سیمه ییز خبرونه
په راتلونکي پسرلي كې به د جگړې مشري افغان ځواکونه کوي
امريكا ته د افغان ولسمشر د سفر په لړ كې ولسمشر حامد كرزى له خپل امريكايي سيال بارك اوباما سره هوكړې ته رسېدلى، چې په را روان پسرلي كې به په افغانستان كې د امريكايي سرتېرو جنگي رول پر ملاتړي بدل شي.
افغان ولسمشر حامد كرزى له خپل امريكايي سيال بارك اوباما سره په دې سلا شوى، چې په راتلونکي پسرلي كې به د جگړې مشري افغان ځواکونه کوي.
په سپینې ماڼۍ کې له خبرو وروسته ولسمشر اوباما وویل:
دواړه سره سلا شوي، چې ناټو به له راتلونکي پسرلي نه له افغان ځواکونو سره مرستندوېه رول ولري.
تر دې وړاندې د شیکاگو په غونډه کې موافقه شوې وه، چې په ټول افغانستان کې به د امنیتي چارو واگي تر راتلونکي دوبي پورې افغان ځواکونو ته سپارل کېږي، خو اوس د نوې موافقې له مخې دا چاره په راتلونکي پسرلي کې ترسره کېږي.
د امريكا ولسمشر بارك اوباما زياته كړه، چې په دې پسرلي کې به افغانان په ټول هېواد کې په رهبرۍ کې وي. د دې معنى دا نه ده، چې د امريکايي ځواکونو په گډون به ائتلافي ځواکونه نوره جگړه نه کوي. دوى به له افغان پوځيانو سره په گډه جگړه کوي. په دې معنى، چې که څه هم افغانان به رهبري اخلي، زموږ حضور او د کار بڼه به بدله وي، موږ به د روزنې، مرستې او سلا مشورې رول لرو.
ولسمشر حامد كرزي نويو پرمختگونو ته په اشارې وويل:
په راروان پسرلي كې به د افغانستان له كليو څخه بهرني سرتېري خپلو مركزونو ته را ووځي.
هغه په قطر كې د وسله والو طالبانو لپاره د دفتر د پرانيستي په اړوند د بارك اوباما له موافقې هم يادونه وكړه.
افغان ولسمشر حامد كرزى زياته كړه، چې موږ د قطر په دوحه کې طالبانو ته د دفتر پر پرانيستلو سره سلا شوو. له دغه دفتر نه به طالبان د افغانستان د سولې د عالي شورا له استازو سره مخامخ خبرې كوي. موږ به په دې خبرو کې د پاکستان په گډون د سیمې د هېوادونو مرسته هم وغواړو او له امریکا او خپلو نورو متحدینو سره به خپل ټول وس وکړو، چې څومره ژر، چې کېدای شي په افغانستان کې سوله او ثبات ټینگ شي.
د امريکا ولسمشر ونه ويل، چې تر ٢٠١٤م کال وروسته به څو امريکايي پوځيان په افغانستان کې پاتې وي.
خو ويې ويل، چې له ولسمشر کرزي سره يې په خبرو کې تر ٢٠١٤م کال وروسته په افغانستان کې د امريکا د ”ممکنه” حضور مسئله هم شامله وه.
بارک اوباما وويل، که چېرې د افغانستان محاکم امريکايي پوځيانو ته د دوه اړخيز امنيتي تړون له مخې قضايي خونديتوب ورنه کړي، امريکا به تر ٢٠١٤م کال وروسته په افغانستان کې کوم سرتېرى ونه لري، پر دې امنيتي تړون د واشنگټن او کابل له خوا بحثونه روان دي.
له واشنگټن څخه په ځينو راپورونو کې ويل شوي، چې اوباما پر دې غور کوي څو تر ٢٠١٤م کال وروسته له شپږو زرو تر پنځلسو زرو پورې امريکايي پوځيان په افغانستان کې پاتې شي، چې افغان امنيتي ځواکونه وروزي او مرسته يې وکړي.
ولسمشر کرزي په ۲۰۱۴ کال کې د آزادو، عادلانه او ډموکراټیکو ټاکنو د ترسره کولو په اړه د افغان حکومت طرحه وړاندې کړه، چې اوباما يې هرکلی وکړ او ټینگار یې وکړ، چې د امریکا د متحده ایالتونو رول په دې ټاکنو کې له هېڅ یو ځانگړي كانديد څخه ملاتړ نه بلکې د عادلانه او رڼو ټاکنو له ترسره کېدو څخه ملاتړ وي.
سیمه ییز خبرونه
په هر حال پر رفح برید شونی دی – نتانیاهو
د رویټرز خبري آژانس د راپور له مخې؛ که د اوبند او یرغمل خوشې کولو هوکړه وشی او که نه، اسرائیل به د غزې په جنوبي ښار رفح کې د حماس پر ضد خپل عملیات ترسره کوي.
نتانیاهو د خپل دفتر په خبرپاڼه کې څرګنده کړې: دا نظر، چې مونږ به د ټولو اهدافو ترلاسه کولو مخکې جګړه دروو؛ پر بحث او خبرو نه ارزي.
