تازه خبرونه
ملګري ملتونه: په 2014 کې ملکي تلفات 22 سلنه زیات شوي
په دوه زره څوارلسم زیږدیز کال کې ملکي تلفات د دوه زره دیارلسم کال په پرتله په سلو کې دوه ویشت زیات شوي دي.
د ملګرو ملتونو تازه راپور ښکاره کوي چې په دغه کال کې لس زره پنځه سوه اته څلویښت ملکیانو ته مرګ ژوبله اوښتې ده، او دوه زره پنځلسم کال په وروستیو پنځو کلونو کې تر ټولو خونړی و.
د دغه راپور له مخې، د ملکي تلفاتو د دوه اویا سلنې برخې مسول وسلوال مخالفین، په ځانګړې توګه طالبان او څوارلس سلنه افغان او بهرني ځواکونه یاد شوي دي.
راپور وایي، د ملکي تلفاتو د زیاتوالي عمده دلایل د ځمکنیو جګړو ډیروالی او له چاودیدونکو توکو استفاده ده.
ملګرو ملتونو د جګړې له ښکېلو خواوو غوښتي چې د ملکیانو د ساتنې په برخه کې خپلې ژمنې عملي کړي.
څوارلس کاله کیږي چې افغانستان کې جګړې دوام لري او له افغانانو قرباني اخلي.
ملګرو ملتونو د یوه راپور په خپرولو سره په ۲۰۱۴ کال کې د ملکي تلفاتو د زیاتوالي خبره کړې ده. د دغه راپور له مخې، له ۲۰۰۹ کال نه د دوه زره څوارلسم کال تر پایه په افغانستان کې 47745 ملکیانو ته مرګ ژوبله اوښتې ده.
په ۲۰۱۴ کال کې لس زره پنځه سوه اته څلویښت ملکیانو ته مرګ ژوبله اوښتې ده چې د ۲۰۱۳ کال په پرتله په ملکي تلفاتو کې دوه ویشت سلنه زیاتوالی ښیي.
په ۲۰۱۴ کال کې 3699 ملکیان وژل شوي او 6849 تنه نور ټپیان شوي دي چې په وژل شویو او ټپیانو کې 2474 تنه ماشومان او909 تنه ښځې دي.
په افغانستان کې د ملګرو ملتونو ځانګړی استازی نیکولاس هایسم:
“زمونږ ټینګار دا دی چې په افغانستان کې د جګړې شدت باید ملکي تلفات زیات نه کړي. مونږ تل د جګړې له ښکېلو لورو غوښتي چې د ملکي تلفاتو د مخنیوي لپاره جدي هڅې وکړي او ځانګړي تدابیر تر لاس لاندې ونیسي.“
په ۲۰۱۴ کال کې د ملکي تلفاتو د زیاتوالي عمده عوامل ځمکنۍ جګړې، له چاودیدونکو توکو استفاده او په ګڼ میشتو سیمو کې ځانمرګي بریدونه بلل شوي دي.
د دغه راپور په بنسټ په ۲۰۱۴ کال کې په هلمند، فاریاب او کنړ ولایتونو کې زیات ملکیان وژل شوي او ټپیان شوي دي.
ملګرو ملتونو د ملکي تلفاتو د دوه اویا سلنه برخې مسول وسلوال مخالفین، د دولس سلنې افغان ځواکونه او د دوو سلنې بهرني ځواکونه یاد کړي دي.
د ملکي تلفاتو لس سلنه برخه د افغان ځواکونواو وسلوالو مخالفینو تر منځ د ځمکنیو جګړو له امله اوښتې، د تلفاتو یو فیصد برخه د دیورند کرښې له هغې غاړې نه د توغندیزو بریدونو په پایله کې را ولاړه شوې ده؛ خو د تلفاتو د درې سلنې برخې عامل نه دی روښانه شوی.
په افغانستان کې د یوناما د بشر د حقونو رییسهجورجیت گنیان:
“کوم تاوتریخوالی چې د وسلوالو نښتو له امله و، بدې ټولنیزې او اقتصادي اغېزې یې درلودې.کومو ښځو چې په بریدونو کې یې خپل میړونه له لاسه ورکړي، اړ شوې چې خپل ماشومان ښونځیو ته له ورتګ را وګرځوي، هغوي یې کار ته اړ کړي او حتی په کم عمر کې یې خپلې لوڼې واده کولو ته اړ کړي دي. نو اړتیا ده چې د جګړې ښکېلې خواوې یو ځل بیا د ملکیانو د ساتنې لپاره خپلې ژمنې عملي کړي.“
په دغه راپور کې د وسلوالو دا کړنه چې ملکيان په قصدي توګه په نښه کوي، جنګي جنایت بلل شوی او له وسلوالو مخالفینو غوښتل شوي چې د استوګنې په سیمو کې له جګړو او د چاودیدونکو توکو له ځای پر ځای کولو لاس واخلي. ملګري ملتونه له افغان دولت هم غواړي چې د ملکي تلفاتو د کمولو لپاره ټولې وسلوالې ډلې او ملیشې بې وسلې کړي.
