په تېر کال کې د ۸۵ پروژو چارې بشپړې شوي او پر ۲۴ نورو کارروان دی

د ټولګټو چارو وزارت د یو کلنو فعالیتونو د رپوټ وړاندې کولو پر مهال  ویلي، چې دې وزارت په تېرکال کې له ۱۰۹ پروژو څخه ساتنه او څارنه کړې؛ د ۸۵ پروژو د ساتنې او څارنې چارې بشپړې شوي او ۲۴ نورې تر کار لاندې دي.

دغه راز دې وزارت سربېره پدې ۱۶۹۸ کیلومټره سړک رغولی؛ د قیر اچولو چارې یې بشپړې شوي او د روان کال ترپایه به د کابل – کندهار سړک د رغولو چارې بشپړیږي؛ د کندهار معروف سرک د کار چټکول، کندهار روزګان سړک د کار سرعت، د سالنګونو د سړک د پاتي برخو د کارونو پیل يي له مهمو پروژو څخه دي.

د ټولګټو چارو وزارت د مسوولینو د څرګندونو له مخې؛ په روان کال کې به د دغو پروژو کارونه په عملي ډول سره پیل شي.د هېواد حلقوي سړک د پاتي برخو تکمیل، د ننګرهار کابل د دوه ‌یم  سړک د کارونو پیل، د کابل غزني د دوه‌یم سړک پیل او د هرات غور د سړک د چارو پیل يي د روان کال له اړینو پروژو څخه دي، چې عملي چاري به يي پیل شي.

د ټولګټو چارو وزارت تخنیکي مرستیال عبد الکریم فاتح ویلي: په تېر کال کې له ۱۰۹ پروژو څخه د ۸۵ پروژو د ساتنې او څارنې چارې بشپړې شوي او ۲۴ نورې تر کار لاندې دي. سربېره پر دې د ۱۶۹۸ کیلومټره سړک د قیر اچونې او بیا رغونې چارې ترسره شوې دي.

د ټولګټو چارو وزارت د پرمختیايي او بېخبنایي پروژو پر پلي کېدو څه باندې ۱۵ زره کسانو ته د کار زمینه برابره کړې ده، چې د ۹۹۷ اعشاریه ۴ کیلومټره سړکونو د ډیزاین چارې بشپړې شوي، ۲۷۹ اعشاریه ۴۸ کیلومټره سړکونو پخول، د ۱۶۰ مټرو پلونو رغول او د ۲۴۴ اعشاریه ۸ کیلومټره سړکونو د ډیزاین د کار پیل د دغه وزارت د تېر کل له لاسته راوړنو څخه دي.

د دې وزارت مسوولینو ويلي، چې تېر کال يي ۴ اعشاریه ۱ میلیون مټریک ټن انتقالات تر سره کړي او د اوسپنې‌پټلي د پرا ختیا هڅې رواني دي.

د ټولګټو چارو وزارت ویاند اشرف حق‌شناس وایي؛  د خواف – هرات د څلورمې برخې د لومړي فاز او د هرات – مزارشریف د اوسپنې‌پټلۍ د بنسټیزې رغونې او غیر ریلي‌پټلۍ د پروژې قرارداد پای ته ورسید او د څلورم فاز د دوه‌یم فاز کار پیل شو، چې یو لومړیتوب دی.

ویل کیږي، چې تېر کال ۱۲زره کیلو مټره سړکونه د پاک کارۍ په پلان کې شامل ول، چې ۵ زره ۱۲۸ کیلومټره يي د وزارت د ولایتي پرسونلونو له لوري په ۲۹ ولایتو نو کې سړکونه خلاص ساتل شوي ۲۶۰۳ کیلومټره نور بیا په ۱۳ ولایتونو کې د خصوصي سکټور پر مټ پاک ساتل شوي، چې د هېوادوالو ترافیکي جریانونه منظم وساتل شي.