تازه خبرونه
په کابل هوايي ډګر کې وسلوالې نښتې ۴ کسانو ته مرګ و ژوبله اړولې
د سي ان ان د څرګندونو له مخې؛ د کابل هوایي ډګر په شمال لوري کې د ځای پر ځای شویو جرمني ځواکونو او ناڅرګندو وسلوالو له نښتې یو افغان امنیتي سرتېری وژل شوی او درې نور ټپیان دي.
د راپورونو له مخې؛ نښته د افغان ځواکونو او ناڅرګندو اشخاصو ترمنځ پیل؛ خو بیا په کې جرمني او امریکایی ځواکونو هم ښکېل شول.
د راپورونو له مخې: یوه کس له هوایي ډګره بهر پر افغان ساتونکیو ډزې وکړې او هغوی ځواب ورکړ، خو امریکایي ځواکونو پر افغان ساتونکیو ډزې وکړې؛ یو افغان سرتېری یې وواژه او درې نور ټپیان شول.
طالبانو له خلکو غوښتي، چې هوایي ډګر ته نږدې له راټولیدو ډډه وکړي.
طالبان زیاتوي، چې دوی د خلکو پر ستونزو پوهیږي؛ خو وايي، خلک باید د هغوی له ښه چلند ناوړه ګټه پورته نکړي.
په کابل هوایي ډګر کې د طالبانو قومندان مولوي فاتح په دې اړه ویلي: که څه هم خلک ستونزې لري؛ خو مونږ له هغوی څخه غوښتنه کوو، چې مهرباني وکړئ دا ځای پریږدئ او هغه څوک، چې د تګ اړوند اسناد لري سفر وکړي. مونږ مجاهدینو ته سپارښتنه کړې، چې له خلکو سره ښه چلند وکړي.
د ملکي هوایي چلند ادارې دا هم ویلي، چې ټولې ملکي الوتنې به تر راتلونکي خبرتیا پورې وځنډول شي.
د دې ادارې چارواکو له خلکو غوښتي، چې د اړوند ادارو سره له اړیکو پرته هوایي ډګر ته ولاړ نشي.
د ملکي هوایي چلند ادارې کارمند صبغت الله کاکړ وایي: مونږ له خلکو غواړو، چې د ګډوډۍ مخه ونیسي. یوازې هغه څوک، چې سند یا ویزه لري؛ کولی شي سفر وکړي او ملکي الوتنې درول شوې دي.
که څه هم طالبانو او د ملکي هوایي چلند ادارې او نورو اړوند مسوولینو څو ځله له بې اسنادو خلکو غوښتنه کړې، چې هوایي ډګر ته نږدې د ګڼې ګوڼې له جوړولو ډډه وکړي؛ خو داسې ښکاري، چې خلک اوس هم بهر ته د سفر په هیله دلته را ټولیږي.
د پروان ولایت اوسیدونکی علي جان نومي ویلي: زه پخپله د ناټو اسناد لرم. مونږ له هسپانوي ځواکونو سره کار کاوه. زه اسناد هم لرم؛ خو د ګڼې ګوڼې له کبله سفر نشم کولی.
د کابل یو بل اوسیدونکي اسدالله نومي څرګنده کړې: هوایي ډګر ته د ننوتلو کومه لاره نشته، هرڅوک امریکا ته د تګ لپاره چمتو دی؛ خو اسناد نلري.
له بلې خوا سرچینو آریانا نیوز ته ویلي، چې د کابل له هوایي ډګره د بهرنیو ځواکونو او د هغو د افغان همکارانو د ایستلو د وروستۍ نېټې یا د وږي ۹ / د اګست ۳۱ د غزولو لپاره د جرمني، ترکیې، امریکا او طالبانو تر منځ ګډې خبرې پیل شوې دي.
له دې مخکې د طالبانو د پلاوي غړي دویچه ویله خبري سرچینې ته څرګنده کړې، چې د اګست تر پایه له افغانستان څخه د ټولو بهرنیو سرتېرو وتل د طالبانو سره کرښه ده او پاتې کېدل به یې د اشغال دوام وي او د اوربند د غزولو لپاره بل هیڅ دلیل نشته.
تازه خبرونه
د افغانستان په اړه د «مسکو فارمټ» اتمه غونډه د اوکټوبر پر پېنځمه جوړېږي
د زاخارووا د څرګندونو له مخې، په دې غونډه کې به د افغانستان، روسیې، ایران، چین، هند، پاکستان، قزاقستان، قرغیزستان، تاجکستان او ازبکستان ځانګړي استازي او لوړپوړي چارواکي ګډون وکړي.
د روسیې بهرنیو چارو وزارت ویاندې ماریا زاخارووا ویلي، چې د افغانستان په اړه د« مسکو فارمټ» د مشورتي ناستو اتمه غونډه به د اوکټوبر پر پېنځمه د روسیې په پلازمېنه مسکو کې جوړه شي.
د زاخارووا د څرګندونو له مخې، په دې غونډه کې به د افغانستان، روسیې، ایران، چین، هند، پاکستان، قزاقستان، قرغیزستان، تاجکستان او ازبکستان ځانګړي استازي او لوړپوړي چارواکي ګډون وکړي.
بېلاروس او مصر په دې غونډه کې مېلمانه دي.
د روسیې بهرنیو چارو وزارت ویاندې ویلي، چې د دې هېواد د بهرنیو چارو وزیر سرګي لاوروف به په غونډه کې وینا وکړي.
دغه راز د افغانستان بهرنیو چارو وزیر پر مشرۍ یو افغان پلاوی به د مسکو په غونډه کې ګډون وکړي او ټاکل شوې، چې نوموړی به د غونډې په څنډه کې له لاوروف سره ځانګړې لیدنه هم وکړي.
د زاخارووا د څرګندونو له مخې، د روسیې او افغانستان د چارواکو په دوهاړخیزه لیدنه کې به د دواړو هېوادونو د همکاریو اړوند روانو موضوعاتو په اړه خبرې وشي.
د «مسکو فارمټ» په پراخه غونډه کې به د افغانستان او سیمهییزو هېوادونو ترمنځ د سیاسي او اقتصادي همکاریو، د ترهګرۍ او نشهیي توکو د قاچاق پر وړاندې د سیمهییزو همکاریو د پیاوړتیا په اړه هم خبرې وشي.
زاخارووا زیاته کړې؛ تمه ده، چې د غونډې په پای کې ګډه اعلامیه هم خپره شي.
#آریانانیوز #افغانستان #مسکو #مسکوفارمټ #روسیه #لاوروف #زاخارووا
تازه خبرونه
په بانکونو کې د خلکو سپماوې زیاتې شوې – د افغانستان بانک
د افغانستان بانک لومړي مرستیال صدیقالله خالد د دغه بانک د عالي شورا په غونډه کې ویلي، چې د سپماوو زیاتوالی د بانکي سکټور د ثبات د پیاوړتیا او د هېواد پر بانکي نظام د خلکو د باور د زیاتېدا ښکارندوي کوي.
د افغانستان بانک ويلي، سږ کال په بانکونو کې د خلکو د سپماوو کچه لوړه شوې او د هېواد په بانکي سکټور کې د پام وړ پرمختګونه شوي دي.
د افغانستان بانک لومړي مرستیال صدیقالله خالد د دغه بانک د عالي شورا په غونډه کې ویلي، چې د سپماوو زیاتوالی د بانکي سکټور د ثبات د پیاوړتیا او د هېواد پر بانکي نظام د خلکو د باور د زیاتېدا ښکارندوي کوي.
په دې غونډه کې د هېواد د پولي سیاستونو، د بانکي سکټور د وضعیت، د اسلامي بانکدارۍ د پراختیا، د برښنايي بانکدارۍ د پراختیا او مالي خدمتونو ته د خلکو د لاسرسي د زیاتېدا په اړه بحث او څېړنه شوې ده.
دغه راز خالد د اغېزمنو پولي سیاستونو پر پلي کولو، د بانکي سکټور د اوسني وضعیت پر ارزونه، د اسلامي بانکدارۍ د پراختیا لپاره د هڅو پر دوام او مالي خدمتونو ته د خلکو د پراخ لاسرسي د زمینې پر برابرولو ټینګار کړی دی.
هغه د افغانیو د ارزښت او ثبات په اړه ویلي؛ افغانۍ په تېر یوه کال کې سره له دې، چې د نړۍ له اقتصادي ننګونو سره مخ وه، د سیمې او نړۍ د ډېرو اسعارو پر پرتله خپل ثبات ساتلی دی.
د نوموړي د څرګندونو له مخې، دا وضعیت د افغانستان بانک د سنجول شویو او موخو لرونکو پولي سیاستونو د پلي کولو پایله ده.
