Connect with us

ساینس او ​​ټیکنالوژي

چینایي ستورمزلي له ۱۸۳ ورځني ماموریت وروسته ځمکې ته راکښته شول

خپور شوی

د

(Last Updated On: وری ۲۷, ۱۴۰۱)

د چین دولتي ټلویزیون څرګنده کړې، چې نن شنبه( د وري ۲۷) درې چینایي ستور مزلي له ۱۸۳ ورځو وروسته خپل فضایي ماموریت بشپړ کړ او ځمکې ته راکښته شول.

دغو ستورمزلیو د چین د لومړي فضایي سټیشن له پریښودو ۹ ګړۍ وروسته ځمکې ته راکښته شول.

دفضایي بېړۍ شینزو – ۱۳ ماموریت ستورمزلیو هر یوه  ژائی ژیانگ، یئه گوانگ فو او وانگ یاپینگ ۱۸۳ ورځې په فضا کې تېرې او د ۱۱ ماموریتونو څخه یې پنځم هغه بشپړ کړ.

شنژوـ۱۳ د فضایي تمځي د جوړولو او بشپړولو لپاره د ستورمزلو له څلورم ماموریت څخه دوه یم هغه و، چې تېر اپریل پیل شوی و. شنزو- ۱۲ په سپټمبر کې ځمکې ته راستون شوی و.

دولتي رسنیو د انسان لېږدوونکي فضايي سیسټم د ټکنالوژۍ د مرستیال شاو لیمین د څرګندونو له مخې ویلي؛ د چین راتلونکی دوه ماموریتونه به د تیانژو – ۴ او درې کسیزه شنژوـ ۱۴ فضایي بیړۍ وي.

امریکا په نړیوال فضایي تمځي کې چین له ونډې اخیستو منع کړی دی.

چین تېره لسیزه د خپل فضایي تمځي د جوړولو لپاره د ټکنالوژۍ پر لېدولو تېره کړې، چې له نړیوال تمځي پرته د خپلې ځانګړتیا لرونکی دی.

چین غواړي، چې تر ۲۰۳۰ کال پورې د فضايي ځواک په توګه وځلیږي او په بریالیتوب سره یې د مریخ د څېړلولو لپاره خپل امکانات وکارول او لومړی هېواد شو، چې د سپوږمۍ شاوخوا ته یې فضايي بیړۍ وګرځوله او بریالۍ ناسته یې ترسره کړه.

ساینس او ​​ټیکنالوژي

اپل شرکت د نړۍ د تر ټولو د لوی ګرځند پلورونکي دریځ له لاسه ورکړ

Published

on

(Last Updated On: وری ۲۸, ۱۴۰۳)

د IDC څېړنیز انسټیټیوټ راپور ښیې، چې د ۲۰۲۴ ز.کال په لومړۍ ربع کې د اپل آی فون بازار د انډرایډ ګرځند له تولید سره په سیالۍ کې سوړ شو.

د رویټرز خبري آژانس د راپور له مخې؛ د جنورۍ او مارچ په میاشت کې د نړۍ بازارونو ته ۷ اعشاریه ۸ سلنه وده وکړه، چې شمېر یې ۲۸۹ اعشاریه ۴ میلیون ته ورسېد.

د ګرځند جوړونکي شرکت (سامسونګ) د بازار ونډه ۲۰ اعشاریه ۸ راغله او په دې توګه یاد شرکت له اپل څخه له ټولو د لوی ګرځند پلورونکي مقام خپل کړ.

اپل د ۲۰۲۴ کال په تېرو درې میاشتو کې ۵۰ اعشاریه ۱ میلیون آی فونونه پلور ته وړاندې کړل، چې دا د تېر کال د ورته وخت پر پرتله ۵۵ اعشاریه ۴ میلیون کم دي. همدارنګه د ۲۰۲۳ په وروستیو دریو میاشتو کې هم چین ته د آی فون د وړاندې کولو په کچه کې ۲ اعشاریه ۱ کموالی راغلی و.

