تازه خبرونه
که طالبان منزوي شي افغانستان نور هم بې ثباته کیږي – قطر
د قطر د بهرنیو چارو وزیر شیخ محمد خبرداری ورکړی، چې که نړۍ طالبان منزوي کړي افغانستان به نور هم د بې ثباتۍ پر لوري روان شي.
د قطر د بهرنیو چارو وزیر ویلي، چې تر اوسه د طالبانو په رسمیت پېژندل د دوحې په لومړیتوبونو کې نشته؛ خو خبرداری ورکوی، چې که طالبان منزوي شي، افغانستان به د بې ثباتې خواته روان شي.
شیخ محمد د آلمان د بهرنیو چارو له وزیر سره په دوحه کې د خبرو پر مهال ویلي؛ په افغانستان کې د امنیت د ټينګښت او اقتصادي ودې لپاره په کار ده، چې نړیواله ټولنه له افغانستان سره ګډې همکارۍ روانې وساتي.
د قطر د بهرنیو چارو وزیر شیخ محمد بن عبدالرحمان الطهانی وایي: مونږ باوري یو، چې انزوا مناسب ځواب ندی؛ خو اوس هم د طالبانو پر رسمیت پېژندل زمونږ په لومړیتوبونو کې نشته. طالبان په ۱۹۹۶زېږدیز کال کې منزوي شول. مونږ په افغانستان کې ولیدل، چې مشارکت او ګډون مثبتې پایلې لري.
د قطر د بهرنیو چارو وزیر پوښتنې ته ورته ویلي؛ که نړیواله ټولنه له افغانستان سره خپل مشارکت ته پای ورکوي او شرایط وړاندې کوي، نو څوک به اوسنی تشه ډکه کړي؟! له افغانستان سره په اقتصادي او امنیتي برخو کې د نړۍ مشارکت ته اړتیا ده.
شیخ په دې اړه وایي: زمونږ ونډه داده، چې له پراخ بنسټه او داسې حکومته ملاتړ وکړو، چې ټولې خواوې په کې وي او هیڅوک بهر پاتې نشی. له طالبانو سره په دې اړه زمونږ خبرو ته هغوی هیڅ ډول منفی یا مثبت غبرګون ونښود؛ خو وایي، چې هر ډول وړاندیزونه اوري.
د آلمان د بهرنیو چارو وزیر هایکو ماس د سیمې د هېوادونو؛ پاکستان، ازبکستان او تاجکستان له سفر وروسته دوحې ته تللی او وايي، چې له طالبانو سره د خبرو هڅ لاره نشته.
ده ویلي، چې د افغانستان بې ثباتي د زغم نده او په افغانستان کې باید داسې پراخ بنسټه حکومت جوړ شي، چې بشري او د ښځو حقونو ته درناوی ولري.
نوموړی وایي: زما په باور له طالبانو سره د خبرو هیڅ لاره نشته؛ مونږ باید د کابل د هوايي ډګر د پرانیستلو موضوع حل کړو او دا، چې مونږ ته د افغانستان بې ثباتي هم د منلو نده.
هایکو ماس ویلي؛ آلمان د طالبانو چال چلند ته په تمه دی، چې له ځينو ارزښتونو سره څه ډول چلند کوي.
هغه ویلي؛ دمګړۍیې په نړیواله کچه د رسمیت پېژندو مساله نشته. مونږ باید مهم مسایل حل کړو. طالبانو ته مو په ښکاره ویلي، چې مونږ ځينې ارزښتونه لرو، چې باید احترام یې وشي. بشري او د ښځو حقونو ته درناوی او پراخ بنسټه حکومت جوړول هغه څه دي، چې مونږ یې د لیدو تمه لرو.
آلمان ټينګار کوي، چې د کابل نړیوال هوايي ډګر باید پرانیستي وي، د آلماني وګړیو او هغو افغانانو د وتلو لار خلاصه شي، چې غواړي له دې هېواده ووځي.
قطري چارواکو په ډاګه کړې؛ د کابل د نړیوال هوايي ډګر له پرانیستل کیدو سره به دوی پوه شي، چې طالبان د خلکو د سفر آزادۍ ته ژمن دي.
دا په داسې حال کې ده، چې طالبانو پر امریکايي پوځونو د کابل هوايي ډګر د ځينو برخو او وسایلو د ویجاړولو تور لګولی او وایي، چې امریکايي پوځونو یو شمېر چورلکې، موټر او ودانۍ ویجاړې کړي دي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه3 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی4 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