لوبی
په خوست کې د افغان او پاکستانیو لوبغاړیو تر منځ آزادې سیالۍ پیل شوې
د سویل ختیځ زون په خوست ولایت کې د یووالي تر سرلیک لاندې د افغانستان او پاکستانيو لوبغاړیو ترمنځ رزمي( آزادې) دوه ورځنۍ سیالۍ پيل شوې، چې په کې ۱۴ ـ ۱۴ لوبغاړیو برخه اخیستې ده.
په خوست ولایت کې د دې سیالیو جوړوونکیو ويلي، له دې سیالیو یې نړۍ ته موخه دا ده، چې په افغانستان کې امن دی، ژوند روان دی او هر هېواد کولی شي په بېلابېلو برخو کې خپل لوبغاړي افغانستان ته له افغانانو سره سیالیو ته راولېږي.
په خوست کې د کی اف ان ټولنې مشر نعمت الله همت زیاته کړې: مونږ په افغانستان کې ډېر قوي لوبغاړي لرو، چې ښې لوبې یې وکړې. مونږ غواړو دا لړۍ نوره هم وغزوو او یو ښه ګاونډيتوب ولرو او نورې نړۍ ته وښیو، چې په افغانستان کې امن دی او د نورو هېوادونو لوبغاړي هم راشي.
له پاکستان څخه راغلي لوبغاړي خوښ دي، چې په افغانستان کې یې سیالۍ وکړې او وايي، چې دوی به هم داسې زمینه برابره کړي، چې افغان لوبغاړي پاکستان ته وبلل شي او هلته هم له مینې ډکې ورته سیالۍ ترسره کړي.
د رزمي لوبو پاکستانی لوبغاړی بسم الله وایي: د کوټې له کچلاغه راغلي یوو؛ ډېر خوښ یوو، خلکو ډېره مینه راکړه او ډېرې ښې لوبې ترسره شوې. مونږ غواړو افغان لوبغاړي پاکستان ته را دعوت کړو، چې دوی هم هلته آزادې سیالۍ ترسره کړي دلته د خلکو له مینې مننه کوو.
د رزمي لوبو یو بل پاکستانی لوبغاړی عبدالرحمان نومی وایي: دلته ډېرې ښې لوبې وشوې؛ مونږ خوشحاله یوو، چې افغانستان ته راغلي یوو. دلته ډېر تکړه لوبغاړي شته، چې له مونږ سره یې ډېرې ښې سیالۍ وکړې. د دوی وړتیاوو ته باید پام وشي. مونږ غواړو دوی پاکستان ته راشي او هلته دا ډول ټورنمنټ ترسره کړي.
د آزادو سیالیو افغان لوبغاړي بیا وايي؛ د دوی لپاره حکومت او سوداګرو هیڅ لاسنیوی ندی کړی، چې په خبره یې تکړه لوبغاړي لري او ډېري یې بهر ته د سیالیو لپاره د اقتصادي ستونزو له کبله نشي تللی.
د رزمي لوبو افغان لوبغاړی شېر شاه و ایي: په هېواد کې د سپورټ په برخه کې هیڅ پام ندی شوی؛ نه سوداګرو کړی او نه هم ورته حکومت کړی. مونږ تکړه لوبغاړي لرو، چې بهر ولوبېږي؛ خو هغوی اقتصاد کمزوری دی او نشي کولی بهرنیو هېوادونو کې سیالۍ وکړي.
د رزمي لوبو لوبغاړي ممتاز ویلي: که په بهرنیو هېوادنو کې راته د سیالیو زمینه برابره شي، مونږ تکړه لوبغاړي لرو او هېواد ته به ویاړونه راوړي؛ خو مونږ ته هیڅ پام ندی شوی.
هغه له حکومت او سوداګرو څخه د دغې زمینې د برابرولو غوښتنه هم وکړه.
د رزمي لوبو دا لوبغاړي وايي؛ که آسانتیاوې ورته برابرې شي نه یوازې به په هېواد د ننه ښې لاسته راوړنې ولري، بلکي په نړیوالو لوبو کې به هم افغانستان ته ویاړونه راوړي.
لوبی
افغانستان او ازبکستان په خوست کې دوستانه شلآوریزه لوبه کوي
د کرکټ بورډ د څرګندونو له مخې؛ دا لوبه د روان کرکټ لیګ پر مهال ترسره کېږي او د هغې همکارۍ هوکړهلیک یوه برخه ده، چې د تېر کال په ډسمبر کې د افغانستان کرکټ بورډ او د ازبکستان کرکټ فډراسیون ترمنځ د کرکټ د پراختیا لپاره لاسلیک شوی و.