#آریانانیوز #افغانستان #دافغانستانبانک #بانکيسکټور #افغانۍ #بانکداري
تازه خبرونه
د پاکستان په هوايي بریدونو کې د کونړ او هلمند ۹ ملکي وګړي «شهیدان» شوي – ذبیح مجاهد
ذبیحالله مجاهد په یوه خبرپاڼه کې ویلي، چې دغه بریدونه د کونړ ولایت د شلتن ولسوالۍ د چوګام او د هلمند ولایت د ګرمسېر ولسوالۍ د صفار په اړوند سیمو کې ترسره شوي دي.
د اسلامي امارت ویاند ذبیحالله مجاهد ويلي، چې تېره شپه د پاکستاني الوتکو د هوايي بریدونو له کبله د کونړ او هلمند په اړوند سیمو کې د ښځو او ماشومانو پر ګډون ۹ ملکي وګړي« شهیدان» شوي دي.
ذبیحالله مجاهد په یوه خبرپاڼه کې ویلي، چې دغه بریدونه د کونړ ولایت د شلتن ولسوالۍ د چوګام او د هلمند ولایت د ګرمسېر ولسوالۍ د صفار په اړوند سیمو کې ترسره شوي دي.
د نوموړي د څرګندونو له مخې، په دغو بریدونو کې ۱۱ کسان نور ټپیان شوي او درې استوګنیز کورونه هم ویجاړ شوي دي.
د اسلامي امارت ویاند دغه بریدونه غندلي او ویلي یې دي:« مونږ دا عمل غندو او د ټولو منل شویو اصولو خلاف یې تېری او جنایت بولو.»
د افغانستان په اړه د «مسکو فارمټ» اتمه غونډه د اوکټوبر پر پېنځمه جوړېږي
په بانکونو کې د خلکو سپماوې زیاتې شوې – د افغانستان بانک
د پاکستان په هوايي بریدونو کې د کونړ او هلمند ۹ ملکي وګړي «شهیدان» شوي – ذبیح مجاهد
د دوبۍ – تلابیب په الوتنه کې د الوتکې غورځولو هڅه؛ مسافرو یې مخه ونیوله
د افغانستان کرکټ بورډ د چټک توپاچوونکو د استعداد موندنې ملي پروګرام پیلوي
آریانا ټلویزیون د ۲۰۲۶/۲۷ د افغانستان کرکټ لوبو د خپرولو ځانګړی حق ترلاسه کړ
سعودي دلتا شرکت په افغانستان کې د نفتو او ګازو د اکتشاف او پراختیا تړونونه لاسلیک کړل
هرمز تنګي ته نږدې پر بېړیو د امریکا او ایران ترمنځ بریدونه وشول
د پاکستان له طب څانګې د افغان زدهکړیالانو د ایستلو پرېکړه غیرانساني او خواشینوونکې ده – مجاهد
له امریکا پاتې پوځي تجهیزات اوس د افغان دولت دي – اسلامي امارت
تحول: د ملګروملتونو په عمومي غونده کې د افغانستان د استازي نشتوالی
څار: د افغانستان او امریکا د جګړې ارزونه
څار: د ملګرو ملتونو په عمومي غونډه کې د افغانستان انځور
څار: په پاکستان کې د کورني سیاسي بحران د پراخېدو اندېښنه
تحول: د ملګرو ملتونو د یواتیاومې عمومي غوندې پیل
-
تازه خبرونه4 days agoتاجکستان په افغانستان کې له سولې او ثبات څخه پر ملاتړ ټینګار وکړ
-
تازه خبرونه4 days agoد افغانستان بانک او د افغانستان نړیوال اعتباري بنسټ ترمنځ د همکارۍ هوکړهلیک لاسلیک شو
-
تازه خبرونه4 days agoپه نورستان کې د عملیاتو پر مهال ۲۸ وسلوال وژل شوي او ۳۲ نور ونیول شول
-
سیمه ییز خبرونه2 days agoد جګړې د پای ته رسولو نوې هڅې؛ امریکا او ایران له منځګړو سره بېلابېل ولیدل
-
لوبی5 days agoد افغانستان اتلانو لیګ؛ عمر ځواک هرات طوفان هرات ته ۰- ۱ ماتې ورکړه
-
تازه خبرونه2 days agoد ملګرو ملتونو خبرداری؛ مالي کړکېچ ۸.۳ میلیون کډوال له مرستو بېبرخې کولی شي
-
نړۍ3 days agoد صربستان ولسمشر له پارلماني ټاکنو مخکې له دندې ګوښه شو
-
تازه خبرونه2 days agoامریکايي پلاوي د افغانستان جنګ په اړه له عاصم منیر سره ولیدل