تازه خبرونه
کابل د پاکستان په تاوریخجنو پېښو کې لاس نلري – افغان چارسمبال
سردار احمد شکېب په اسلامآباد کې د سيمهييزو څېړنو مرکز په يوه سيمينار کې ويلي: مونږ په پاکستان کې بې ثباتي نهغواړو. شاید ځینې خلک له پولې تېر شي؛ خو د افغانستان چارسمبالی حکومت په پاکستان کې د تاوتریخوالي په پېښو کې هیڅ راز لاس نلري.
په اسلامآباد کې د افغانستان سفارت چارسمبال استازي ویلي، چې افغان سمبالی حکومت په سيمه كې امن٬ سلامتيا او ثبات غواړي او د پاکستان په تاوتریخجنو پېښو کې لاس نلري.
سردار احمد شکېب په اسلامآباد کې د سيمهييزو څېړنو مرکز په يوه سيمينار کې ويلي: مونږ په پاکستان کې بې ثباتي نهغواړو. شاید ځینې خلک له پولې تېر شي؛ خو د افغانستان چارسمبالی حکومت په پاکستان کې د تاوتریخوالي په پېښو کې هیڅ راز لاس نلري.
هغه په دې اړه، چې په افغانستان کې د پاکستانيو طالبانو شتون کومه نوې خبره نده؛ څرګنده کړې: اسلامي امارت هڅه کوي، چې د خبرو له لارې دې ستونزې ته د حل لار ومومي.
نوموړي زیاته کړې پاكستان او افغانستان دواړه د امنيتي ناخوالو سره مخ دي او په سيمه كې امن٬ سلامتيا او ثبات زمونږ هيله ده۔
شکیب د افغانستان په اړه د پاکستان د حکومت د امنیتي اندېښنو په اړه په ډاګه کړه: کابل هڅه کوي اسلامآباد قانع کړي، چې “ځینې غیر دولتي عناصر په پاکستان کې دننه د نفوذ په لټه کې دي”.
شکیب ټینګار وکړ، چې د افغانستان پالیسي روښانه ده او د غیر دولتي عناصرو ملاتړ نهکوي.
سردار احمد شکیب د چین – پاکستان اقتصادي دهلیز (CPEC) په اړه ویلي، چې دې پروژې د سیمې لپاره ډېر فرصتونه رامنځته کړي، چې افغانستان ته هم ګټه رسولی شي.
ده همداراز څرګنده کړې، چې د یوه کمربند او یوې لارې په پروژه کې د افغانستان ګډون نه یوازې د هېواد په بېخبناوو کې پانګونه زیاتوي، بلکې د سیمې هېوادونه هم له یو بل سره نږدې کوي.
شکیب ویلي: مونږ باور لرو، چې د افغانستان، پاکستان او چین درې اړخیزې همکارۍ کولی شي د سیمهییزو همکاریو نوی پېر پیل کړي.
هغه پاکستان د افغانستان یو له مخکښو سوداګریزو شریکانو څخه یاد کړ او د دواړو هېوادونو ترمنځ د سوداګرۍ او پانګونې د زیاتولو ژمنه یې وکړه.
شکیب د دواړو هېوادونو ترمنځ د سوداګريزو او اقتصادي اړيکو په برخه کې وروستۍ ننګونې تائيد کړې او وایي، چې افغانستان د اقتصادي اړيکو د بېرته رغولو هڅې کوي.
د اسلامي امارت دغه ډیپلومات پر امنیتي مسایلو سربیره د لویدیځ بندیزونه، د لارو بندیدل، د ګمرکي تاسیساتو محدودیت، د تعرفو ناڅاپي او یو اړخیز زیاتوالی او د بار وړونکیو موټرو پرلهپسې پلټنه د سوداګرۍ پر وړاندې لوی خنډونه ونومول.
هغه دغه راز د دواړو حکومتونو ترمنځ د سوداګريزو بېخبناوو په برخه کې د پانګونې، د ګمرکي کړنلارو په ساده کولو، د سوداګريزو تاسيساتو د پياوړتيا، د ټرانسپورټي اړيکو د پراختيا، د متقابل باور په رامنځته کولو او د اوږدمهاله سوداګريزو ګټو د ترلاسه کولو لپاره د ډيپلوماټيکو خبرو اترو پر پياوړتيا ټينګار وکړ.
د سیمې د هېوادونو ترمنځ پر باثباته ډیپلوماټیک تعامل او د سولې او امنیت لپاره پر ګډو هڅو ټینګار او د سیمهییزو اقتصادي همکاریو لپاره د باثباته بېخبناوو رامنځته کول یوه بله د ټینګار وړ موضوع وه.
دغه راز د سیمهییزو مطالعاتو د انسټیټیوټ استازي جوهر سلیم د سیمهییزې سوداګرۍ او اقتصادي هوساینې لپاره په افغانستان کې د سولې او ثبات پر اړتیا ټینګار وکړ.
جوهر سلیم ویلي، چې په افغانستان کې هر ډول ناامني او د ترهګرۍ د رامنځته کېدو د مخنیوي نشتوالی به د سیمې د اقتصادي همکاریو او د ټولې سیمې د سوکالۍ مخه ونیسي.
د اسلامي امارت د چارواکو یادې څرګندونې په داسې حال کې راپورته کيږي، چې اسلامآباد په ځلونو د افغانستان چارسمبالی حکومت د تحريک طالبان پاکستان پر ملاتړ تورن کړى او پاکستانيو چارواکو ادعا کړې، چې وسلوال بريدونه له افغانستان څخه پلانیږي؛ خو اسلامي امارت دا ادعاوې رد کړي، چې دوی د پاکستان د ناامنیو مسوول ندي.
د یادونې ده، چې په پاکستان کې د افغانستان له لوري د ګواښونو موضوع د دواړو هېوادونو ترمنځ د ترینګلتیا د زیاتېدو لامل شوې ده.
تازه خبرونه
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دوحه کې د افغانستان اسلامي امارت د سفارت چارسمبالي(سرپرست) په قطر کې د ګامبیا له سفیر او ځانګړي استازي عمر جاح سره پر دوه اړخیزو اړیکو خبرې کړې دي.
په دوحه کې د افغانستان سفارت د خبرپاڼې له مخې؛ عمر جاح هممهاله د افغانستان لپاره د ګامبیا د سفارت چارې هم پر مخ وړي.
په دې لیدنه کې دواړو لوریو د افغانستان او ګامبیا ترمنځ پر دوهاړخیزو اړیکو، په افغانستان کې امنیتي وضعیت، د پانګونې فرصتونو، اقتصادي همکاریو او نورو ګډو موضوعاتو اندونه وړاندې کړي دي.
تازه خبرونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
د پاکستان په ملي شورا کې د اپوزیسیون مشر او د پښتونخوا د عوامي ملي ګوند مشر محمود خان اڅکزي ویلي، چې که ښه مشران په واک کې وای: نو د ډیورنډ کرښې په اوږدو کې به خلکو آزاد تګ راتګ کولی شو.
هغه په یوه غږیزه خپرونه کې ویلي، چې نور هېوادونه لکه روسیه، جرمني او بریټانیا، له تاریخي جګړو سره – سره نن خلاصې پولې لري؛ یوازې یوه «کاغذي کرښه» یې ترمنځ پاتې ده او د څارنې او ارزونې هیڅ کومه سخته ارزونه نشته.
اڅکزي زیاته کړې، کېدی شو؛ په سیمه کې ورته وضعیعت رامنځته شوی وای.
هغه ټینګار کړی: «دلته ستونزه څه ده؟ پنجابي په کندهار کې نڅا کوله او پښتانه دلته راتلل. که څه هم مونږ په ښکاره یو هېواد نهیوو، خو کولی مو شو په عمل کې یو هېواد واوسو.»
هغه د شوروي اتحاد او امریکا لهخوا پر افغانستان د یرغل یادونه وکړه او څرګندوي؛ افغانستان حق لري، چې له دې هېوادونو د جګړې د زیانونو او بیارغونې لپاره د تاوان غوښتنه وکړي.
دې پاکستاني سیاستوال له پښتنو سره د پاکستان د حکومت پر چلند نیوکه کړې او ادعا کوي، چې په ځینو ښارونو لکه لاهور او کراچۍ کې هغوی نیسي او جبري ایستل کیږي.
تازه خبرونه
د کونړ زلزلهځپلو ته په ننګرهار کې نمرې وویشل شوې
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
د کور او ښار جوړولو وزارت د کونړ ولایت هغو زلزلهځپلو کورنیو ته، چې د وروستۍ زلزلې له کبله یې کورونه ویجاړ شوي وه؛ د ننګرهار ولایت د ښېوې ولسوالۍ د ګمبیري د اړوند سیمې په ۱۰۰۰ جریبه ځمکه کې د نوي جوړ شوي ښارګوټي استوګنیزې نمرې وېشلي دي.
د دې وزارت د خپرې شوې خبرپاڼې له مخې؛ یاد ښارګوټی د معیاري ښاري پلان له مخې طرحه شوی، چې په کې د اوسېدو د نمرو تر څنګ سړکونه او بنسټیزې آسانتیاوې په پام کې نیول شوې دي.
دغه راز په دې ښارګوټي کې د ښوونځي، مدرسې، جوماتونو، روغتیایي کلینیک او هدیرې لپاره ځانګړې ځمکې پر نښه شوې دي، چې اوسېدونکو ته د یو منظم او باعزته ژوند بشپړ چاپېریال برابر شي.
