تازه خبرونه
په سیمه او نړۍ کې د سولې له پاره مناسبه فضا رامنځ ته شوې- غني
ولسشمر غني د ملي شورا د پېنځم کاري كال د پرانيستلو په مراسمو كې د افغانستان حكومت او وسلوالو مخالفينو ترمنځ د سولې خبرو ته په نغوته وايي، په سيمه ييزه او نړيواله كچه د سولې خبرو ته مناسبه فضا برابره شوې ده؛ خو اجازه به ورنه كړي، چې د جگړې په پرتله د ترلاسه شوې سولې بيه لوړه وي.
محمد اشرف غني وایي:
په تېرو ديارلس كلونو كې د افغانستان د لاسته راوړنو، چې د كرزي صاحب په مشرۍ ترلاسه شوې غوڅه دفاع كوم او پرې به يې نه ږدم،، چې د سولې په پرتله د جګړې بيه لوړه شي .
ولسمشر غني خبردارى وركوي، چې كه ترلاسه شوې فضا د سولې په گټه ونه کاروئ او خبرې اترې ژر پيل نه شي؛ مسوليت به يې د هغو كسانو په غاړه وي، چې د خلكو وينو تويولو ته ارزښت نه وركوي.
ولسمشر محمد اشرف غني زیاتوي،دا موخه د جگړې او خلكو د وينو تويولو له لارې نه ترلاسه كيږي ،بلكې د خبرو او مذاكرې له لارې شوني ده، چې بايد ژر پيل شي، له دې پرته به يې مسووليت د هغه چا په غاړه وي، چې د خلكو د وينو تويولو ته پاملرنه نه كوي او خلك او تاريخ به يې په اړه قضاوت وكړي.
ولسمشر ټينگار كوي، د سولي له لاسته راغلې فضا په احتياط هركلى كوي او اجازه به ورنه كړي، چې افغانستان د نيابتي جگړې ډگر وگرځي .
ولسمشر غني ټینگارکوي، چي:
په سيمه كې نوي ماحول مرسته كړې، چې د گواښونو په اړه واحد درك او د ثبات په موخه سيمه ييزه همكاري ته اړتيا رامنځ ته شي، په قاطعيت سره غواړم ووايم، چې نه غواړم افغانستان د نيابتي جگړې په ميدان بدل شي .
ولسمشر په دې باور دى، چې سوله يوه ملي مسله ده او د هېواد ټول اقشار يې بايد په ټينگښت كې هڅه وكړي .
خبریال: حمید صدیقی .
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
د هوا حالاتو بدلونونه5 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري4 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه5 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه4 days ago
د تورخم لار لنډمهاله تړل کیږي
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
لوبی1 day ago
راشد خان د افغان بیسیم مخابراتي شرکت رسمي سوداګریز سفیر شو
-
سوداگري5 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره