Connect with us

کوید۱۹

په فرانسه کې د کرونا ویروس لس میلیون مثبتې پېښې ثبت شوي

خپور شوی

د

(Last Updated On: مرغومی ۱۲, ۱۴۰۰)

د شبنې پر ورځ  فرانسې رسمي سرچینو په ډاګه کړه؛ فرانسه په نړۍ کې شپږم هېواد شو، چې د کرونا ویروس له رامنځته کیدو راپدیخوا یې له ۱۰ میلیون ډېرې مثبتې پېښې ثبت کړې دي.

رویټرز د دغه هېواد د اړوند چارواکو د څرګندونو له مخې په ډاګه کړې، چې له تېرو څلیریشت ګړیو راپدیخوا ۲۱۹۱۲۶ نوې مثبتې پېښې رامنځته شوي او دا پرلپسې څلورمه ورځ، چې هېواد یې له ۲۰۰۰۰۰ څخه ډېر پېښې ثبتوي.

فرانسه د کرونا ویروس د لس میلیون پېښو پر لرلو د امریکا، هند، برازیل، انګلستان او روسیې په نوملړ کې راغله.

د شنبې شبت شوي شمېر د جمعې پر ورځ د ۲۳۲۲۰۰ ثبت شویو پېښو ریکارډ مات او دوه یم لوړ ځای یې هغه مهال خپل کړ، چې د فرانسې ولسمشر ایمانویل مکرون له راتلونکیو څو ستونزمنو اوونیو خبر ورکړ.

رویټرز راپور ورکړی، چې مکرون د نوي کال پر شپه ولس ته په خطاب کې د هغه څه پر پرتله، چې دمخه اعلان شوي وه د ډېرو نورو روغتیایي محدودیتونو اړتیا ته نغوته ونکړه؛ خو زیاتوي، چې حکومت باید د فردي آزادیو له محدودولو څخه ډډه وکړي.

د کرونا ویروس له کبله په روغتون کې د بستر شويو خلکو په شمېر کې له تېرو څلیریشت ګړیو راپدیخوا ۹۶ کسان ډېر شوي او ټول شمېر یې ۱۸۸۱۱ کسانو ته رسېدلی؛ خو دا شمېر اوس هم د ۲۰۲۰ کال په نومبر کې د ثبت شویو پېښو ۳۳۴۹۷ نږدې نیمایي دی.

په فرانسه کې له تېرو څلیریشت ګړیو راپه دیخوا له کرونا ویروسه ۱۱۰ کسان مړه شوي، چې ورسره د د مړینې ټول شمېر ۱۲۳۸۵۱ کسانو ته ورسېد.

کوید۱۹

د کرونا ویروس نړیوال بېړنی حالت پای ته ورسید

Published

on

(Last Updated On: غویی ۱۶, ۱۴۰۲)

د روغتیا نړیوالې ټولنې اعلان کړی، چې د ژوند او اقتصاد تر اغېزو او د میلیونونو خلکو له مړینې درې کاله وروسته؛ کرونا ویروس نور “نړیوال روغتیا بېړني حالت نه‌دی.

د روغتیا نړیوالې ټولنې مشر ویلي، چې دې ویروس په نړۍ کې خپل ژور زخمونه پریښي او اوس د دې خبر اعلان د نمانځلو یوه شېبه ده.

دغه راز دې ټولنې حکومتونو ته هم خبرداری ورکړ، چې احتیاط وکړي او دا ویرس باید د نورو ساري ناروغیو تر څنګ تر ادارې او څارنې لاندې شي.

د روغتیا نړیوالې ټولنې مشر هغو ساینس پوهانو ته هم درناوی وکړ، چې د کرونا پر وړاندې یې د مبارزې لپاره حیاتي واکسین جوړ کړي دي.

د روغتیا نړیوالې ټولنې مشر تیدروس ادهانوم ویلي، چې لږ تر لږه اووه میلیون خلک د دې ناروغۍ له کبله مړه شوي؛ خو د مړینې رښتینی شمېر شونی دی، چې ۲۰ میلیون کسانو ته نږدې وي.

د دې ټولنې د څرګندونو له مخې؛ د ویروس له کبله د مړنې شمېر د ۲۰۲۱ کال تر جنورۍ په اوونۍ کې له ۱۰۰ زره څخه ډېر و؛ خو د اپریل تر ۲۴ درې زره پېنځه ته راټیټ شوی دی.

نوموړی وایي: پرون بېړنۍ کمیتې د پېنځلسم ځل لپاره غونډه وکړه او ما ته یې مشوره راکړه، چې د عامې روغتیا بېړني حالت پای ته ورسوي. ما دا مشوره ومنله؛ نو پر بشپړ ډاډ څرګندوم، چې کرونا ویروس د نړیوال روغتیا بېړني حالت په توګه نور پای ته رسیدلی دی.

هغه زیاته کړې: دا پرېکړه د څه مودې لپاره په پام کې نیول شوې وه او د معلوماتو د بشپړې شننې له مخې په ډاګه شوه.

په هر حال تیدروس خبرداری ورکړی، چې د خبرتیا د لوړې کچې پورته کول د خطر پای ته د رسیدو معنا نه‌لري او څرګندوي، چې که شرایط بدل شي بېړنی حالت بېرته پیل کېدی شي.

