1393ټاكنې
په يو زرو څلور سوه اتو محلونو كې رايي قرنطين شوې دي
د ټاكنيزو شكايتونو كميسيون وايي، چې له یو زرو څلور سوه اتو محلونو څخه، اته سوه دوه نوي شكايتونه په لومړۍ كته ګورۍ كې دي، چې رايي يي قرنطين شوي.
ټاكنې او د شمېرو او رايو متفاوته څېره، د درغليو او سرغړونو له شك سره، ورځې حساسې او ناستې هم برخليك ټاكونكې.
د ټاکنیزو شکایتونو د کمیسیون ویاند نادر محسني وایي، اته سوه دوه نوي شکایتونه په الف كټه ګورۍ كې دي. خطرناكه كته ګوري د ټاكنو د زاويې د بدلون لپاره.
فيفا او تيفا د نورو ۵۱۶ محلونو راپور هم د ټاكنو خپلواك كميسيون ته وركړي دي.
د ټاكنو خپلواك كميسيون د دې ۵۱۶ محلونو رايي هم قرنطين كړې دي او اوس له دې دوو محلونو سره د هغو محلونو شمېره، چې رايي يي قرنطين دي ۱۴۰۸ ته رسېږي.
مخكې له دې داسې وېل كېدل، چې د هرات، نورستان، بلخ، غزني، خوست او پكتيا په ولايتونو كې په ټاكنيزو مركزونو كې زياتې درغلۍ او سرغړونې شوي.
خو اوس د ټاكنو خپلواك كميسيون وايي، د درغليو او ټاكنيزو سرغړونو په تړاو د ټاكنو د خپلواك كميسيون او د فيفا او تيفا موندنې سره ګډې دي.