بریدونه د اسلامي امارت له‌خوا له نړیوالو اصولو، بشري قوانینو او ملي حاکمیت څخه ښکاره سرغړونه بلل شوې او پر سختو ټکو یې غندلي دي.

د اسلامي امارت د څرګندونو له مخې، پاکستان له دې وړاندې هم د ځینو امنیتي پېښو او چاودنو په تړاو افغانستان بې‌له معتبره شواهدو تورن کړی او دا ډول کړنې د دواړو هېوادونو ترمنځ د باور فضا ته زیان رسوي او د زور له لارې د ستونزو د حل تګلاره ناکامه بلل کېږي، چې د سیمه‌ییز ثبات لپاره منفي پایلې لري.

Continue Reading
Advertisement

Trending

Copyright © 2025 Ariana News. All rights reserved!


Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117

Warning: Undefined array key "slug" in /var/www/vhosts/ariananews.af/httpdocs/wp-includes/class-wp-theme-json.php on line 2117