سیمه ییز خبرونه
په هرات ولايت كې يو شمېر دولتي ادارې د ځمكو د غصب زمينه برابروي
د دولتي ځمكوغصب څه نوې خبره نه ده؛ خو دا ځل د هرات والي سيد فضل الله وحيدي په دې اړه نوې خبرې لري:
يو شمېر دولتي ادارې د ځمكې له غاصبانو سره همكاري كوي.
ښاغلى وحيدي زياتوي
دا ادارې د لږ پيسو په بدل كې، چې غاصبان يې وركوي؛ د دولتي ځمكو د غصب لپاره زمينه برابروي. نوموړي په خپلو څرگندونو كې له كومې ځانگړې ادارې نوم نه اخلي.
ښاغلى وحيدي د ځينو محدوديتونو يادونه كوي او وايي، د غصب شويو ځمكو د بېرته راگرځولو په برخه كې يو شمېر خنډونه پراته دي.
د نوموړي په وينا:
عرفي او شرعي اسناد، چې له لارې يې دولتي ځمكې څو ځلې پېرل شوي او پلورل شوي؛ د دولتي ځمكو د بېرته راوگرزولو خنډ دي او كه اقدام وكړي اړ دى، چې څو كاله د هغه لپاره صبر وكړي.
د نوموړي په خبره دا هغه څه دي، چې ظاهرا يې دى ستړى كړى دى.
د دولتي ځمكو غصب په هرات كې له له تېرې لسيزې را پديخوا وده كړې او څو ځلې په دې ولايت كې بېلابېلو برخو پرې نيوكې كړې؛ خو د بېرته راگرزولو چارې يې ډېرې ټكنۍ او يا په نشت حساب دي.