تازه خبرونه
په تېر یوه کال کې د ملي اردو له لیکو 5600 کسانو زیات تښتیدلي دي
د افغانستان د بیارغونې لپاره د امریکا ځانگړی مفتش (سیگار) وایي، په تېر یوه کال کې د ملي اردو له لیکو څه باندې پنځلس زره کسان تښتیدلي دي.
دغې ادارې په یوه راپور کې ویلي،د دوه زره دیارلسم کال له سپتمبر څخه د دوه زره څوارلسم کال تر سپتمبر پورې د افغان ملي پوځ څه دپاسه دیارلس سوه منسوبین په وسله والو نښتو کې وژل شوي دي.
په وروستیو کې سیګر په یوه راپور کې لیکلي چې د امریکا متحده ایالتونو تر اوسه د افغان ملي اردو په زدکړو، تجهیز او تمویل څلوردیرش اعشاریه اته میلیارد ډالر لګولي دي. ملي اردو له وسلوالو مخالفینو سره جګړه کې تر ټولو دروند پیټۍ په غاړه وړي.
د دغه راپور په یوې برخه کې لیکل شوي:
د ۲۰۱۳ کال له سپتمبر نه د ۲۰۱۴ کال تر سپتمبر پورې شاوخوا څلویښت زره نومونه د ملي اردو له تشکیلاتو حذف شوي. په تېر یوه کال کې د ملي اردو له لیکو له پنځلس زرو شپږ سوو کسانو زیات تښتیدلي دي، چې د اردو د ټولو تشکیلاتو اته اعشاریه پنځه سلنه جوړوي.
سیګر د ملي اردو په شمېر کې د کره احصایې نه شتون بله ستونزه بولي چې د افغان امنیتي ځواکونو تمویل او تجهیز یې له ننګونو سره مخامخ کړی دی.
افغان سیاسي کارپوهان باوري دي چې د انګیزې نه شتون، فساد او د امنیتي ځواکونو په لیکو کې ناوړه تبلیغات د دې سبب شوي چې افغان ځواکونه د جګړې له کرښو پښې سپکې کړي.
نړیوالو ځواکونو دا مهال د هېواد په بیلابیلو سیمو کې افغان ځواکونو ته له اتو سوو زیات پوځي مرکزونه افغان ځواکونو ته سپارلي دي، خو امریکا او ناټو ټینګار کړی چې د افغان ځواکونو ملاتړ ته به دوام ورکوي.
تازه خبرونه
څار: د ملګرو ملتونو لهخوا د افغانستان د بشري حقونو د ملي راپور منل
تازه خبرونه
مولوي عبدالکبیر د کازان نړیوالې ناستې ته وبلل شو
په کابل کې د روسیې سفیر د ریاست الوزراء سیاسي مرستیال مولوي عبدالکبیر ته په هغه نړیواله غونډه کې د ګډون بلنه ورکړه، چې د دغه هېواد د تاتارستان په کازان ښار کې جوړېږي.
د ارګ د څرګندونو له مخې نن یکشنبه په کابل کې د ریاست الوزراء سیاسي مرستیال مولوي عبدالکبیر د روسیې سفارت له چارسمبالي سره په لیدنه کې پر همکاریو، تعامل او اقتصادي پیاوړتیا ټینګار څرګند کړ.
مولوي عبدالکبیر نوموړي ته د ښه راغلاست تر څنګ له بلنې مننه کړې او څرګندوي، چې له مسکو سره د کابل اړیکې د دواړو خواوو په ګټه دي او کولی شي په سیمه کې د ثبات او پرمختګ سبب شي.
ارګ د روسیې سفارت د چارسمبالي دیمتري ژیرنوف د څرګندونو له مخې ویلي، چې د اسلامي امارت او روسیې د دوه اړخیزو همکاريو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
په دې ناسته کې دیمیتري ژیرنوف زیاته کړې، چې روسیه په بېلابېلو برخو کې له افغانستان سره همکارۍ ته چمتو ده او غواړي د دواړو لورو تر منځ اړیکې نورې هم وغوړېږي.
نوموړي د افغانستان په اړه په نړیوالو ناستو کې د روسیې پر مثبت نظر د ټینګار ترڅنګ زیاته کړې، چې مسکو په مهمو ناستو کې د اسلامي امارت نظر ته ارزښت ورکوي.
ویل کیږي، چې، مولوي عبدالکبیر د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل، چې په افغانستان کې پانګونه وکړي.
تازه خبرونه
په غور کې د سېلابونو له کبله سلګونه خلک بې ځایه شول
د غور ولايت د مهاجرينو چارو رياست ويلي؛ په دې ولايت کې د سې شنبې پر ورځ (د غویي پېنځلسمه) د سېلابونو له کبله يو تن مړ، دوه ټپيان او له ۵۰۰ ډېرې کورنۍ بې ځايه شوې دي.
دغه رياست زياته کړې، چې د غور په مرغاب او چارصده ولسواليو کې د سېلابونو له کبله د مرغاب ولسوالۍ له لس ډېر کلي او د چارصدې ولسوالۍ شپږ کلي زيانمن شوي دي.
د دغه ریاست د څرګندونو له مخې؛ ۵۵ دوکانونه، ۱۰ د استوګنې کورونه ویجاړ شوي او د دواړو ولسوالیو ترمنځ لارې هم تړل شوې دي.
د غور ولايت د مهاجرينو چارو رييس ميراحمد مصمیم ويلي، چې له خپلو اصلي ځايونو څخه کورنۍ د غرونو د لمنو په آزاده فضا کې ژوند کوي او بېړنیو او لومړنيو مرستو ته اړتيا لري.
د میر احمد مصمیم د څرګندونو له مخې؛ شونې ده، چې ځاني او مالي زیانونه نور هم ډېر شي.
-
سیمه ییز خبرونه5 days ago
په هر حال پر رفح برید شونی دی – نتانیاهو
-
تازه خبرونه5 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی5 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ5 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه22 hours ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه13 hours ago
په غور کې د سېلابونو له کبله سلګونه خلک بې ځایه شول