Connect with us

ساینس او ​​ټیکنالوژي

ګوګل په اوکراین کې د ژوندي ترافیک د معلوماتي نقشې د غیرفعالولو لنډمهاله پرېکړه کړې

خپور شوی

د

(Last Updated On: کب ۹, ۱۴۰۰)

د رویټرز د څرګندونو له مخې؛ ګوګل د یکشنبې پر ورځ منلې، چې د اوکراین لپاره یې په لنډمهاله توګه د ګوګل نقشې ځینې ترافیکي ژوندۍ آسانتیاوې غیر فعاله کړې دي.

یاد شرکت څرګنده کړې، چې دوی د سیمه ییزو چارواکو په ګډون له بېلابېلو سرچینو سره مشورې کړي او د ګوګل نقشې ژوندي ترافیکي معلومات یې د اوکراینیانو د خوندیتوب لپاره غیرفعال کړي دي.

اوکراین د روسي ځواکونو له بریدونو سره مخ دی، چې د پنجشنبې پر ورځ یې پر دغه هېواد پراخ یرغل وکړ.

رویټرز راپور ورکړی، چې د اوکراین پر ښارونو د توغندیو پر لګېدو نږدې ۴۰۰۰۰۰ ملکي وګړي، چې اکثره یې ښځې او ماشومان دي؛ ګاونډ هیوادونو ته تښتیدلي دي.

روسیه په اوکراین کې خپل عملیات ځانګړي پوځي عملیات بولي.

د ګوګل په ګډون سترو تخنیکي شرکتونو ویلي، چې دوی په سیمه کې د کاروونکیو د امنیت خوندي کولو لپاره نوې هڅې پیل کړې دي.

رویټرز په ډاګه کړې؛ آنلاین خدمات او د ټولنیزو رسنیو سایټونه هم د څېړونکیو لخوا د پاملرنې وړ دی،  چې د جګړې په اړه فعالیتونه سره یوځای کوي.

د کالیفورنیا د مډلبري نړیوالو څېړنو انسټیټیوټ یوه پروفیسور ویلي؛ د ګوګل نقشې له ده سره د ژوندي ترافیک په څارنه کې، چې پوتین د برید له اعلانه څو ګړۍ مخکې د پولې پر لوري حرکت ورکړی و؛ په پېژندنه کې مرسته وکړه.

ګوګل څرګنده کړې، چې د ژوندي ترافیک معلومات د موټر چلوونکیو لپاره، چې په سیمه کې فعال دي؛ کولی شي ګام په ګام ور سره خوندي ځانګړتیاوې وکاروي.

ساینس او ​​ټیکنالوژي

د جاپان سپیس ون کایروس توغندی له توغېدو وروسته وچاودېد

Published

on

(Last Updated On: کب ۲۳, ۱۴۰۲)

د چارشنبې پر ورځ د جاپان سپیس ون کایروس کوچنی تېل سوځوونکی توغندی له توغولو لږ وروسته وچاودېد.

د رویټرز د څرګندونو له مخې؛ دغه ۱۸ مټره توغندی پر ځایي وخت ۱۱:۰۱ له توغولو لږ وروسته وچاودېد، چې لوګی او اور یې د رسنیو په انځورونو کې لیدل کیږي.

سپیس ون ویلي؛ دوی د جاپان د لویدیځ ټاپو په څنډه کې توغېدا لغو کړه او په اړه یې ارزونې هم پیل شوې دي.

د ځایي واکایاما حکومت والي شوهی کیشیموتو خبریالانو ته د سپیس ون له معلوماتو وروسته ویلي، چې یوه ستونزه د دې سیسټم د توغېدو خنډ شوې ده.

هغه په ډاګه نکړه، چې ستونزه څه ده.

کیشیموتو زیاته کړې، چې د توغندي د توغېدا مرکز ته هیڅ زیان نه‌ دی رسیدلی او اور هم مړ شوی دی.

کایروس یوه تجربه لرونکې دولتي سپوږمکۍ لېږدوله، چې کولی یې شول په لنډمهاله توګه معلوماتي او استخباراتي سپوږمکۍ په مدار کې ځای پر ځای کړي.

که څه هم جاپان په فضایي سیالیو کې نسبتا کوچنی لوبغاړی دی؛ خو د توغندیو توغولو لپاره د ارزانه وسایطو د جوړولو هڅې کوي.

