تازه خبرونه
په کندهار کې د کرنیزو محصولاتو د ارزونې لومړنی لابراتوار جوړ شو
د دې لابراتوار د پرانیستې په مراسمو کې ملا برادر وویل، چې د اوږدې مودې راپدېخوا مو د خاورې او اوبو په اړه د لابراتواري خدماتو د نشتوالي له کبله کرنیز سکټور زیانمن او حاصلات کم پاتې شوي دي.
د ریاست الوزراء د اقتصادي مرستیال ملا عبدالغني برادر لهخوا په کندهار ولایت کې د دوه میلیون ډالرو پر ارزښت د کرنیزو محصولاتو د آزموینې او ارزونې لومړنی لابراتوار پرانسیستل شو.
د دې لابراتوار د پرانیستې په مراسمو کې ملا برادر وویل، چې د اوږدې مودې راپدېخوا مو د خاورې او اوبو په اړه د لابراتواري خدماتو د نشتوالي له کبله کرنیز سکټور زیانمن او حاصلات کم پاتې شوي دي.
نوموړي د دې لابراتوار فعالیت د هېواد د کرنیزو محصولاتو د کیفیت او ارزښت ښه کولو لپاره یو اړین ګام ګڼلی دی.
دا لابراتوار د کرنیزو محصولاتو د کیفیت ارزولو، د نباتي ناروغیو د تشخیص او د کورنیو محصولاتو د معیاري کولو لپاره د پراخو آسانتیاوو د رامنځته کولو لپاره جوړ شو.
د دې لابراتوار چارواکو ویلي، چې دا مرکز د نړیوالو معیارونو پر بنسټ جوړ شوی او له ټولو زاویو څخه د کرنیزو محصولاتو د آزموینې او ارزونې وړتیا لري.
د لابراتوار مشر ضیاء الحق وزیرزي وایي: “دا لابراتوار په افغانستان کې دننه ټول افغان صادرات له هغو معیارونو سره برابروي، چې نړۍ ورته اړتیا لري.”
که څه هم د افغانستان کرنیز محصولات ښه کیفیت لري؛ خو بیا هم نورو معایناتو ته اړتیا شته او محصولات مو باید له نړیوالو معیارونو سره برابر وي.