د امریکا بهرنیو چارو وزیر انټوني بلینکن د سې شنبې پر ورځ (د غویی پر پېنځه‌ویشتمه) پر یوه ناڅاپي سفر د اوکراین کیف ته رسېدلی دی. دا په داسې حال کې ده، چې د دې هېواد  کانګرس تېره میاشت ورته د ۶۱ میلیارډ ډالرو پوځي مرستې ومنلې.

د رویټرز د راپور له مخې؛ ادعا شوې، چې د دې سفر موخه له اوکراین سره پیوستون او د دې هېواد په شمال ختیځه پوله کې د روسیې له درندو بمباریو سره په مبارزه کې د امریکا ملاتړ دی.

یو امریکايي چارواکي، چې  انټوني بلینکن له سفره خبر و؛ ویلي: هیله من دی، چې بهرنیو چارو وزیر اوکراینیانو ته په دې سفر کې، چې له سختو شرایطو سره مخ دي؛ ډاډمن زیری ولري.

د رویټرز خبري اژانس د راپور له مخې دې امریکايي چارواکي ویلي: اوکراین ته د بهرنیو چارو وزیر تګ په دې راڅرخیږي، چې څنګه خپلې اضافي مرستې داسې پلي کړي، چې د کیف دفاعي ځواکونه ډاډمن اوپیاوړي کړي او هغوی ته دا وړتیا ورکړي، چې د جګړې په ډګر کې خپل نوښت بېرته ترلاسه کړي.

له دې مخکې د امریکا ولسمشر جوبایډن کیف ته د ۴۰۰ میلیون ډالرو پوځي مرستې د استولو امر کړی و.

د پنټاګون د څرګندونو له مخې؛ د بایډن د ولسمشرۍ له پیل راپدیخوا امریکا اوکرایین ته د ۵۱ اعشاریه ۳ میلیار ډالرو څخه زیاتې امنیتي مرستې ځانګړې کړې، چې د روسیې د برید له پیله ۵۰ اعشاریه ۶ میلیارډ ډالر ورکړ شوي دي.

څو ساعته مخکې د سپینې ماڼۍ د ملي امنیت سلاکار جیک سالیوان په یوه خبري ناست کې کیف ته د واشنګټن د پوځي مرستو په بڼه د وسلو د یوې نوې ټولګې د استولو، چې سر له ننه به امریکا هره اوونۍ اوکراین ته د وسلو لېږل ترسره کوي.

دغه راز لکه څنګه، چې اوس په جګړه کې د تېر پر پرتله د روسیې پر پرمختګ اندېښنې زیاتې شوي او اوکراین هم منلې، چې روسي ځواکونو د دوشنبې پر ورځ د خارکوف په سیمه کې پرمختګ ته وکړ او تاکتیکي بریا یې ترلاسه کړه.

دا په داسې حال کې ده، چې د روسیې ولسمشر ولادیمیر پوتین د دغه هېواد دفاع وزارت ته نوی وزیر معرفي کړی دی.

د رویټرز د راپور له مخې؛ د یکشنبې پر ورځ د برازیل چارواکو ویلي، چې په ریو ګرانډ دو سول ایالت کې د سختو بارانونو له کبله د مړو شمېر له ۱۳۶ څخه ۱۴۳ ته لوړه شوی، ۱۲۵ کسان ورک دي او هوا پېژندنې هم وضعیت د اندېښنې وړ یاد کړی دی.

د شنبې پر ماښام حکومت له روان ناورین سره د مبارزې لپاره شاوخوا ۱۲ اعشاریه یو میلیارډ ریال ( ۲ اعشاریه ۳۴ میلیارډ ډالر) بېړنی لګښت اعلان کړ. دغه راز ویل کیږي، چې د شاوخوا ۱۰ اعشاریه ۹ میلیون وګړو څخه په دې ایالت کې له ۵۳۸ زره ډېر خلک بې ځایه شوي دي.

فډرالي حکومت د شنبې پر ورځ ویلي وه، چې پر دې پیسو سربېره ۶۰ میلیارډ ریال له دې مخکې ورته چمتو شوې وې.

د برازیل ولسمشر لویز اناسیو لولا داسلوا په ایکس پاڼه کې څرګنده کړې؛ دولت به هغه څه بیا جوړ کړي، چې ویجاړ شوي دي.

لولا د مور د ورځې نمانځغونډې ته د خپلو خبرو پر مهال ویلي: مونږ پوهیږو، چې هرڅه بېرته نشي ترلاسه کیدی؛ میندو خپل ماشومان له لاسه ورکړي او ماشومانو خپلې میندې له لاسه ورکړي.

د شنبې پر ورځ د امریکا ولسمشر جو بایډن ویلي، چې اداره یې د مرستې چمتو کولو لپاره د برازیل له حکومت سره په اړیکه کې ده.

