لوبی
په کرکټ ملي لوبډله کې شرف الدین اشرف د اصغر افغان ځای ناستی شو
د افغانستان کرکټ بورډ څرګنده کړې، چې شرف الدین اشرف به د اصغر افغان پر ځای د هند پر وړاندې د ملي لوبډلې په ۱۵ کسیزه لوبډله کې د سیالۍ ډګر ته ورودنګي.
د ملي لوبډلې پخواني لوبغاړي او لوبډلمشر اصغر افغان د کرکټ شل آوریز نړیوال جام په درېیمه لوبه کې د نامیبیا پر وړاندې د افغانستان له بریا مخکې اعلان وکړ، چې له لوبډلې یې استعفا کړې او وروستۍ ملي لوبه به یې د نامیبیا پر وړاندې.
اصغر افغان تېره يکشنبه خپله وروستۍ لوبه ترسره او د افغانستان د کرکټ ملي لوبډلې د مينه والو او لوبغاړیو د خوښيو په ترڅ کې يې په رسمي بڼه مخه ښه وکړه.
شرف الدین اشرف کیڼ لاسی لوبغاړی دی، چې د افغانستان د کرکټ ملي لوبډلې په ټیټو برخو کې د لوبېدو تجربه لري او د نړیوال جام لپاره د لوبغاړیو په نوملړ کې خوندي پاتې و.
ټاکل شوې، چې نن شپه د افغانستان کرکټ ملي لوبډله په ابوظبي کې د کرکټ ۲۰ آوریز نړیوال جام په سیالیو کې خپله څلورمه لوبه له هند سره تر سره کړي.