تازه خبرونه
په سمنګان ولايت کې د يوې ترافيکي پېښې له کبله ۲۹ کسانو ته مرګ او ژوبله اوښتې
د سمنګان ولایت د امنيه قومندانۍ مطبوعاتي دفتر ويلي؛ د دغه ولايت په دره صوف ولسوالۍ کې د يوې ترافيکي پېښې له کبله ۵ کسان مړه شوي او ٢٤ نور ټپيان دي.
د سمنګان امنيه قومندانۍ زياته کړې؛ دا پېښه نن – پنجشنبه د غویی دیارلسمه) له غرمې مخکې يوولس بجې هغه مهال رامنځته شوه، چې یو اینو ډوله موټر د بلخ او دره صوف ولسوالۍ ترمنځ له سرک واوښت.
د دغې سرچنې د څرګندونو له مخې؛ ټپيان د دره صوف ولسوالۍ روغتون ته لېږدول شوي.
دغه راز څرګندوي؛ د درې ټپیانو روغتيايي حالت د اندېښنې وړ دى، چې د بلخ حوزوي روغتون ته لېږدول شوي دي.
د دغې پېښې لامل د موټر تخنیکي ستونزې یادې شوې دي.
تازه خبرونه
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
په افغانستان کې د ملګرو ملتونو مرستندویه پلاوي دفتر د “افغانستان د بشري حقونو وضعیت” تر سرلیک لاندې په خپل درې میاشتني راپور کې د ښځو او نجونو، د رسنیو د ازادۍ، خپلسري نیولو، د جسمي مجازاتو او اعدام په اړه اندېښنه څرګنده کړې ده.
یوناما د پنجشنبې پر ورځ – د غویی دیارلسمه – په افغانستان کې د بشري حقونو د وضعیت په اړه د ملګرو ملتونو د امنیت شورا پر سپارښتنه یو راپور خپور کړ، چې په د دغو بریدونو له کبله تر ډېره شیعه افغانان له مرګ او ژوبلې سره مخ شوي دي.
د یوناما په راپور کې راغلي، چې د روان کال له جنورۍ څخه تر مارچ پورې په افغانستان کې د داعش د بریدونو له کبله لږ تر لږه ۳۶ کسان وژل شوي او ۱۱۸ نور ټپیان دي.
د دغه راپور له مخې؛ د جنورۍ له شپږمې څخه تر یوولسمې پورې په کابل ښار کې د لاسي بمونو درې چاودنو لږ تر لږه ۷۹ ملکي وګړو ته مر او ژوبله اړولې ده.
د یوناما د څرګدونو له مخې؛ د جنورۍ پر شپږمه د کابل د دشتبرچي سیمې په یوه مسافر وړونکي بس کې د ماین د چاودنې له کبله پېنځه ملکي وګړي ووژل شول او شل نور ټپیان دي.
دغه راز د جنورۍ پر نهمه د کابل په الوخېل سیمه کې د افغانستان د محبسونو ریاست د کارکوونکیو پر موټر د ځای پر ځای شوي ماین د چاودنې له کبله ۳ تنه وژل شوي او ۱۳ نور پیان شول.
په دې راپور کې راغلي؛ د جنورۍ پر یوولسمه هم د کابل د دشتبرچي اړوند په یوه سوداګریز مارکیټ کې د چاودنې له کبله، چې بڼه یې تر اوسه معلومه نده درې کسان وژل شوي او ۳۵ نور ټپیان دي.
راپور د هم څرګندوي، چې د دغو بریدونو په قربانیانو کې د نرینهوو په ګډون ښځې او ماشومان هم شته.
د یوناما د موندنو له مخې؛ په کندهار کې د کابل بانک د دفتر مخې ته په برید کې ۲۵ کسان ووژل شول او ۵۰ نور ټپیان دي. دا برید د مارچ پر یوویشتمه رامنځته شوی، چې د دې برید پړه هم داعش منلې ده.
باید وویل شي، چې له مارچ راوروسته کابل او هرات د داعش د بریدونو شاهدان ول.
