تازه خبرونه
که سيلوګانې خصوصي سكتور ته وسپارل شي، پانګونه به پرې وشي
د افغانستان د سوداګرۍ اوصنایعو خونه وایي كه د كرنې او مالدارې وزارت سيلوګانې خصوصي سكتور ته وسپاري، پانګوال چمتو دي چې په دې برخه كې پانګونه وكړي.
په دې خونه كې چارواكي وايي كه په هيواد كې له شته سيلوګانو استفاده شوې واى، نو ډيرو كسانو ته به د كار زمينه برابره شوې واى.
په همدې وخت كې د كرنې او مالدارۍ وزارت وايي كه له خصوصي سكتور سره په شرايطو كې جوړ راشي، چمتو دي چې په دې برخه كې ګډ كار وكړي.
سيلوګانو يو وخت په هيواد كې زرګونو كسانو ته د كارزمينه برابره كړې وه او د ډوډۍ په برخه كې يې د امنيتي ځواكونو او خلكو ډېرې اړتياوې پوره كولې، خو اوس تر ډيره دا سيلوګانې په ټپه ولاړې دي.
په هيواد كې پنځه سيلوګانې شته چې تراوسه نه د دولت لخوا فعالې شوې او نه يې خصوصي سكتور ته سپارلې دي.
خان جان الكوزى – د سوداګرې او صنايعو خونې مرستيال:
“په ډیرې لويې پانګو نې سره دغه سیلو ګانی جوړي شوی؛ خو اوس نه ترې دولت پخپله استفاده کوي؛ او نه هم خصوصي سکتور ته اجازه ورکوي چې پکي پانګو نه وکړي.“
په همدې وخت كې د شته سيلوګانو ډېر وسايل لاهم د استفادې وړې او لږې پانګونې ته اړتيا لري چې بيا فعاليت پيل كړي.
د كرنې او مالدارې وزارت وياند -لطف الله راشدوايي؛ كه په شرايطو كې جوړ شي نو چمتو دى چې له خصوصي سكتور سره په ګډه كار وكړي:
“دغه سیلو ګانې که لږ موډرین سازي شي، سشتونزې نه لري؛ مونږه له خصوصي سکتور سره کومه ستونزه نه لرو؛ خو که په شرایطو کې له دولت سره خصوصي سکتور جوړ راشي، ښایي په ګډه کار وکړو.“
په ورته وخت كې یوشمیر پانګوال وايي چې که دا سیلو ګاني خصوصی سکتور ته ورکړل شی هم به په زرګونو کسانو ته دکار زمینه برابره شی او هم به دسوداګرو پانه ګه په کوردننه ولګول شی .
اعتبارخان ځدران – ملی سوداګر:
“دسیلو ګانو په رغونې او فعالیت دومره پانګې ته اړتیا نشته؛ دولت باید له خصوصي سکتورسره په ګډه دافعالې کړي ترڅو خلکو ته د کار زمینه هم برابره شي“
كابل، هرات، بلخ، بغلان او كندهار هغه ولایتونه وو چي سیلوګانې پکې فعالې وې.
د اقتصادي چارو شنونکي وایي که دولت له خصوصي سکتور سره په ګډه دا سيلوګانې فعالی کړي د كورنيو توليداتو د پراختيا لامل به هم شي.
خبریال:اسلم حجاب
تازه خبرونه
ترکمنستان د ټاپي پروژې بشپړولو ته ژمن دی – امانوف
د ټاپي پروژې اجرائیوي مشر ویلي، چې ترکمنستان د افغانستان له لارې پاکستان او هند ته د ګازو د نللیکې پروژې بشپړولو ته ژمن دی.
د ټاپي پروژې اجرائیوي مشر محمد میرات امانوف په پاریس کې د انرژۍ په اړه د ترکمنستان د پانګونې غونډې ته څرګنده کړې، چې هېواد یې د ټاپي پروژې په برخه کې له نړیوالو قوانینو سره سم پرمختګ کړی دی.
هغه وایي: ترکمنستان د ټاپي د طبیعي ګاز نللیکې جوړولو په برخه کې د پام وړ پرمختګ کړی، چې موخه یې جنوبي آسیا ته په کال کې ۳۳ میلیارډ مټر مکعب ګاز رسول دي.
امانوف دا ټینګار هم کړی، چې په ترکمنستان کې د ګازو د نللیکې د غځولو چارې بشپړې شوي او اوس له نړیوالو معیارونو سره سم له دغه هېواده بهر هم د دغې پروژې په اړه خبرې روانې دي.
د ټاپي پروژې اجرائیوي رییس همداراز څرګنده کړې، چې د طبیعي ګازو له کارولو سره به په هوا کې د کاربن ډای اکساید ګازو د خپرېدا کچه راټیټه شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
-
نړۍ3 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
تازه خبرونه5 days ago
راشد خان د افغان بیسیم سوداګریز سفیر شو
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه3 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه5 days ago
د اسلامي همکاریو ټولنې پلاوي د اروپايي ټولنې له استازې سره ولیدل
-
تازه خبرونه4 days ago
ایران او پاکستان په افغانستان کې پر ترهګرو ډلو اندېښنه څرګنده کړه