سیمه ییز خبرونه
په ننگرهارکې پېنځه تنه وسلوال طالبان د سولې له بهيرسره یو ځای شول
د ننگرهارچارواکي وايي:
په ننگرهارکې د سولې عالي شورا او ملي امنیت د کارکوونکيو په هڅو پېنځه تنه طالبان له خپلو څلورمیله سپکو او درندو وسلو سره د سولې له پروسې سره یوځای شول.
د ننگرهارد سولې ولایتي کمیټې مشرملک نظیر وايي:
دا هغه پېنځه تنه طالب جنگیالي دي، چې له ډېرې مودې راهیسې یې د ننگرهار په بېلابېلو سیمو کې د دولت ضد ورانکاري فعالیتونه ترسره کول.
له دولت سره د يو ځاى شويو كسانو مشر فيض محمد او ملگري ېې مني، چې ننگرهار ولايت په گڼو ولسواليو كې يې دولت ضد او نور ورانكاري فعاليتونه د پاكستان د څارگرې ادارې په مالي مرسته او لارښونه ترسره كول.
دوى له دولت څخه غواړي، چې د دوى امنيت وساتي او كه دولت دا كار ونه كړي؛ نو د وسلوالو مخالفينو له خوا به ووژل شي.
دوى همدا راز له دولت څخه د كار د زميني د برابرولو غوښتنه هم كوي.
د وسلوالو طالبانو وياند ذبيح الله مجاهد په ننگرهار كې د سولې له بهير سره د خپلو ملگرو يو ځاى كيدل ردوي.
د یادونې وړده، چې د ننگرهار د چارواکو په وینا په دغه ولایت کې د سولې د ولایتي کمیټې له جوړیدو راهیسې تراوسه په اووه جوپو کې ټول ټال ۱۴۰تنو وسله والو مخالفينو له لسگونه میلو وسلو سره عادي ژوند ته رادانگلي دي.