د افغانستان کرکټ بورډ اعلان کړی، چې د چنګاښ پر نولسمه / د جولای پر لسمه به د خوست ولایت په رحمت ولي مسرور کرکټ لوبغالي کې د ازبکستان کرکټ ملي لوبډلې کوربه وي او دواړه لوبډلې به یوه دوستانه شلآوریزه لوبه ترسره کړي.
د کرکټ بورډ د څرګندونو له مخې؛ دا لوبه د روان کرکټ لیګ پر مهال ترسره کېږي او د هغې همکارۍ هوکړهلیک یوه برخه ده، چې د تېر کال په ډسمبر کې د افغانستان کرکټ بورډ او د ازبکستان کرکټ فډراسیون ترمنځ د کرکټ د پراختیا لپاره لاسلیک شوی و.
ټاکل شوې، چې دا دوستانه لوبه د سهار پر ۹:۰۰ پیل او د افغانستان یوولس کسیزه لوبډله به د ازبکستان له ملي لوبډلې سره مخامخ شي. دغه لوبه به په افغانستان او د نړۍ په بېلابېلو هېوادونو کې د ټلوېزیوني او ډیجیټلي خپرنیزو شبکو له لارې پر ژوندۍ بڼه خپره شي.
د افغانستان کرکټ بورډ اجرائیوي رییس نصیب خان ویلي، چې دا بنسټ ازبکستان ته د ورته نویو راټوکېدونکو کرکټي هېوادونو ملاتړ ته ژمن او چمتو دی، چې له هغو هېوادونو سره هم همکاري وکړي، چې غواړي کرکټ ته وده ورکړي.
هغه زیاته کړې، چې د افغانستان کرکټ بورډ له دې مخکې د ازبکستان کرکټ فډراسیون د غړو لپاره د وړتیا لوړونې پروګرامونه او روزنیز ورکشاپونه جوړ کړي او تېر کال یو شمېر ازبک چټکو توپاچوونکو هم د افغانستان کرکټ بورډ د چټکې توپاچونې په ځانګړي روزنیز کمپ کې ګډون کړی و.
نصیب خان زیاته کړې، ازبکستان تل له افغانستان سره دوستانه چلند کړی او دواړو هېوادونو له وروستیو کلونو راپدېخوا د روغتیا، سیاست او سوداګرۍ په برخو کې خپلې همکارۍ پیاوړې کړې دي.
د نوموړي د څرګندونو له مخې، د کرکټ په برخه کې نږدې همکاري به د دواړو ګاونډ هېوادونو اړیکې نورې هم ټینګې او پیاوړې کړي.
لوبی
هند د افغانستان پر وړاندې د یو ورځنیو سیالیو اتلولي وګټله
په دې لوبه کې د افغانستان کرکټ ملي لوبډلې پچه وګټله او لومړی یې د توپوهنې پرېکړه وکړه.
د هند کرکټ ملي لوبډلې د افغانستان پر وړاندې د نړیوالو یو ورځنیو سیالیو د لړۍ درېیمه او وروستۍ لوبه د ۹ ویکټو پر توپیر وګټله او د دې لړۍ اتلولي یې خپله کړه.
په دې لوبه کې د افغانستان کرکټ ملي لوبډلې پچه وګټله او لومړی یې د توپوهنې پرېکړه وکړه.
د افغانستان لوبډلې د خپلو ټولو لوبغاړو پر سوځېدا په ۴۴ اعشاریه ۲ آورونو کې ۲۱۸ منډې وکړې او هند ته یې د ۲۱۹ منډو هدف وټاکه.
د توپوهنې په برخه کې حشمتالله شهیدي ۱۳۱ توپونه ترسره او ۱۰۲ منډې یې وکړې.
د هند لوبغاړو ټاکل شوی هدف په ۲۸ اعشاریه ۴ آورونو کې د یوې ویکټې پر زیان پوره کړل او له دې سره یې د سیالیو د دې لړۍ اتلولي وګټله.
هند له دې مخکې هم په لومړۍ لوبه کې افغانستان ته د ۷ ویکټو او په دوهیمه لوبه کې د ۱۷۰ منډو پر توپیر ماتې ورکړې وه.
لوبی
د ۵۰ اووریزو سیالیو لړۍ؛ هند په دوهیمه لوبه افغانستان ته ماتې ورکړه
هند په ۴۹.۵ آوورونو کې د خپلو ټولو لوبغاړو پر سوځېدو ۴۰۲ منډې جوړې کړې او افغانستان ته یې د ۴۰۳ منډو هدف وټاکه.
د هند کرکټ ملي لوبډلې د نړیوالو یوورځنیو سیالیو د لړۍ په دوهیمه لوبه کې د افغانستان کرکټ ملي لوبډلې ته د ۱۷۰ منډو پر توپیر ماتې ورکړه.
