ساینس او ټیکنالوژي
چین خپل ګرځند فضایي تمځي ته بشپړ څېړنیز لابراتوار ولېږداوه
چین د وینچانګ له فضایي اډې څخه خپل ګرځند فضایي تمځي ته بشپړ څېړنیز لابراتوار ولېږداوه، چې په راتلونکیو خلایي څېړنو کې به رغنده رول ولوبوي.
د اسوشیتید پرس د څرګندونو له مخې؛ دغه وینتیان نومی لابراتوار د یکشنبې پر ورځ د های نان ولایت د استوایي تاپو له وینچانګ فضایي اډې څخه د لیواله انځورګرو او د فضا مینه والو د لوی شمېر په ګډون وتوغول شو.
د چین فضایي ادارې ویلي، چې د دوشنبې پر سهار له ۱۳ ګړیو الوتنې وروسته له خپلې سپوږمکۍ سره ونښلول شو.
د دولتي ګلوبل تایمز ورځپاڼې د څرګندونو له مخې؛ دغه ۲۳ ټني دروند وینتیان د ساینسي او بیولوژيکي تجربو لپاره ډیزاین.
وینتیان به د دوه یم لابراتوار مینګتیان لخوا تر څارڼې لاندې وي، چې د اکتوبر په میاشت کې به وتوغول شي شي.
درې ستورمزلي اوسمهال په اصلي ماډل کې شپږ میاشتني ماموریت ترسره کوي او وینتیان یې تر څارنې لاندې نیولی دی.