Continue Reading

ساینس او ​​ټیکنالوژي

د جاپان سپیس ون کایروس توغندی له توغېدو وروسته وچاودېد

Published

on

(Last Updated On: کب ۲۳, ۱۴۰۲)

د چارشنبې پر ورځ د جاپان سپیس ون کایروس کوچنی تېل سوځوونکی توغندی له توغولو لږ وروسته وچاودېد.

د رویټرز د څرګندونو له مخې؛ دغه ۱۸ مټره توغندی پر ځایي وخت ۱۱:۰۱ له توغولو لږ وروسته وچاودېد، چې لوګی او اور یې د رسنیو په انځورونو کې لیدل کیږي.

سپیس ون ویلي؛ دوی د جاپان د لویدیځ ټاپو په څنډه کې توغېدا لغو کړه او په اړه یې ارزونې هم پیل شوې دي.

د ځایي واکایاما حکومت والي شوهی کیشیموتو خبریالانو ته د سپیس ون له معلوماتو وروسته ویلي، چې یوه ستونزه د دې سیسټم د توغېدو خنډ شوې ده.

هغه په ډاګه نکړه، چې ستونزه څه ده.

کیشیموتو زیاته کړې، چې د توغندي د توغېدا مرکز ته هیڅ زیان نه‌ دی رسیدلی او اور هم مړ شوی دی.

کایروس یوه تجربه لرونکې دولتي سپوږمکۍ لېږدوله، چې کولی یې شول په لنډمهاله توګه معلوماتي او استخباراتي سپوږمکۍ په مدار کې ځای پر ځای کړي.

که څه هم جاپان په فضایي سیالیو کې نسبتا کوچنی لوبغاړی دی؛ خو د توغندیو توغولو لپاره د ارزانه وسایطو د جوړولو هڅې کوي.

Continue Reading

ساینس او ​​ټیکنالوژي

فیسبوک او انسټاګرام له لنډې پرچاوۍ وروسته بېرته فعال شول

Published

on

(Last Updated On: کب ۱۶, ۱۴۰۲)

د رویټرز د څرګندونو له مخې؛ د سې شنبې پر ورځ د میټا اړوند فیسبوک او انسټاګرام د دوه ساعته تخنیکي ستونزو له کبله بېرته فعال او په ټوله نړۍ کې یې سلګونه زره کاروونکي اغېزمن کړل.

د میټا اړوند سرچینو ویلي؛ یوه تخنیکي مسله د دې لامل شوه، چې خلک زمونږ خدماتو ته د لاسرسي په اړه له ستونزې سره مخ شي.

د میټا ویاند انډي سټون په ایکس پاڼه کې له بشپړې څرګندونې پرته ولیکل، چې مونږ د خپلو اغېزمنو شویو لپاره اړوند مسله حل کړه .

سټون د فیسبوک او انسټاګرام له کاروونکیو څخه د دې ستونزې له پېښېدا بښنه وغوښته.

دا شرکت د WhatsApp او Threads په ګډون شاوخوا ۳ اعشاریه ۱۹ میلیارد ورځني فعال کاروونکي لري.

په هر حال د واټس اپ او ترایډ لپاره بندښت خورا کوچنی و.

د رویټرز د لیدل شويو پوسټونو له مخې؛ د میټا ډېرو کارمندانو په نامعلوم پیغام رسولو اپلیکیشن بلینډ کې څرګنده کړې، چې دوی نشي کولی خپل داخلي کاري سیسټمونو ته ننوځي. ان دوی حیران شول، چې له دندې ګوښه شوي دي.

د وېبپاڼو څارونکې ډاونډيټکټر څرګنده کړې، چې د فیسبوک پرچاوۍ په اړه ۳۰۰ زره او دغه راز د انسټاګرام د پرچاو کېدو په اړه ۲۰ زره شکایتونه ترلاسه شوي دي.

د یادونې ده، چې په ۲۰۲۱ ز. کال کې هم د فیسبوک، انسټاګرام او وټس‌آپ خدمات د تخنیکي ستونزو له کبله څو ساعتونه بند شوي وه.

Continue Reading

Trending

Copyright © 2022 Ariana News. All rights reserved!