تازه خبرونه
په کندهار او غزني کې ۱۸ وسلوالو طالبانو ته مرګ و ژوبله اوښتې
امنیتي ځواکونو ویلي، چې له یو لړ نښتو څخه په کندهار کې ۱۳ او په غزني کې ۷ وسلوالو طالبانو ته مرګ و ژوبله رامنځته شوې ده.
د کندهارامنیه قومندانۍ ویاند جمال ناصر بارکزي ویلي؛ تېره شپه د معروف ولسوالۍ د نادرخان په اړوند سیمه کي طالب وسلوالو پر افغان امنیتي ځواکونو برید کړي، چي د دواړو لوریو په مخامخ جګړه کي پېنځه وسلوال طالبان وژل شوي او اته تنه نور ټپیان دي.
نوموړيزیاته کړې؛ که څه هم وسلوالو پر بشپړ ځواک برید وکړ؛ خو امنیتي ځواکونو دغه برید پر شاه تمبولی او یاده مرګ و ژوبله یې ورته اړولې ده.
بارکزي ویلي، چې په دې جګړه کي امنیتي ځواکونو ته ځاني زیان ندی اوښتی.
دغه راز د ۲۰۳ تندر قول اردو په اعلاميه کې هم راغلي، چې تېره شپه وسلوالو طالبانو د دې ولايت د ديک ولسوالۍ په تاسن او مرکز اړوند ټانګ تېل سيمه کې پر امنيتي ځواکونو بريد کړی دی.
د یاد قول اردو د څرګندونو له مخې؛ له رامنځته شوې نښتې ۴ طالبان وژل شوي او دری نور ټپيان دي.
طالبانو تر اوسه د دغو دواړو برید له اوښتې مرګ و ژوبلي څه ندي ویلي.
دا په داسې حال کې ده، چې په دې وروستیو کې له امنیتي ځواکونو سره د طالبانو نښتې او پر امنیتي پوستو بریدونو د اړوند سیمو د خلکو اندېښنې هم راپارولي دي.
تازه خبرونه
ملګري ملتونه غواړي په افغانستان کې د ځمکو خړبولو لپاره سولري پمپونه ولګوي
د ریاست الوزراء اداري مرستیال عبدالسلام حنفي د سې شنبې پر ورځ ( د غویی پېنځهویشتمه ) د ملګرو ملتونو د پروژې خدمتونو د دفتر (UNOPS) له اجرائیوي رییس جورج موریرا داسیلوا سره وکتل.
په دې کتنه کې جورج موریرا داسیلوا اداري مرستيال ته د خپلو تېرو هڅو او لاسته راوړنو په اړه معلومات ورکړل او څرګندوي؛ دا اداره غواړي، چې په افغانستان کې د سولري پمپونو پر لګولو د کرنيزو ځمکو د خړوبولو يوه نوې پروژه پيل کړي.
عبدالسلام حنفي د دې ادارې د فعالیتونو او لاسته راوړنو د ستاینې ترڅنګ ویلي، چې اسلامي امارت په افغانستان کې د (UNOPS) ادارې له هڅو ملاتړ کوي او د پروژو د پلي کولو لپاره یې لازمې اسانتیاوې برابروي.
ویل کیږي، چې عبدالسلام حنفي له ټولو نړیوالو مرستندویه بنسټونو وغوښتل، چې کروندګرو ته د کوکنارو د بدیل کښت او افغان ځوانانو ته د کار د زمینې په برابرولو کې همکاري وکړي.
تازه خبرونه
د اسلامي امارت او ملګرو ملتونو د ادارو د همغږۍ ناسته ترسره شوه
د اسلامي امارت د څرګندونو له مخې؛ په دې غونډه کې د بهرنیو چارو وزارت د چارسمبالي په ګډون د اسلامي امارت د ګڼو وزارتونو او همداراز د ملګرو ملتونو د ګڼو ادارو او د خصوصي سکتور لوړپوړو چارواکو ګډون کړې و.
د افغانستان د بهرنیو چارو وزارت د څرګندونو له مخې؛ په دې ناستې کې د بهرنيو چارو وزارت تر څنګ د کليو د بيا رغونې او پراختيا، اقتصاد، ماليې، کورنيو چارو، عامې روغتيا، مهاجرينو او راستنېدونکیو چارو، کرنې او مالدارۍ، اوبو او برښنا، صنعت او سوداګرۍ، اطلاعاتو او فرهنګ پېښو ته د رسېدو په چارو کې د دولت وزارت، پوهنې، شهداوو او معلولينو وزارتونو، د ښارواليو د چارو د انسجام رياست، کابل ښاروالۍ او چاپېريال ساتنې ملي ادارې لوړپوړیو استازو ګډون کړی و.
