تازه خبرونه
په ننګرهار کې د افغان او پاکستانیو ځواکونو نښتې مرګ و ژوبله رامنځته کړې
نن ماښام د ننګرهار ولایت د مومند درې ولسوالۍ په غوړکي سیمه کې د افغان او پاکستانیو سرحدي ځواکونو ترمنځ نښته رامنځته شوه.
د ننګرهار والي ویاند عطاء الله خوږیاڼي ویلي: نښته هغه وخت رامنځته شوه، چې پاکستانيو سرتېرو غوښتل په سیمه کې نظامي تاسیسات جوړ او اغزن تار وغزوي؛ خو د افغان ځواکونو لخوا یې مخه ونیول شوه.
خوږیاڼي زیاته کړې، چې په دې پېښه کې یو سرحدي پولیس وژل شوی او درې نور ټپیان دي.
د والي ویاند دا هم ویلي، چې د نښتو پرمهال ځايي خلکو هم سیمه پریښوه او وتښتیدل.
دغه راز ویل شوي، چې لومړى ګوزار پاکستاني لوري کړى دی.
هغه وايي، نښته اوس دریدلې؛ سيمې ته د څار او څېړنې ډله استول شوې ده.
د نوموړي د څرګندونو له مخې؛ پاکستانيو ځواکونو ته هم زیان رسیدلی؛ خو شمېر یې معلوم ندی.
پاکستان تر دې دمه په دې اړه څه نه دي ویلي.
تازه خبرونه
در نهمنین بازی لیگ قهرمانان افغانستان – تیم اتکانرژی ۱-۰ سرخپوشانخوافی را شکست داد
در نهمین مسابقات لیگ قهرمانان فوتبال کشور، تیم اتکانرژیافسی روز چهارشنبه (۵ ثور) با نتیجه یک بر صفر تیم سرخپوشانخوافی را شکست داد.
حسیب احدی بهترین بازیکن اتکانرژیافسی شد و یگانه گول را برای این تیم به ثمر رساند.
در ادامه، در دهمین بازی این دیدار تیم استقلالکابل توانست مقابل موجساحل با نتیجه ۲ بر یک پیروز شود.
در این بازی، بهترین بازیکن مسابقه شاداب ملکزاده انتخاب شد.
این مسابقات بهگونه مستقیم از تلویزیون آریانا پخش میشود.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