تازه خبرونه
په حکومت کې اختلافات د نظام د پاشل کېدو شونتیا زیاتوي
ځینې سیاسي کارپوهان وایي، که د حکومت خپل منځې اختلافات همداسې دوام وکړي، د پاشلو شونتیا یې شته.
دوی وایي، په بیلابېلو مواردو کې د ملي یووالي د حکومت د مشرانو تر منځ سخت اختلافات د دې سبب شوي چې خلک د حکومت له کړنو ناراضه شي.
د پوهنتون استاد او سیاسی کارپوه نصرالله په دې باور دی چې د ملي یووالي حکومت د قانون په بنسټ نه دی جوړ شوی، نو ځکه د هرې ورځې په تېرېدو سره د نظر اختلافات زیاتیږي.
د ښاغلي ستانکزي په وینا، د ملي یووالي د حکومت د جوړېدو له پیله تر اوسه، د دغه حکومت مشران په بیلابیلو مواردو کې د نظر اختلاف لري او دا مساله د دې سبب شوې چې تر اوسه کابینه بشپړه نه شي او د ټاکنیزو اصلاحاتو کمیسیون هم په کار پیل ونه کړي.
په نظریاتو کې د همدې اختلافاتو له کبله په وروستیو کې دفاع وزارت ته د ولسمشر له خوا نومول شوی افضل لودین له دغه پست انصراف وکړ او د ټاکنیزو اصلاحاتو د کمیسیون رییسه هم له خپل مقام ګوښه کړای شوې ده.
د همدې اختلافاتو د دوام په لړ کې اجراییه رییس عبدالله عبدالله ویلي چې اجراییه ریاست تشریفاتي پست نه دی او نه د چا ډالۍ ده او وایي، دغه بنسټ واک لري.
د ولسي جرګې غړی بشیر احمد تینج ټینګار کوي چې همدا اختلافات د دې سبب شوي چې د خلکو د ژوند د بدلولو لپاره هیڅ کار ونه شي.
کارپوهان خبرداری ورکوي چې د دغه وضیعت دوام، د هېواد او د ملي یووالي د حکومت د مشرانو حیثیت ته زیان رسوي او زیان یې خلکو ته رسیږي.
خو له ډې ټول سره سره ولسمشرۍ ماڼۍ او اجراییه ریاست بیا په حکومتداري کې دغه اختلافات یوه عادي مساله بولي.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
تازه خبرونه5 days ago
په ننګرهار کې د ناکامورا کانال پروژه بشپړه شوه
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه4 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
نړۍ3 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره