تازه خبرونه
په نوي ډیلي کې پوتین او مودي د سیمې او افغانستان په اړه خبرې کوي
د روسیې ولسمشر د هند او روسیې ترمنځ د کلنیو ناستو لړۍ په یوویشتمه ناسته کې د ګډون په موخه نوي ډیلي ته رسیدلی.
د نړۍ هېوادونو ترمنځ د سیمه ییزو تعاملاتو پردوام د روسیې ولسمشر ولادیر پوتین د دوشنبې پر ورځ د یوه لوړپوړي دولتي پلاوي پر ملتیا له هندي چارواکو سره د خبرو اترو په موخه د هند پلازمېنې نوي ډیلي ته رسیدلی دی.
د هند د بهرنیو چارو وزارت ویاند اریندام بغچي وايي، په دغه سفر کې به هندي چارواکي د روسیې له ولسمشر، د دفاع او بهرنیو چارو له وزیرانو سره د دوه اړخیزو سیاسي، دفاعي، اقتصادي او سوداګریزو او نړیوالو مسایلو په اړه په تېره بیا په افغانستان کې د روان وضعیت په تړاو خبرې وکړي.
نوموړي ویلي؛ هغه به د هند او روسیې ترمنځ د یوویشتمې کلنۍ ناسته په موخه دلته حضور ولري. لکه څرنګه، چې پوهیږئ د سیاسي، دفاعي، دوه اړخیزه سیمه ییز او نړیوالو مسایلو په تړاو به خبرې وشي.
د رسنیو د راپورونو له مخې؛ په دغه سفر کې به پوتین د روسي له لخوا هندي لوري ته اس ـ ۴۰۰ توغنیدیو مدافع پرمختللي سیسټم هم وسپاري؛ خو د هند د بهرنیو چارو وزارت ویاند په دغه تړاو خبرې له وخت مخکې بولي.
اریندام بغچيزیاته کړې: لکه څنګه، چې ما مخکې هم اشاره وکړه په دغه برخه کې مونږ د دواړو دولتونو ترمنځ ګډ تخنیکي پوځي کمیسیون لرو. زه نه غواړم په دې اړه بحث وکړم؛ خو له شک پرته، چې جزئیات به یې له تاسې سره شریک کړو. زه هیڅکله نه غواړم، چې له نورو څخه مخکې خبرې وکړم په تېره بیا هغه څه، چې د لوړپوړیو دولتي چارواکو او زمونږ د دولت د مشرتابه په کچه دي.
دا په داسې حال کې ده، چې له دې مخکې امریکا د روسیې او هند د اړیکو پر نږدیوالې اندېښنه ښودلې او له دې وړاندې واشنګټن نوي ډیلي ته خبرداری ورکړی و، چې له روسیې څخه د توغندیو دفاعي سیسټم له اخیستلو ډډه وکړي؛ ځکه هغه د امریکا د ۲۰۱۷ زېږدیز کال له قوانینونو سره په ټکر کې دی.
تازه خبرونه
بیجینګ دې له کابل سره د ترهګرۍ په اړه خبرې وکړي – اسلامآباد
د پاکستان د پلان او پراختیا وزیر احسان اقبال ويلي، اسلامآباد له بیجینګ غواړي، چې له کابل سره د تروریزم پر موضوع خبرې وکړي.
احسان اقبال له امریکا غږ سره په مرکه کې، چې نن یکشنبه (د غویی دېرشمه) خپره شوې؛ ویلي، پاکستان په افغانستان کې د میشتو ترهګرو ډلو په اړه اندېښنه لري، چې له دغه هېواده بهر ترهګریز فعالیتونه کوي.
هغه زیاته کړې: هغه ترهګر، چې د چینايي کارګرانو پر وړاندې یې وروستۍ پېښه کړې هم له افغانستان راغلي؛ نو زما په اند دا د اندېښنې وړ دي. مونږ هیله لرو، چې چین به هم افغانستان قانع کړي؛ ځکه افغانان هم په سیمه کې د چین واکمنۍ ته غوږ نیسي.
دغه پاکستاني چارواکي ویلي؛ په افغانستان کې د کړکېچ له کبله پاکستان ندی توانېدلی، چې په خپلو بېخبناوو کې پانګونه وکړي.
هغه افغانستان ته په نغوته کې ویلي، چې پاکستان له چین سره هوکړه کړې، چې د چین – پاکستان اقتصادي دهلیز په پروژه کې درېیم هېواد هم شامل کړي.
دا په داسې حال کې ده، چې له دې وړاندې هم اسلامي امارت د پاکستانيو چارواکو اړوند امنیتي تورونه رد کړي.
تازه خبرونه
په فاریاب کې سیلابونو ۱۸ کسان مړه او سلګونه کورونه ویجاړ کړل
د کډوالو او راستنیدونکیو چارو وزارت څرګنده کړی، چې په فاریاب ولایت کې تېره شپه سېلابونو ۱۸ کسان مړه او دوه نور ټپیان کړي دي.
د دې وزارت په خبرپاڼه کې راغلي، چې سیلابونو په پښتونکوټ، المار، قیصار، بلچراغ، خیبر او دولتآباد ولسوالیو کې راوتلي دي.
د دغه وزارت د څرګندونو له مخې؛ د سېلابونو له کبله ۵۶۰ کورونه، ۸۵۰ جریبه کرنیزه ځمکه، ۱۱۰ پلورنځي او یو ګرځنده روغتیایي مرکز ویجاړ شوي دي.
ویل کیږي، چې ۳۰۰ څاروي او دوه زره میوه لرونکې ونې له منځه تللې دي.
تازه خبرونه
له سوالګرۍ څخه د مخنیوي قانون په رسمي جریده کې خپور شو
د اسلامي امارت د عدلیې وزارت د څرګندونو له مخې؛ د سوالګرو راټولولو او له سوالګرۍ څخه د مخنیوي قانون، چې په یوه مقدمه، ۳ فصلونو او ۲۷ مادو کې ترتیب شوی؛ د اسلامي امارت رهبر مولوی هبة الله اخوندزاده توشیح کړی او په رسمي جریده کې خپور شو.
د عدلیې وزارت ويلي؛ د دغه قانون له مخې روغ، کاسب او هغو کسانو لپاره، چې د یوې ورځې د خوراکي توکو د برابرولو وړتیا لري، سوال کول منع دي.
دا قانون د سوال کولو لپاره د ماشومانو او معلولینو کارول هم منع کوي.
د دغه قانون له مخې: هغه مسلکي سوالګر، چې د خلکو د خواخوږۍ د جلبولو په موخه له ماشوم، لیوني او معيوب څخه کار اخلي؛ د محکمې لهخوا پر يوه مياشت بند محکومېږي او تنظيموونکي يې تر شپږ مياشتو پورې پر بند محکومېږي.
په ۱۴۰۱ لمریز لېږدیز کال کې، د اسلامي امارت مشر د سوالګرو راټولولو امر وکړ، چې تر اوسه په لسګونو زره سوالګر راټول او په اړه یې بېلابېلې پرېکړې شوې دي.
-
د هوا حالاتو بدلونونه4 days ago
په تېرو ۲ زره کلونو کې د تېر کال اوړی له ټولو تود و – څېړنه
-
سوداگري3 days ago
د صنایعو او سوداګرۍ وزارت چارسمبالي د تاتارستان له ولسمر سره وکتل
-
سیمه ییز خبرونه5 days ago
پر رفح د اسرائیلو بریدونه په نړیواله محکمه کې ارزول کیږي
-
تازه خبرونه3 days ago
د تورخم لار لنډمهاله تړل کیږي
-
نړۍ4 days ago
اروپايي ټولنې روسي رسنۍ هم د بندیزونو په نوملړ کې ورزیاتې کړې
-
تازه خبرونه3 days ago
جاپان د افغانستان له سیلاب ځپلیو سره د بېړنیو مرستو ژمنه وکړه
-
لوبی1 day ago
راشد خان د افغان بیسیم مخابراتي شرکت رسمي سوداګریز سفیر شو
-
سوداگري4 days ago
تېر کال د صادراتو او وارداتو ارزښت له ۱۰ میلیارډ ډالرو ډېر و – د احصائې ملي اداره