تازه خبرونه
کندهار مدني فعالان او خلک: د ملي یووالي حکومت په یوه کال کې هېڅ د پام وړ کار نه دی کړی
دوی ولسمشر او اجرایي رییس له خلکو سره د کړو ژمنو په پلي کولو کې ناکام ګڼي. خو دکندهار دوالي مرستيال وايي چي که څه هم په ټاکنو کي ګډوډي اودولسمشر او اجرايي ریيس تر منځ په ځینو مسایلو د نظر اختلاف موجود دی خو کندهار کې دوی هڅه کړې چې د پرمختګ د بهیر مخه ونه نيسي.
په تېر کال کې دملي يووالي په نامه دحکومت جوړېدو دخلکو هغه هيلې را ژوندۍ کړېچي له ټاکنو وړاندې يېلرلې خو ديوه کال په تېرېدو سره يو ځل بيا حکومت خپل تر لاسه شوی باور له لاسه ورکړ.
په کندهارکې يو شمېر مدني فعالان او اوسېدونکي وايي چې دملي يووالي حکومت نه يوازې په خپلو چارو کې پاتې راغلى، بلکې په سيمه کې هم داهميت وړ نه دى ځکه په افغانستان کې په تېر يوه کال کې نا امني او فساد ډېر شو.
د دوی په وينا په تېر کال کې د حکومت د کمزورۍ له امله په زرګونو ځوانان له دې امله بهرنيو هېوادونو ته لاړل چې په افغانستان کې سياسي وضعيت خراب شو نو ځکه د ملي يووالي حکومت د تېر يوه کال کړنې ورته د قناعت وړ نه دي.
په ورته وخت کي د کندهار مرستيال والي عبدالعلي شمسي وايي چې که څه هم په دې کال کې له يوې خوا د تشکيل له کموالي سره مخ و او له بلې خوا يې په کافي اندازه بوديجه نه لرله خو بيا يې هم تر ډېره بريده ددې ولايت په کچه دخلکو ستونزېاوارې کړې دي او دپرمختګ دکارونو له پاره يې هم پلانونه عملي کړي دي.
هغه زياتوي چې له دې جملې څخه يې دکندهار دهوايي ډګر دهغه ١٦ کيلو متره سرک کار بيا پيل کړى دى چې په تېر کال کې يې کاردبوديجې دنشتوالي له امله بند شوى و او په ولسواليو کې يې دميلي پيوستون ډېرې پروژې عملي کړې دي چې دټاکنو پروخت يې کارونه درېدلي وو.
دکندهار اوسېدونکي ځکه دملي وحدت له حکومت څخه ناراضه دي چي په تېر کال کې دڅو ولايتونو دولسواليو ترڅنګ يوه ورځ وړاندې دکندوز ولايت هم دوسله والو طالبانو له خوا ونيول شو.
خبريال: بريالی رحيمي
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه16 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه16 hours ago
په عراق کې به همجنسبازان پر۱۵ کاله بند شي –پارلمان
-
لوبی13 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل