تازه خبرونه
په ۴۲ ورځو کې د څه باندې ۴ میلیون وګړیو پر تذکرو ستیکرونه لګیدلي
د ټاکنو خپلواک کمیسیون وایي، په ۴۲ ورځو کې د څه باندې څلور میلیون وګړیو پر تذکرو ستیکرونه لګول شوي او نږدې دوه زره کسانو د ولسي جرګې لپاره د نوماندۍ فورمې اخیستي او اتلس سوه کسانو د ولسوالیو شوراګانو لپاره ځانونه نوماند کړي دي.
د ټاکنو خپلواک کمیسیون غړی حفیظ الله هاشمي وایي، په درې زره درې سوه پېنځه مرکزونو کې څلور میلیون او ۲۱ زره کسانو ځانونه راجستر کړي، چې دوه میلیون او شپږ سوه زره یې نرینه، یو میلیون او دوه سوه زره یې ښځې، شپږ اویا زره کوچیان او څلور سوه اووه نوي هندوان دي.
په کابل کې څه باندې یو میلیون او څلویښت زره کسان ثبت شوي او په نورستان کې یو سلو دريدېرش زره اووه کسانو ځانونه ثبت کړي، چې کابل یې لوړ او نورستان یې ټیټ رقم لري.
د نوموړي په وینا؛ تر اوسه په ټول هېواد کې نږدې دوه زره کسانو د ولسي جرګې لپاره او اتلس سوه بیا د ولسوالیو شوراګانو لپاره ځانونه نوماند کړي. دوی باید په درې ورځو کې خپلې فورمې بېرته کمیسیون ته وسپاري.
د ولسي جرګې احتمالي کاندید غلام سخي پارسایي وایي: هیله من یم، چې دا بهیر روڼ او ټولو ته د منلو وړ وي.
د ولسي جرګې احتمالي کاندید میر افغان ساپی وایي: د کمیسیون کار د تېر په پرتله روڼ دی او هیله من یم، چې تر پایه همداسې پاتې شي.
د دوشنبې پر ورځ ځینو سیاسي ګوندونو په یوه پرېکړه لیک کې د ټاکنو کمیسیون له اوسنیو کړنو سره مخالفت وکړ. په داسې حال کې، چې د ټاکنو خپلواک کمیسیون وایي، دوی خپلې پرېکړې د اساسي قانون او د افغانستان د ټاکنو قانون له مخې تر سره کړې دي.
خبریال: علی اصغري
تازه خبرونه
بانک جهانی: با ممنوعیت کشت کوکنار در افغانستان، دهقانان ۱.۳ میلیارد دالر درآمد شان را از دست دادند
بانک جهانی در یک گزارش تازه در باره افغانستان اعلام کرده است که با ممنوعیت کشت کوکنار در این کشور، دهقانان ۱.۳ میلیارد دالر درآمد شان را که تقریباً برابر با ۸ درصد تولید ناخالص داخلی میشود، از دست دادند.
این نهاد گفته است که تولید ناخالص داخلی در افغانستان در دو سال اخیر، ۲۶ درصد کاهش یافته و آینده اقتصادی این کشور نامشخص است.
در گزارش آمده است که نقصهای ساختاری در بخش خصوصی و کاهش کمکهای بین المللی مانع هرگونه پیشرفت اقتصادی قابل توجه در افغانستان میشود.
بانک جهانی تصریح کرده است که نیم جمعیت افغانستان در فقر بهسر میبرند و ۱۵ میلیون نفر با نا امنی غذایی مواجه هستند.
ملیندا گود، رئیس بخش افغانستان بانک جهانی، گفته است: «برای آیندهای پایدار، افغانستان باید به سیاستهای مضر جنسیتی بپردازد، در بخش صحت و آموزش سرمایه گذاری نماید و بر فرصتهای که در بخشهای زراعت و استخراج معادن دارد، تمرکز کند.»