دغه راز په یوه تازه پېښه کې د دوشنبې پر ورځ – د غویی لسمه د داعش وسلهوالو د هرات ګذرې ولسوالۍ د شیعهګانو د جومات پر لمونځ کوونکیو برید وکړ، چې د ښځو او ماشومانو په ګډون یې شپږ کسن ووژل او یو بل ټپي شو.
په دغه راپور کې یوناما د ښځو او نجونو، د رسنیو د ازادۍ د وضعیت او په خپل سر نیول او توقیف، د جسمي مجازاتو او اعدام په اړه اندېښنه ښودلې او ویلي یې دي، چې د بښنې له اعلان سره – سره؛ د افغان حکومت د پخوانیو کارکوونکیو پر وړاندې ګواښونه روان دي. د یوناما د دغه راپور په یوه بله برخه کې راغلي چې د مارچ په اتلسمه په خوست ولایت کې د پاکستان په هوايي بریدونو کې یو کس وژل شوی او دوه نور ټپیان دي او دغه راز په پکتیکا ولایت کې اووه ملکي وګړي وژل شوي دي.
اسلامي امارت دغه راپور بې بنسټه بولي او څرګندوي، چې د یوناما راپورونه تکراري، له پروپاګند څخه ډک او له اسنادو پرته دي؛ځکه، چې په هېواد کې د ښځو او نرینهوو حقونه خوندي دي.
د اسلامي امارت ویاند ذبیح الله مجاهد زیاته کړې، چې رسنۍ د هېواد د قوانینو او ملي ارزښتونو په نظر کې نیولو سره فعالیت کوي او د پخوانیو دولتي کارکوونکیو پر وړاندې هیڅ ډول ګواښ نشته.
د ملګرو ملتونو د بشري حقونو شورا په افغانستان کې د بشري حقونو وضعیت کړکېچن بللی او په هېواد کې یې د بشري حقونو په ځانګړي توګه د ښځو د حقونو د خوندیتوب غوښتنه کړې، چې اسلامي امارت یې بې بنسټه بولي.
د داعش د بریدونو د قربانیانو دغه شمېر په داسې حال کې وړاندې کیږي، چې اسلامي امارت په افغانستان کې د داعش ډلې فزیکي شتون رد کړی او څرګندوي، چې دغه ډله ځپل شوې ده.
تازه خبرونه
د دفاع وزارت چارسمبالي د آذربایجان له سفیر سره وکتل
د ملي دفاع وزارت چارسمبالي محمد یعقوب مجاهد د چارشنبې پر ورځ د غویی پر دولسمه په کابل کې د آذربایجان سفارت له چارسمبالي سره د کتنې پرمهال ویلي؛ د سفارت بیا پرانستل د دواړو هېوادونو ترمنځ د اړیکو د ټینګښت لپاره یو مثبت ګام دی.
د ملي دفاع وزارت په خبرپاڼه کې راغلي، چې محمد یعقوب مجاهد ویلي: د دوه مسلمانو هېوادونو ترمنځ دوستي او مشترکات ډېر د ویاړ خبره ده.
محمد یعقوب مجاهد په کابل کې د آذربایجان د سفارت بیا پرانستل یو مثبت ګام یاد کړ او څرګندوي: د دې اوږدمهاله اړیکو د ټینګښت لپاره مونږ غواړو، چې په اقتصادي، سوداګریزو او نورو برخو کې همکارۍ ژر تر ژره پیل کړو.
د آذربایجان سفیر الهام محمدوف هم ویلي؛ مونږ چمتو یو، چې د اسلامي امارت او د دغه هېواد له خلکو سره د اړیکو د ټینګښت په برخه کې همکارۍ پراخې کړو.
-
سیمه ییز خبرونه3 days ago
په هر حال پر رفح برید شونی دی – نتانیاهو
-
تازه خبرونه3 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی3 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
تازه خبرونه5 days ago
تېر کال د ۳۵ میلیون ډالرو پر ارزښت پراختیايي او بشري پروژې ترسره شوي
-
لوبی5 days ago
اټک انرژي او موج ساحل د دوشنبې د ورځې لوبې وګټلې
-
روغتيا5 days ago
د عامې روغتیا وزارت نن په ټول هېواد کې د ګوزڼ واکسین کمپاین پیل کړ
-
تازه خبرونه4 days ago
روسیې پر اوکراین د شمالي کوریا توغندي توغولي
-
لوبی4 days ago
خراسان فاریاب میوند لوبډلې ته ۳ـ۱ ماته ورکړه