خبرپاڼه زیاتوي؛ په همدې مناسبت جوړه شوې غونډه کې د کور او ښار جوړولو وزارت وزیر نجیبالله حیات حقاني د ننګرهار ولایت د والي مرستیال مولوي غلام الرحمن حیدري، د علماوو شورا رییس او د زلزلهځپلو د مرکزي کمیسیون مشر شیخ خیر محمد فاروقي، د کونړ د جهادي مدرسې مشر شیخ عبدالقهار صدیقي، د ننګرهار ولایت د مقام استازی شمس العارفین او یو شمېر نورو مسوولانو ګډون کړی و.
د کور او ښار جوړولو وزارت وزیر نجیبالله حیات حقاني دغو مراسمو ته په وینا کې ویلي؛ اسلامي امارت هڅه کوي، چې زلزلهځپلې کورنۍ پیاوړې کړي او د ټولنې د فعالو غړو په توګه یې وروزي، چې د مرستې له اخیستونکو څخه د مرستې کوونکو کچې ته ورسېږي.
نوموړي د دې پلان پر ارزښت ټینګار وکړ او وایي: دا «پلان هغه ګټوره نسخه ده، چې خړه دښته د سرو زرو پر ارزښت بدلوي او د انساني ټولنې د پرمختګ لپاره عملي کېږي.»
ویل کیږي، چې د ننګرهار ولایت د مقام استازي شمس العارفین څرګنده کړې، چې د ننګرهار ولایت مقام د زلزلهځپلو د ملاتړ او د یاد ښارګوټي د ښه مدیریت لپاره د هر راز همکاریو ډاډ ور کړ.
په قطر کې د ګامبیا د سفیر او سهیل شاهین لیدنه؛ د دوه اړخیزو اړیکو ارزونه او د پانګهونې فرصتونه
که په واک کې ښه چارواکي وای، د ډیورنډ کرښې دواړو غاړو ته به خلکو آزاد تګ راتګ کاوه – اڅکزی
امریکا او ایران د جګړې د پای ته رسولو او د اټومي خبرو د پیل لپاره سره نږدې شوي – راپور
د کونړ زلزلهځپلو ته په ننګرهار کې نمرې وویشل شوې
امریکا به له ایران څخه غني شوي یورانیم ترلاسه کړي – ټرمپ
له برید درولو وروسته ایران له امریکا سره پر لنډمهالي اوربند هوکړه وکړه
د افغانستان، ازبکستان او قرغزستان د استازو سوداګریزه ناسته ترسره شوه
د هائیټي په تاریخي کلا کې د ګڼې ګوڼې له کبله مرګ او ژوبله رامنځته شوې
آیا ایران په هرمز تنګي کې پر بېړیو پیسې وضع کولی شي؟
د جګړې له پایلو د اماراتو اندېښنه؛ د تېلو په راکړه ورکړه کې د ډالرو دډې ته کولو احتمال
تحول: د ایران او امریکا په شخړه کې ډیپلوماټیک بدلون
څار: له اسلامي امارت سره د هېوادونو د تعامل زیاتوالی
تحول: له جرمني څخه د افغان کډوالو د ایستلو روان بهیر
څار: د پاکستان پر پالیسۍ نیوکې
تحول:د افغانستان پر وړاندې د پاکستان دوه ګونی سیاست
-
سوداگري4 days agoله قزاقستان څخه افغانستان ته د غنمو په صادراتو کې د پام وړ زیاتوالی راغلی دی
-
تازه خبرونه4 days agoد ملګرو ملتونو خبرداری: د مرستو کمښت په افغانستان کې د ماین پاکۍ بهیر ځنډولی
-
سیمه ییز خبرونه4 days agoامریکا په هرمز تنګي کې د بندو کښتیو د خوندي لېږد چارې پیل کړې
-
سوداگري4 days agoد ۱۲ پراختیایي پروژو تائید؛ د بنسټیزو برښنایي، ټرانسپورټي او ودانیزو چارو پر پراختیا ټینګار
-
سوداگري1 day agoد منځنۍ آسیا له لارې د چین– افغانستان نوې ټرانزیټي لاره پرانیستل شوه
-
سیمه ییز خبرونه2 days agoپه بېجینګ کې لوړپوړې خبرې؛ په هرمز تنګي کې د امریکا او ایران پر کړکېچ ټینګار
-
تازه خبرونه5 days agoپه کابل کې د کتاب نندارتون؛ د لوست کلتور پیاوړتیا او د کورنیو لیکوالانو ملاتړ
-
نړۍ3 days agoسپینې ماڼۍ ته نږدې نښته؛ یو وسلهوال ټپي او روغتون ته ولېږدول شو