سیمه ییز خبرونه
د دوبۍ واکمن د هوایي ډګر د نوي ټرمینل جوړولو لپاره ۳۵ میلیارډ ډالر تصویب کړل
د دوبۍ واکمن شیخ محمد بن راشد آل مکتوم د یکشنبې پر ورځ په ایکس پاڼه کې لیکلي؛ د آل مکتوم نړیوال هوایي ډګر د مسافرینو د نوي ترمینل جوړولو لپاره ۱۲۸ میلیارډ درهم ( ۳۴ اعشاریه ۸۵ میلیارډ ډالر) تصویب شوي دي.
د رویټرز د راپور له مخې؛ د آل مکتوم نړیوال هوایي ډګر په نړۍ کې ترټولو لوی دی، چې د ۲۶۰ میلیون مسافرینو وړتیا لري او له دوبۍ نړیوال هوایي ډګر څخه به پېنځه چنده لوی وي.
دغه راز څرګنده شوې، چې په راتلونکیو کلونو کې به د دوبۍ هوایي ډګر ټول عملیات آل مکتوم ته ولیږدول شي.
د آل مکتوم هوايي ډګر به د ټرمینل ۴۰۰ دروازې او پېنځه ځغاستلیکې هم ولري.
د دوبۍ د اماراتو دولتي هوايي شرکت رییس شیخ احمد بن سعید آل مکتوم ویلي: دا هوايي ډګر به د اماراتو او د هغه د خور د لږ لګښت لرونکي هوايي شرکت فلای دوبۍ نوی کور وي او د ټولو هوايي شرکتونو له شریکانو سره، چې نړۍ له دوبۍ سره نښلوي؛ مل پاتې شي.
د دوبۍ د میډیا دفتر او د دوبۍ د هوایي ډګرونو اجرائیوي رییس پاول ګریفیټس څرګنده کړې؛ دا هڅه په نړۍ کې د هوایي چلند د مخکښ مرکز په توګه د دوبۍ موقعیت نور هم پیاوړی کوي.
سیمه ییز خبرونه
په عراق کې به همجنسبازان پر۱۵ کاله بند شي –پارلمان
د عراق پارلمان د شنبې پر ورځ د دیني ارزښتونو د ساتلو لپاره یو داسې قانون تصویب کړ، چې د همجنسبازانو اړیکې په کې جرم یاد شوی، چې سرغړوونکیي به یې پر ۱۵ کلونو بند محکوم شي.
رویټرز خبري آژانس د دې قانون د یوې کاپي له مخې راپور ورکړی، چې د دې قانون موخه د همجنسپالنې د اخلاقي ضعف پر وړاندې د عراقي ټولنې ژغورنه ده.
له دې پرېکړې څخه په ټولیزه توګه شیعه مسلمانو ګوندونو ملاتړ کړی، چې د عراق په پارلمان کې ترټولو لوی ائتلاف دی.
له زنا او همجنسبازۍ سره د مبارزې قانون همجنسبازي جرم اعهلانوي او ورته له ۱۰ کلونو څخه تر ۱۵ کلونو پورې د بند موده ټاکل شوې ده؛ خو د هغو لپاره، چې همجنسبازي یا فحشا ته وده ورکوي پر لږ تر لږه اووه کاله بند به محکومیږي.
دغه راز هغو کسانو ته، چې خپل بیولوژیکي جنسیت بدلوي یا قصداً ښځینه جامې اغوندي له یو څخه تر درې کلونو بند په نظر کې نیول شوی دی.
په پیل کې د همجنسبازانو لپاره د مرګ سزا د پام وړ وه؛ خو د امریکا او اروپايي هېوادونو له سخت مخالفت وروسته ورته د بند سزا په پام کې ونیول شوه.
په عراق کې تر شنبه ورځې پورې په ښکاره ډول همجنسبازي جرم نهو. که څه هم د جزا په کوډ کې نرم تعریف شوي قوانین د جنسي اړیکو د جزا لپاره کارېدل؛ خو د ټولنې غړي به د وسلهوالو ډلو او اشخاصو لخوا وژل کېدل.
رویټرز د بشري حقونو په څار ټولنه کې د همجنسبازانو د پروګرام د مدیر مرستیال راشا یونس د څرګندونو له مخې څرګنده کړې: د عراق د پارلمان لخوا د همجنسبازانو ضد قانون تصويب د عراق د همجنسبازانو له حقونو سرغړونه او پر بشري حقونو یو جدي ګوزار دی.
عراقي چارواکي، چې د بشري حقونو څارنه کوي؛ تر دې دمه په دې اړه له څه ویلو ډډه کړې ده.
د یو لړ څرګندونو له مخې؛ له ۶۰ څخه په ډېرو هېوادونو کې د همجنسپالانو جنسي اړیکې جرم ګڼل کیږي. په داسې حال کې، چې د همجنسبازانو جنسي اړیکې په ۱۳۰ هېوادونو کې قانوني دي.
-
تازه خبرونه1 day ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه21 hours ago
په غور کې د سېلابونو له کبله سلګونه خلک بې ځایه شول
-
تازه خبرونه1 day ago
په افغانستان کې پر کوکنارو د بندیز له کبله کروندګرو خپل عاید له لاسه ورکړی – نړیوال بانک
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
سوداگري24 hours ago
د ترکمنستان د سوداګرو او صنایعو اتحادیې مشر هرات ته سفر وګړ
-
نړۍ6 hours ago
اسرائیلي ځواکونو بیت المقدس ته نږدې د الجزیرې پر رسنیز دفتر چاپه ووهله
-
تازه خبرونه5 days ago
له اسلامي امارت سره په تعامل کې مو ملي ګټې رانغښتي- امریکا