هند په ۴۹.۵ آوورونو کې د خپلو ټولو لوبغاړو پر سوځېدو ۴۰۲ منډې جوړې کړې او افغانستان ته یې د ۴۰۳ منډو هدف وټاکه.
د افغانستان ملي لوبډلې ونه شو کولی ټاکل شوی هدف پوره کړي او د خپلو ټولو لوبغاړو پر سوځېدو یې په ۴۴.۳ آوورونو کې ۲۳۲ منډې جوړې کړې.
د هند لکنهو ښار د ایکانا لوبغالي د دې لوبې کوربتوب کاوه.
د منډو جوړولو په برخه کې، شوبمن ګیل له ۱۱۰ توپونو ۱۵۴ منډې او ایشان کېشن له ۷۹ توپونو ۱۲۵ منډې جوړې کړې. شوبمن ګیل ۲۲ څلوریزې او ۲ شپږیزې ووهلې او ایشان کېشن ۱۴ څلوریزې او ۷ شپږیزې ثبت کړې.
د افغانستان له لوبډلې راشد خان ۳ ویکټې واخیستې.
د یادونې ده، چې د افغانستان ملي لوبډلې د دې لړۍ په لومړۍ لوبه کې هم د ۷ ویکټو پر توپیر ماتې خوړلې وه.
چینايي کارګر د افغانستان پولې ته نږدې د لویې لارې جوړولو کار ته راستانه شول
هیڅ ګاونډ هېواد خپل بل ګاونډی له منځه وړلی نهشي؛ جګړه د حل لار نهده – عبدالسلام حنفي
تهران غواړي پر هرمز تنګي واک وساتي او له بېړیو لګښت واخلي – ایراني سرچینې
روسیې له افغانستان او پاکستان څخه د اختلافونو د ډیپلوماټیک حل غوښتنه وکړه
د ۲۰۲۶ کال د بشري مرستو کمېدا میلیونونه کسان له بحران سره مخ کړي
شپږ افغان کرکټلوبغاړي د ۲۰۲۶ سریلانکا غوره لیګ ته غوره شول
افغانستان به په ډیلي کې د ۲۰ اوریزو سیالیو د لړۍ کوربه وي – راپورونه
ټرمپ نتنیاهو ته په ټیلیفوني اړیکه کې د «لېونی» ویل منل
ایران روان کال له افغانستان څخه ۴۱۷ میلیون مټرمکعبه اوبه ترلاسه کړي – فارس خبري آژانس
په سریلانکا کې د درې اړخیزو سیالیو لپاره د افغانستان الف لوبډله اعلان شوه
تحول: پر افغانستان د پاکستان د هوایي بریدونو په اړه غبرګون
څار: پر افغان خاوره د پاکستان هوایي برېدونو ته غبرګون
تحول: په افغانستان کې پر ملکي وګړو د پاکستاني پوځیانو هوایي بریدونه
څار: د افغانستان پر درې ولایتونو د پاکستاني پوځي رژیم بریدونه
تحول: د کابل او اسلامآباد تر منځ پر ډیپلوماسۍ ټینګار
-
تازه خبرونه2 days agoپناه غوښتونکي ښايي تر ۱۰ زره پونډو پورې لګښتونه بېرته ورکړي
-
International Sports3 days agoد مسي غوره ځلېدنه؛ ارجنټاین د بشپړې بریا پر خپلولو د ۲۰۲۶ نړیوال جام حذفي پړاو ته ورسېد
-
تازه خبرونه4 days agoد ریښتر پر کچه ۶.۱ درجې زلزلې د افغانستان ځینې سیمې ولړزولې
-
تازه خبرونه3 days agoله ملګرو ملتونو سره په پراختیايي پروژو کې خپلې همکارۍ روانې ساتو – امیرخان متقي
-
تازه خبرونه4 days agoافغانستان له ۴۷ کلونو وروسته د امنیت، یووالي او پرمختګ پړاو ته رسېدلی – شهاب الدین دلاور
-
څار4 days agoڅار: له اروپایي هېوادونو د افغان پناه غوښتونکو د ایستلو بهیر ته اندېښنې
-
سیمه ییز خبرونه4 days agoپه فارس خلیج کې د ایران او امریکا کړکېچ سخت شوی؛ متقابل بریدونه، نوې تورونه او د سولې د هوکړې د ماتېدا اندېښنې
-
تازه خبرونه3 days agoپه افغانستان کې د پاکستان د وروستيو هوايي بریدونو له کبله ملکي وګړو ته مرګ او ژوبله اوښتې