دغه راز د ملګرو ملتونو د بشري او پرمختيايي مرستو د مسوولينو تر څنګ په افغانستان کې میشتو د ملګرو ملتونو بېلابېلو ادارو (OCHA، WFP، UNDP، UNICEF، UN Habitat، FAO، UNHCR، UNESCO، ILO، UNFPA، WHO، UNODC ) مسؤولينو، نړيوالو بنسټونو (IRC، INTERSOS، NRC، ACBAR، DACAAR، ACF) او د خصوصي سکټور لوړپوړیو استازو ګډون کړی و.
په دې غونډه کې د افغانستان اسلامي امارت او د ملګرو ملتونو د ادارو استازو د لومړيتوبونو د شريکولو او همغږۍ د پياوړتيا په اړه خبرې وکړې.
د بهرنیو چارو وزارت چارسمبالي امیرخان متقي په دې غونډه کې ويلي، چې، له نړيوالو مرستو څخه د پوره ګټې پورته کولو لپاره اړينه ده، چې د مرستو او وېش بڼه د افغانستان د خلکو له اړتياوو او لومړيتوبونو سره سمه عياره شي.
د ملګرو ملتونو د بشري او پرمختيايي برخې مسوول او د يوناما مرستيال انډريکا رټواټي د ملګرو ملتونو فعاليتونو ته د کتنې تر څنګ ويلي، چې ملګري ملتونه پدې کار کوي، چې د مرستو نوعيت د بشري مرستو تر څنګ پرمختيايي مرستو ته راواړوي او هغه ساحې مشخصې کړې، چې د ملګرو ملتونو مرستې به پرې راڅرخي.
د ناستې په پای کې له طبيعي پېښو په ځانګړي توګه په هېواد کې له وروستيو سیلابونو څخه د اغېزمنو شويو هېوادوالو اړتياوو ته د چټکې رسېدنې، د همکارۍ او همغږۍ د روحيې پر ساتلو او زياتولو، له بشري مرستو څخه پراختیايي مرستو لور ته د حرکت او پر موضوعاتو د پراخ بحث لپاره د تخنيکي ميکانيزمونو پر رامنځته کولو هوکړه وشوه.
تازه خبرونه
چين مولوي عبدالکبیر ته په ټرانس – هیماليا ناسته کې د ګډون بلنه ورکړه
په کابل کې د چین سفیر ژاو شینګ د چارشنبې پر ورځ ( د غویی شپږویشتمه ) د ریاست الوزراء له سیاسي مرستیال مولوي عبدالکبید سره په کتنه کې هغه ته بلنه ورکړه، چې په ټرانس – هیمالیا فورم په غونډه کې ګډون وکړي.
په دې کتنه کې لومړی د چین سفیر له اسلامي امارت سره د خپل هېواد پر همکاریو ټینګار څرګند کړ او څرګندوي، چې د دواړو لوریو همکاري او متقابلې اړیکې د ستونزو په حل کې مرسته کولی شي.
ژاو شينګ ویلي؛ د چين ولسي جمهوريت په نړيوالو غونډو او په ځانګړي توګه د امنيت شورا په غونډو کې د اسلامي امارت د دريځ ملاتړ کوي او له اسلامي امارت سره خپلو همکاريو ته ژمن دی.
د افغانستان اسلامي امارت سیاسي مرستیال مولوي عبدالکبیر له افغانستان سره په بېلابېلو برخو کې د چین د خلکو جمهوریت له همکاریو مننه کړې او وایي، چې اسلامي امارت د یوه مسوول حکومت په توګه امنیت او ثبات ته ژمن دی او هڅه کوي، چې د سیمهییزو مسایلو، ثبات او پرمختګ په برخه کې فعال رول ولوبوي.
نوموړي د افغانستان په اړه په نړیوالو غونډو کې د چین همکاري او د اسلامي امارت له دریځ څخه د بیجینګ ملاتړ د افغانستان د خلکو په ګټه وباله او څرګندوي، چې د چین همکاري کولی شي په هېواد کې مثبت بدلونونه او اقتصادي وده رامنځته کړي.
-
تازه خبرونه4 days ago
الله ګل مجاهد د قتل پر تور ونیول شو
-
تازه خبرونه4 days ago
په بغلان کې سېلابونو ۱۹۴۵ کسانو ته مرګ او ژوبله اړولې
-
تازه خبرونه3 days ago
د اسلامي هېوادونو همکاریو ټولنې د افغانستان له سیلاب ځپلیو سره د مرستې غوښتنه وکړه
-
سوداگري4 days ago
افغانستان او پاکستان د بار وړونکیو موټرو پر نوي ټرانسپورټي میکانیزم هوکړه وکړه
-
تازه خبرونه4 days ago
څو ایراني شرکتونو د افغانستان په کانونو کې د پانګونې پرېکړه وکړه – قدیر قیافه
-
لوبی2 days ago
د کابل کرکټ غوره لیګ لوبغاړو د داوطلبۍ مراسم ترسره شول
-
تازه خبرونه2 days ago
د یوناما استازې د ایران له بهرنیو چارو وزیر سره وکتل
-
تازه خبرونه2 days ago
په ننګرهار کې د ناکامورا کانال پروژه بشپړه شوه