سیمه ییز خبرونه
په كندز كې د امريكا پر لگښت امنيتي ډلگيو ته د سرتېرو نيول پيل شول
په كندزكې د امنيتي گارډ( يا سي آى پي ) په نامه د نوې امنيتي ډلو لپاره د سرتېرو د جذبولو لړۍ پيل شوې ده.
محلي چارواكي وايي، چې:
دا ډلې به له پوليسو او محلي پوليسو بېله بڼه ولري، چې امريكايي ځواكونه به يې معاشونه او لگښتونه وركوي.
د كندز د پوليسو چارواكي وايي، چې :
پر دې سربېره تر اوسه ۹۰۰ نوركسان د محلي پوليسو په چوكاټ كې په څو ولسواليو كې گومارل شوي دي.
د كندزپه هوايي ډگركې د آيساف او پوليسو چارواكو په يوه خبري كنفرانس كې د امنيتي گارډ يا سي آى پي په نامه د نوې قطعې د جوړولو خبر وركړ.
د كندوزپوليسو كوماندان وايي، چې:
تراوسه د دې ډلې لپاره په قلعه ذال ولسوالۍ كې افراد نيول شوي او په علي آباد ولسوالۍ كې د ۱۵۰ نورو كسانو د نومليكنې چارې دوام لري، چې ځينو كسانو يې معاشونه هم ترلاسه كړي دي.
هغه وايي:
د محلي پوليسو د جوړولو پروسيجر اوږد و؛ نو په موقت ډول د سي آى پي په نامه د نويو ډلو څخه د امنيت په ټينگښت كې استفاده كيږي او امكان لري، چې دا تړون تر يوه كال وروسته هم وغځول شي .
كه څه هم تردې وړاندې اربكيانو او نظم عامه ساتونكي ځواكونو په ځينو سيمو او په ځانگړي توگه خان اباد كې امنيتي ستونزې جوړې كړې وې او ښايي دا نوې ډله هم ورته ستونزې جوړې كړي، خو د كندز د پوليسو قوماندان وايي چې سي آى پي په مستقيم ډول د پوليسو تر قوماندې لاندې ده او د افرادو د استخدام په وخت كې له محلي شورا څخه تضمين اخيستل شوى دى.
په كندزكې د آيساف ځواكونو كوماندان سايبراوتسكي وايي:
د سي آى پي نويو ځواكونو معاش د امريكا متحده ايالاتو له خوا وركول كيږي او تړون يې يو كلن دى.
د كندز د پوليسو كوماندان وايي:
په دې ولايت كې د امنيت د ټينگښت لپاره څه ننا څه څلور زره امنيتي ځواكونو ته اړتيا ده. په داسې حال كې ،چې اوس په دې ولايت كې د ملي پوليسو شمېر څه باندې ۲۰۰۰ تنو ته رسيږي . په كندوزكې د پوليسو مسوولين وايي، چې:
په امام صا حب، دشت ارچي، قلعه ذال، علي اباد ، خان آباد او چاردره ولسواليو كې تراوسه ۹۰۰ محلي پوليس جوړ شوي او پوځي زده كړې وركړشوي، چې د دې ځواكونو شمېر بايد ۱۲۰۰ تنو ته ورسيږي .
په كندزكې دا ډلې؛ ځكه جوړيږي، چې د ولسمشرد ځانگړي فرمان له مخې گڼې خصوصي امنيتي كمپنۍ لغوه او بې وسلې شوې دي.
سیمه ییز خبرونه
د حماس مشر له اردوغان سره د خبرو لپاره ترکیې ته ځي
رویټرز راپور ورکړی، چې د فلسطین اسلامي ډلې حماس مشر اسماعیل هنیه به د روانې اوونۍ په پای کې ترکیې ته له ولسمشر طیب اردوغان سره د خبرو لپاره سفر کوي. پداسې حال کې، چې د انقرې لوړپوړي ډیپلوماټ د چارشنبې پر ورځ دوحې ته د سفر په بهیر کې د حماس له مشر سره لیدلي دي.
ترکیه، چې د ناټو غړی هېواد دی؛ په غزه کې د اسرائیلو بریدونه غندي او د سمدستي اوربند غوښتنه یې کړې ده. اردوغان حماس د “آزادۍ غورځنګ” بولي او پر لویدیځ یې نیوکه کړې، چې له اسرائیلو ملاتړ کوي. دغه راز انقرې پر اسرائیلو سوداګریز بندیزونه هم لګولي دي.
اردوغان په پارلمان کې خپلو ګوندي وکیلانو ته ویلي، چې زه به د روانې اوونۍ په پای کې د فلسطین د مشر کوربهتوب وکړم. مونږ به پر یو شمېر مسلو هم خبرې وکړو.
د اکټوبر پر اوومه د غزې په تړانګه کې د اسرائیلو د بریدونو له پیل او له ایران سره د اسرائیلو له روان کړکېچ راپدیخوا به دا ترکیې ته د هنیه لومړنی سفر وي.
اردوغان د سې شنبې پر ورځ ویلي، چې د اسرائیلو لومړی وزیر بنیامین نتنیاهو او نور اسرائیلي مشران یوازې د سیمهییز بحران مسوول دي.