Continue Reading

ساینس او ​​ټیکنالوژي

فیسبوک او انسټاګرام له لنډې پرچاوۍ وروسته بېرته فعال شول

Published

on

(Last Updated On: کب ۱۶, ۱۴۰۲)

د رویټرز د څرګندونو له مخې؛ د سې شنبې پر ورځ د میټا اړوند فیسبوک او انسټاګرام د دوه ساعته تخنیکي ستونزو له کبله بېرته فعال او په ټوله نړۍ کې یې سلګونه زره کاروونکي اغېزمن کړل.

د میټا اړوند سرچینو ویلي؛ یوه تخنیکي مسله د دې لامل شوه، چې خلک زمونږ خدماتو ته د لاسرسي په اړه له ستونزې سره مخ شي.

د میټا ویاند انډي سټون په ایکس پاڼه کې له بشپړې څرګندونې پرته ولیکل، چې مونږ د خپلو اغېزمنو شویو لپاره اړوند مسله حل کړه .

سټون د فیسبوک او انسټاګرام له کاروونکیو څخه د دې ستونزې له پېښېدا بښنه وغوښته.

دا شرکت د WhatsApp او Threads په ګډون شاوخوا ۳ اعشاریه ۱۹ میلیارد ورځني فعال کاروونکي لري.

په هر حال د واټس اپ او ترایډ لپاره بندښت خورا کوچنی و.

د رویټرز د لیدل شويو پوسټونو له مخې؛ د میټا ډېرو کارمندانو په نامعلوم پیغام رسولو اپلیکیشن بلینډ کې څرګنده کړې، چې دوی نشي کولی خپل داخلي کاري سیسټمونو ته ننوځي. ان دوی حیران شول، چې له دندې ګوښه شوي دي.

د وېبپاڼو څارونکې ډاونډيټکټر څرګنده کړې، چې د فیسبوک پرچاوۍ په اړه ۳۰۰ زره او دغه راز د انسټاګرام د پرچاو کېدو په اړه ۲۰ زره شکایتونه ترلاسه شوي دي.

د یادونې ده، چې په ۲۰۲۱ ز. کال کې هم د فیسبوک، انسټاګرام او وټس‌آپ خدمات د تخنیکي ستونزو له کبله څو ساعتونه بند شوي وه.

Continue Reading

ساینس او ​​ټیکنالوژي

د شمالي کوریا څارګره سپوږمکۍ فعاله ده – هالنډي کارپوه

Published

on

(Last Updated On: کب ۱۰, ۱۴۰۲)

د هالنډ یوه فضايي کارپوه تائید کړې، چې د شمالي کوریا څارګره سپوږمکۍ ژوندۍ او فعاله ده.

د رویټرز د څرګندونو له مخې؛ دې کارپوه د شمالي کوریا د سپوږمکۍ په مدار کې د بدلونونو له موندلو وروسته ویلي، چې پیونګ یانګ دا وسیله بریالۍ څاري؛ د شمالي کوریا لومړنۍ څارګره سپوږمکۍ ژوندۍ ده، که څه هم د هغې وړتیاوې ناڅرګندې دي.

په هالنډ کې د ډلفټ ټکنالوژۍ پوهنتون د سپوږمکۍ کارپوه مارکو لانګبروک، لیکلي؛ خو اوس مونږ کولی شو پرېکنده ووایو، چې سپوږمکۍ ژوندۍ او فعاله ده.

لانګبروک د امریکا پر مشرۍ له ګډو فضایي عملیاتو مرکز څخه د معلوماتو پر حواله څرګنده کړې، چې سپوږمکۍ د فبرورۍ له نولسمې څخه تر څلیریشتمې پورې په مدار کې د ځای موندلو لپاره له ۳۸۸ کیلومټرو څخه ۴۹۷ کیلومټرو ته کښته او پورته شوې ده.

هغه وایي: دا هڅې ښیي، چې د مالیګیونګ یو څارګره سپوږمکۍ ویجاړه شوې نه‌ده او شمالي کوریا خپله سپوږمکۍ څاري.

له دوه ناکامو هڅو وروسته شمالي کوریا بریالۍ شوه، چې په نومبر کې مالیګیونګ یو سپوږمکۍ مدار ته وتوغوي.

د پیونګ یانګ دولتي رسنیو ادعا کړې، چې سپوږمکۍ په سویلي کوریا، امریکا او نورو سیمو کې له حساسو نظامي او سیاسي موخو انځورونه اخیستي؛ خو د دې ادعا کوم انځور خپور شوی نه‌دی. له دې مخکې د دې سپوږمکۍ وړتیا د سیګنال د نه رسیدو له کبله تر پوښتنې لاندې راغلې وه.

Continue Reading

Trending

Copyright © 2022 Ariana News. All rights reserved!