بانک جهانی خاطر نشان کرده که افزایش کسر تجارت افغانستان نیز چالش دیگری برای اقتصاد این کشور است. بربنیاد گزارش این بانک، در سال ۲۰۲۳ واردات افغانستان ۲۳ درصد افزایش یافت و به ۷.۸ میلیارد دالر رسید.
تازه خبرونه
اسلامي امارت د اسلامي همکاریو ټولنې په غونډه کې د خپل پلاوي له ګډون خبر ورکړ
د بهرنیو چارو وزارت نن یکشنبه د غویي شپالسمه څرګنده کړې، چې د اسلامي امارت یوه پلاوي د ګمبیا هېواد د پلازمېنې بانجول پر کوربتوب د اسلامي همکاریو ټولنې په نننۍ ناسته کې ګډون کړی دی.
د اسلامي هېوادونو د همکاریو ټولنې د مشرانو پېنځلسمه دوه ورځنۍ غونډه پرون (شنبه د غویی پېنځلسمه) پیل شوې ده.
د بهرنیو چارو وزارت څرګنده کړې، چې د اسلامي همکاریو ټولنې په غونډه کې د دې وزارت د نړیوالو ټولنو د څانګې ویاند او رییس د اسلامي امارت پر استازیتوب ګډون کړی دی.
د بهرنیو چارو وزارت په خبرپاڼه کې راغلي، چې د اسلامي امارت پلاوی به په عمومي غونډه کې د ګډون ترڅنګ د اسلامي همکاریو ټولنې له لوړ پوړیو چارواکو او د دې ټولنې د غړیو هېوادونو له استازو سره هم وګوري او په بېلابېلو موضوعاتو به ورسره خبرې وکړي.
تازه خبرونه
اسلامي امارت له اسرائیلو سره د ترکیې د سوداګرۍ له ځنډولو هرکلی وکړ
د بهرنیو چارو سرپرست وزیر امیر خان متقي پر غزې د اسرائیلو د بریدونو له کبله د ترکیې له هغې هڅې هرکلی وکړ، چې له اسرائیلو سره یې سوداګري ودروله.
د بهرنیو چارو وزارت د خبرپاڼې له مخې؛ نن یکشنبه ( د غویی شپالسمه) د ریاست الوزراء سیاسي مرستیال مولوي عبدالکبیر په کابل کې د ترکیې د سفارت له چارسمبالي جنک اونال سره په کتنه کې د اسرائیلو پر وړاندې د انقرې له وروستۍ هڅې ستاینه وکړه.
په دې کتنه کې پر دوه اړخیزو اړیکو سربېره د افغانستان د وروستیو مثبتو پرمختګونو او هېواد ته د سیاسي او اقتصادي پلاویو پر سفرونو هم خبرې وشوې.
د بهرنیو چارو وزارت سرپرست دغه راز د لاجورد له لارې له ترکیې سره د افغانستان د سوداګرۍ د پیل او د دغو دواړو هېوادونو د ګډو نندارتونونو پر پرانیستلو هم خبرې وکړې.
د بهرنیو چارو وزارت د خبرپاڼې له مخې؛ په کابل کې د ترکیې سفارت چارسمبالي ویلي؛ هېواد یې په افغانستان کې له وروستیو پرمختګونو خوښ دی او څرګندوي، چې د ترکیې او افغانستان ترمنځ د اړیکو د پراختیا لپاره باید ګډې هڅې وشي.
هغه زیاته کړې، چې په راتلونکیو څو ورځو کې به ترکش ایرلاین کابل ته خپلې الوتنې پیل کړي.
-
سیمه ییز خبرونه4 days ago
په هر حال پر رفح برید شونی دی – نتانیاهو
-
تازه خبرونه4 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی4 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ4 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی5 days ago
خراسان فاریاب میوند لوبډلې ته ۳ـ۱ ماته ورکړه
-
لوبی3 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه3 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه4 days ago
له اسلامي امارت سره په تعامل کې مو ملي ګټې رانغښتي- امریکا