Connect with us

تازه خبرونه

په کابل کې د ملکي زیان د مخنیوي لپاره نوې شورا اعلان شوه

خپور شوی

د

(Last Updated On: زمری ۲۴, ۱۴۰۰)

پخواني ولسمشر حامد کرزي د یکشنبې پر ورځ په یوه ویټ کې په ډاګه کړې، چې د ګډوډۍ د مخنیوي، د سولې اړوند مسلو او د واک سوله ییز لیږد د غوره مدیریت لپاره د همغږۍ شورا جوړه شوې ده.

حامد کرزي زیاته کړې: د همغږۍ دغه شورا د ملي پخلاینې عالي شورا د مشر ډاکټر عبدالله عبدالله، جهادي رهبر او د افغانستان اسلامي ګوند د امیر ګلبدین حکمتیار او د هېواد د پخواني ولسمشر حامد کرزي په ګډون جوړه شوې ده.

دې شورا له حکومتي امنیتي ځواکونو او طالبانو غوښتي، چې د نامسوولانه خلکو د شخړو، ګډوډۍ او هڅو مخه دې ونیسي.

له هغې وروسته، چې له هېواده د اشرف غني وتل تائید شول؛ عبدالله عبدالله په یوه ویډیو پیغام کې وویل، چې خلک به د غني د دې پرېکړې په اړه قضاوت وکړي.

هغه څرګنده کړې: حقیقت دا دی، چې پخواني ولسمشر افغانستان  او خلک په دې حالت کې پریښودل؛ الله پاک دې ورسره حساب او خلک به یې په اړه قضاوت وکړي.

دغه راز د پخلاینې عالی شورا مشر عبدالله عبدالله له طالبانو وغوښتل، چې پر خبرو ټینګار وکړي؛ ځکه روان وضعیت الله مه کړه پر ګدوډۍ وانوړي او یا امنیتي وضعیت په قصدي ډول ګډوډ شي او خلکو ته ځاني او مالي زیانونه ونه رسیږي.

طالب ویاند ذبیح الله مجاهد آریانیوز ته ویلي، چې د کابل امنیتي وضعیت تر څارنې لاندې دی او د دوی ځواکونه د ښار ټولو برخو ته رسیدلي او د شپې ګزمې به ډېر ژر پیل شي او له خلکو یې وغوښتل، چې وېره ونلري.

هغه کابل ته دننوتلو د لامل په اړه څرګنده کړې: د یو شمېر ګټه اخیستونکیو د غلا او ځورونې راپورونو دې پرېکړې ته اړ کړو، چې ښار ته ننوځو او د خلکو د اندېښنو د لرې کولو لپاره امنیتي ډاډ رامنځته کړو.

دا په داسې حال کې ده، چې نن یکشنبه له غرمې وروسته طالبان د کابل ښار دروازو ته راورسېدل او په کابل کې دوه اړخیز امنیتي ډاډ څرګند شو؛ خو وروسته په ښار کې دننه خال خال ګډودۍ رامنځته شوې او طالبان ښار ته رادننه شول.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!