تازه خبرونه
کابل د اسرائیلو لهخوا د سومالیالینډ پر رسمیت پېژندل وغندل
د هېواد بهرنیو چارو وزارت د خبرپاڼې له مخې؛ دا ډول کړنه به د سیمهییزې سولې او ثبات لپاره منفي پایلې ولري.
د افغانستان اسلامي امارت د یکشنبې پر ورځ د اسرائیلو لهخوا د سومالیالینډ بېلتون غوښتونکي سیمې پر رسمیت پېژندل وغندل او دا یې د یو اسلامي هېواد د وېش او له نړیوال قانون څخه سرغړونه وبلله.
د هېواد بهرنیو چارو وزارت د خبرپاڼې له مخې؛ دا ډول کړنه به د سیمهییزې سولې او ثبات لپاره منفي پایلې ولري.
اسرائیلو د جمعې پر ورځ سومالیالینډ د یو خپلواک دولت په توګه پر رسمیت وپېژاند، چې دا کړنه د ټولو اسلامي او عربي هېوادونو لهخوا وغندل شوه.
سومالیالینډ، چې په ۱۹۹۱ کال کې له سومالیا څخه د خپلواکۍ د اعلان راپدېخوا رسمي پېژندنه نلري؛ د یوې خپلواکې، سیاسي او امنیتي ادارې په توګه فعالیت کوي، چې مرکزي حکومت نشي کولی پرې کنټرول ولري.
د سومالیا حکومت دا سیمه د خپلې خاورې نه بېلېدونکې برخه ګڼي.