تازه خبرونه
په افغانستان کې سېلابونو ۱۶ کسان مړه کړي
Last Updated on: چنګاښ ۱۸, ۱۴۰۱
د افغانستان په څو ولایتونو کې د سېلابونو ۱۶ کسان مړه او سلګونه کورونه او کرنیزې ځمکې یې ویجاړ کړې دي.
د طبيعي پېښو پر وړاندې د مبارزې وزارت زیاته کړې، چې د هېواد په يوولس ولايتونو کې د بارانونو او سېلابونو له کبله يوولس کسان ټپيان شوي دي.
د پېښو پر وړاندې د مبارزې وزارت چارسمبالي غلام غوث ناصري ويلي، له شپږ سوه ډېر کورونه بشپړ یا څه ناڅه ویجاړ شوي دي.
د نوموړي د څرګندونو له مخې، په دې سیلابونو کې ١٦٠٠ څاروي له منځه تللي او د کرنیزې ځمکې ٥٠ زره جريبه حاصلات له منځه تللي دي.
دغه راز هغه د پېښو پر وړاندې د مبارزې په برخه کې له سېلاب ځپلیو سره د مرستې ډاډ هم څرګند کړی دی.