بایډن وایي: مونږ هغو خلکو ته دعا کوو، چې له دې ناورینه اغېزمن شوي. مونږ لومړني مرسته کوونکي یوو، چې د کورنیو او افرادو د ژغورنې لپاره طبي چمتووالی وړاندې کوو.

د یکشنبې پر ورځ نور باران وشو او د دوشنبې پر ورځ هم وړاندویېنه شوې ده.

رویټرز راپور ورکړی، چې د بارانونو له پیل څخه لږ څه دوه اوونۍ وروسته دا ایالت یوځل بیا د پلازمېنې پورټو الګر سره نږدې په ګیبا جهيل کې د اوبو د کچې د بیا لوړیدو له خطره خبرداری ورکړ شوی دی.

دا ایالت د استوایي او قطبي اتموسفیر ترمنځ د راتلو او سختو بارانونو ښکارندویي کوي.

سیمه‌ییز ساینس پوهان په دې باور دي، چې دا وضعیت د اقلیم د بدلون له کبله رامنځته شوی دی.

د امریکا ولسمشر جوبایډن د چارشنبې پر ورځ د لومړي ځل لپاره اسرائیلو ته رسنیز خبرداری ورکړ، چې که اسرائیلي ځواکونه د غزې په سویل کې له مهاجرینو څخه پر ډک ښار رفح پراخه برید وکړي؛ نو امریکا به دغه ځواک ته د وسلو ورکول ودروي.

بایډن له سي‌ان‌ان سره په مرکه کې څرګنده کړې: ما ښکاره کړه، چې که دوی رفح ته ولاړ شي … زه به د هغو وسلو کارول ودروم، چې د رفح په جګړه کې کارول شوي دي.

د بایډن څرګندونې پر رفح د اسرائیلو د برید د مخنیوي او په منځني ختیځ کې د امریکا د ې متحد تر منځ ډېرېدونکی واټن پر ګوته کوي.

بایډن ومنله، چې اسرائیلو اووه میاشتې مخکې د حماس د له منځه وړلو لپاره پر غزه برید وکړ او د ملکي وګړو د وژلو لپاره یې امریکايي وسلې وکارولې.

د غزې روغتیا وزارت ویلي؛ د اسرائیلو په عملیاتو کې تر اوسه  ۳۴ زره ۷۸۹ فلسطینیان وژل شوي، چې ډېري يي ملکي وګړي دي.

هغه اسرائیلو ته د ۲۰۰۰ پونډي بمونو د لیږلو په اړه د پوښتنې په ځواب کې ویلي: په غزه کې د بمونو او نورو لارو په پایله کې خلکو ته مرګ او ژوبله اوښتې ده.

یوه لوړپوړي امریکايي چارواکي، چې د نوم د نه ښودلو پر شرط یې خبرې کړي ویلي؛ واشنګټن په رفح کې د وسلو د لېږد په اړه څېړنه کړې، چې په پایله کې یې ۱۸ سوه ۲۰۰۰ پونډه (۹۰۷ کیلوګرامه) بمونه او ۱۷ سوه ۵۰۰ پونډه بمونه لېږدول درول شوي دي.

په ملګرو ملتونو کې د اسرایلو سفیر ګیلاد اردان د اوونۍ په پیل کې د واشنګټن پرېکړه ډېره ناهیلې کوونکې یاده کړه. که څه هم هغه باور نه‌درلود، چې امریکا به اسرائیلو ته د وسلو لېږل ودروي.

اسرائیلو روانه اوونۍ پر رفح برید وکړ. دا هغه ځای دی، چې له یو میلیون ډېرو فلسطینیانو په کې پناه اخیستې؛ خو بایډن ویلي، چې هغه د اسرائیلو بریدونه بشپړ یرغل نه‌ګڼي؛ ځکه، چې دوی پر ګڼ‌میشتو سیمو برید ندی کړی.

دا مرکه له هغې څو ساعته وروسته وشوه، چې دفاع وزیر لویډ جي آسټین تېره اوونۍ د بایډن پرېکړه ومنله، چې پر رفح د بریدونو د اندېښنو له کبله د زرګونو درندو بمونو لیږد بندوي؛ ځکه، چې واشنګټن پر ملکي سیمو د اسرائیلو د بریدونو مخالفت کوي.

اسرائیلو روانه اوونۍ پر رفح برید وکړ. دا هغه ځای دی، چې له یو میلیون ډېرو فلسطینیانو په کې پناه اخیستې؛ خو بایډن ویلي، چې هغه د اسرائیلو بریدونه بشپړ یرغل نه‌ګڼي؛ ځکه، چې دوی پر ګڼ‌میشتو سیمو برید ندی کړی.

امریکا په ۲۰۱۶ کال کې له اسرائیلو سره درېیم لس کلن هوکړه لیک لاسلیک کړ، چې د ۱۰ کلونو لپاره د ۳۸ میلیارډ ډالرو نظامي مرستې چمتو کوي.

ویل کیږي، چې امریکا به اسرائیلو ته د دفاعي وسلو ورکول روان ساتي.