Continue Reading

کوید۱۹

په ایران کې د کرونا ویروس نږدې ۹۰۰ نوې پېښې ثبت او ۲۴ کسان مړه شوي

Published

on

(Last Updated On: وری ۷, ۱۴۰۲)

د ایران د روغتیا وزارت د یکشنبې پر ورځ څرګنده کړې، چې په تېرو ۲۴ ګړیو کې د کرونا ویروس څه باندې ۸۹۱ نوې پېښې ثبت شوې دي او په همدې موده کې ۲۴ کسان مړه شوي دي.

د ایران روغتیا وزارت د عامه اړیکو مرکز د یکشنبې پر ورځ ویلي: په تېرو څلیریشت ګړیو کې د کرونا ویروس پر ناروغۍ اخته ۸۹۱ نوي ناروغان پېژندل شوي دي.

یادې سرچینې زیاته کړې؛ پر کرونا ویروس د اخته ۶۱۱ کسانو روغتیايي وضعیت د اندېښنې وړ دی.

Continue Reading

کوید۱۹

چینایانو نوی سپوږمیز کال پر کرونا اخته قربانیانو ته د روغتیا پر دعا پیل کړ

Published

on

(Last Updated On: سلواغه ۳, ۱۴۰۱)

رویترز راپور ورکړی، چې چین د یکشنبې پر ورځ د نوي سپوږمیز کال په پیل کې له خپلو هغو خلکو سره، چې تېر درې کاله یې تر ناروغۍ لاندې مړینې، فشارونه او مالي ستونزې ګاللي؛ د روغتیا او ډاډګېرنې دعا وکړه.

په بیجینګ کې له لاما عبادتځي یا معبد څخه بهر شاوخوا یو کیلومتر کتارونه وغزېدل، چې د دسمبر له پیله د کرونایي محدودیتونو له پای ته رسیدو مخکې تړلي وه؛ په زرګونه خلک خپلو عزیزانو ته د دعا کولو لپاره د وار په تمه کتار ودرېدل.

له دې مخکې چارواکو د جنورۍ له ۱۳ څخه تر ۱۹مې نېټې پورې په روغتونونو کې د کرونا له کبله د نږدې ۱۳ زره کسانو له مړینې خبر ورکړی و، چې په دې میاشت کې یا له هغې مخکې نږدې ۶۰ زره کسانو ته یې د مړینې کچه رسېدلې وه.

چینايي روغتیا پوهان وايي، چې په ټول هېواد کې د انتاناتو څپې لا دمخه لوړې شوې دي.

د چینایي چارواکو لخوا د مړینې راپور شوی شمېر هغه کسان ندي، چې په کور کې مړه شوي.

ځینو داکترانو ویلي، چې دوی د مړینې په سندونو کې د کرونا له لیکو هم ډډه کوي.

چين د جنورۍ پر ۱۴ نېټه د دسمبر له اتمې نېټې څخه د جنورۍ تر ۱۲ پورې په روغتونونو کې د کرونا له کبله د څه د پاسه ۶۰ زره کسانو له مړينې خبر ورکړ، چې د دغې ناروغۍ له پیله د ټولو مړو شويو ۵۰۰۰ کسانو څخه ډېروالی ښيي.

ځینې روغتیا پوهانو ویلي، چې سږکال به په چین کې له یو میلیون څخه ډېر خلک د دې ناروغۍ له کبله مړه شي.

بریتانیا میشت روغتیایي معلوماتو شرکت ایرفینیتي وړاندویېنه کړې، چې په دې اوونۍ کې به هره ورځ د له دې ناروغۍ د مړینې کچه ۳۶۰۰۰ ته ورسیږي.

د چين د کمونست ګوند د چارواكو د راپور له مخې، د نوي سپوږمیز كال د ۴۰ ورځني سفر په لومړيو ۱۵ ورځو كې د جنورۍ له ۷ څخه تر ۲۱  نېټې پورې شاوخوا ۱۱۰ میليون د اورګاډي مسافرينو سفرونه کړي، چې د تېر كال په پرتله ۲۸ سلنه زياتوالى ښیي.

د دولتي CCTV د راپور له مخې؛ د نوي کال په ماښام کې د ریل پټلۍ، لویو لارو، کښتیو او الوتکو له لارې ټولټال ۲۶.۲۳ میلیون سفرونه ترسره شوي، چې له ناروغۍ مخکې یې کچه نیمایي وه؛ خو د تېر کال په پرتله ۵۰.۸ سلنه زیاتوالی ښيي.

د شنبې پر ورځ د چین د ناروغیو څارنې او مخنیوي مرکز مشر ایپیدیمولوژیست وو زونیو ویلي؛ د رخصتۍ په بهیر کې شونې ده، چې د خلکو ډله‌ییز حرکت د وبا ناروغي خپره کړي؛ خو په نږدې وخت کې د کرونا دوه‌یمه څپه امکان نلري.

وو زنیو زیاته کړې، چې په راتلونکیو دوه یا درې میاشتو کې د کرونا ویروس د راګرځېدو احتمال شته؛ ځکه، چې ۸۰ سلنه خلک پدې ناروغۍ اخته شوي دي.

له هغې وروسته، چې چين د جنورۍ پر اتمه نېټه خپلې پولې بېرته پرانيستې؛ يو شمېر چينايانو هم بهر ته د تګ راتګ سفرونه کړي دي.

رویترز راپور ورکړی، چې چین د آسیا ګرځندوی سیمو ته د چینایي سیلانیانو بېرته راستنیدو لپاره هڅې کوي، چې له وبا مخکې یې پرې ۲۵۵ میلیارد دالر لګولي دي.

Continue Reading

Trending

Copyright © 2022 Ariana News. All rights reserved!