اردوغان دا هم ویلي؛ تر هغې، چې ژوندی وي د فلسطین د مسئلې ملاتړ ته به روان ساتي.
دا په داسې حال کې ده، چې ترکیې ته د حماس د مشر اسماعیل هنیه د سفر د مهالوېش نور جزئیات خپاره شوي ندي.
سیمه ییز خبرونه
سعودي عربستان به په پاکستان کې پر بېلابېلو پروژو پانګونه وکړي
د سعودي عربستان بهرنیو چارو وزیر د سې شنبې پر ورځ ( د وري اتهویشتمه) ویلي، چې هېواد به یې په پاکستان کې پر بېلابېلو پروژو د پام وړ پانګونه وکړي.
د پاکستان بهرنیو چارو وزیر ویلي، چې سعودي پانګوال پر کرنه، کانونو، معلوماتي ټکنالوژۍ او هوايي چلند په اړوند برخو کې پانګونې ته لیواله دي.
له دې مخکې اسلامآباد اعلان کړی و، چې سعودي عربستان په پاکستان کې د ۵ میلیارډ ډالرو پانګونې ته ژمن دی.
د دوشنبې پر ورځ ( د وري اووهویشتمه) د سعودي هېواد بهرنیو چارو وزیر شهزاده فیصل بن فرحان بن عبدالله له پاکستان سره د اقتصادي همکاریو د پیاوړتیا لپاه د یوه پلاوي پر مشرۍ اسلامآباد ته رسېدلی دی.
د پاکستان بهرنیو چارو وزیر اسحاق ډار یوې خبري غونډې ته ویلي، پاکستان د سعودي پلاوي ته د پانګونې لپاره د احتمالي پروژو په اړه بشپړ معلومات ورکړل.
د سعودي بهرنیو چارو وزیر ویلي، چې د پانګونې د احتمالي فرصتونو په اړه د پاکستان حکومت یادونه د ستاینې وړ ده.
هغه وایي: دا مونږ ته اړین باور راکوي، چې پر ارزښتمنو پروژو پانګونه وکړو.
هغه زیاته کړې: زه ډاډه یم، چې مونږ به د پام وړ ګامونه پورته کړو.
د سعودي عربستان لوړ پوړی پلاوی؛ د پاکستان د لومړي وزیر شهباز شریف او د سعودي ولیعهد محمد بن سلمان ترمنځ په مکهمکرمه کې د وروستۍ لیدنې پر مهال د دواړو هېوادونو ترمنځ د اقتصادي همکاریو د پیاوړتیا پر هوکړه لیکونو، د خبرو لپاره راغلی دی.
شهباز شریف تېره اوونۍ له سعودي ولیعهد سره ملاقات کړی و او د پېنځه اربه ډالرو د پانګونې د ګړندي کولو په اړه یې خبرې اترې کړې وې. پاکستان ته پکار ده، چې د بهرنیو اسعارو د کمېدو زیرمې راکمې کړي او بهرني پورونه ورکړي.
د پاکستان د مالیې وزیر محمد اورنګ زیب د پیسو د نړیوال صندوق او نړیوال بانک په پسرلنیو غونډو کې د ګډون لپاره په واشنګټن کې دی او هلته به د پور د نوي پروګرام لپاره رسمي خبرې پیل کړي.
دا لیدنه په داسې حال کې تر سره کیږي، چې پاکستان د پیسو له نړیوال صندوق څخه د څلیریشتمې مالي مرستې د ترلاسه کولو په لټه کې دی.
سیمه ییز خبرونه
په کندهار کې د میانکو بند له اوبو ډک شو
د کندهار ښار د دولسمي حوزې اړوند په میانکو سیمه کې وروستیو بارانونو د میانکو بند له اوبو ډک کړی دی.
د کندهار ولایت مقام رسنیز مرکز زیاته کړې؛ د میانکو اوبو بند څه وخت مخکې د یواینډيپي موسسې پر مالي لګښت جوړ او ګټي اخیستني ته وسپارل شو.
د سرچینې د څرګندونو له مخې، وروستیو بارانونو دا بند له اوبو ډک کړ او هم یې زرګونو کورنیو ته د سیلابي اوبو د ورتلو مخه نیولې ده.
ویل کیږي، چې دغه بند یونیم میلیون متره مکعب اوبه ذخیره کوي او نه یوازې یې د کندهار د شپږو ناحیو ۱۲ زره کورنۍ له سیلابي اوبو څخه ژغورلي، بلکې تر ځمکې لاندي اوبو کچه ورسره لوړه شوې او هم یې هېوادوالو ته د دمې او نندارې ښه زمینه برابره کړې ده.
-
لوبی3 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي2 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
سیمه ییز خبرونه4 days ago
پر ایران به د اسرائیلو برید له سخت ځواب سره مخ شي
-
تازه خبرونه3 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
سیمه ییز خبرونه4 days ago
ایران پر اسرائیلو د بې پیلوټه الوتکو او توغندیو غچ اخیستونکی برید ترسره کړ
-
نړۍ3 days ago
امریکا به پر ایران د اسرائیلو په ځوابي برید کې برخه وانخلي
-
تازه خبرونه2 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ1 day ago
امريکا او متحدین یې پر ايران د نورو بنديزونو لګولو هڅې کوي