تازه خبرونه
داعش او امریکا په گډه د افغانانو وژنه پیل کړې ده – ولسي جرګه
د ولسي جرګې یو شمیر غړي وايي؛ داعش د امریکا په ملاتړ د افغانانو وژنه پیل کړې ده.
دوی همدا رنګ له امریکا سره د امنیتي تړون د فسخ کولو غوښتنه وکړه.
د ولسي جرګې یو شمیر غړي په افغان دولت هم تور لګوي چې له داعش سره یې معامله کړې او ترهګرې ډلې په الوتکو کې د افغانستان شمالي ولایتونو ته لیږدوي.
ولسي جرګې پریکړه وکړه چې په نږدې راتلونکې کې به د ملي امنیت سلاکار او نور امنیتي مسولین په دې هکله استجواب کړي.
له داعش سره د امریکا د ملاتړ او د افغانستان د ملي امنیت د شورا له خوا د داعش له کورنیو سره د مالي مرستې د ګنګوسو او رپوټونو له خپریدو وروسته په ولسي جرګه کې له امریکا سره د امنیتي تړون د فسخ کولو غږ اوچت شو.
د ولسي جرګې غړي وايي چې تر بل هر وخت اوس په افغانستان کې د جګړې اور تازه شوی او امریکا د افغانستان د امنیت په ټینګښت کې بې پروايي کوي.
د ولسي جرګې غړی عبیدالله بارکزی:
“نن دي زموږ هغه معنوي پلار اوباما راشي او موږ دې د داعش له عذابه خلاص کړي، د خدای له قهره دې موږ خلاص کړي، د پاکستان له غلطې پالیسۍ او دوستۍ څخه دې موږ خلاص کړي. راشئ چې یو باجراته قدم واخلو، په خدای توکل وکړو او د خدای په قران ځان وسپارو او دغه کفار له دا ملکه وباسو او دغه تړون مات کړو.”
د ولسي جرګېغړی اقبال صافیاو یو شمېر نور په حکومت تور لګوي چې وسلوالو طالبانو ته پیسې، وسلې او مهمات ورکوي او د افغانستان شمال ته يې په هلیکوپترو کې لیږدوي.
د ولسي جرګې ريیس عبدالرووف ابراهیمي هم وویل چې په دې اړه به امنیتي مسولین او د ملی امنیت مشاور استجواب کړي او که ځوابونه یې د قناعت وړ نه و، نو په اړه به یې پرېکړه شي.
د ولسي جرګې غړو بهر هیوادونو ته د افغان ولسمشر سفرونه هم عجولانه بولي او په افغانستان کې یې د داعش د فعالیتونو په خوریدو اندېښنه وښوده.
په افغانستان کې د جګړې د بل شوي اور په وروستیو لمبو کې په ننګرهار کې یو سلو پنځوسو ملکې وګړو ته مرګ ژوبله واوښته.
تازه خبرونه
څار: د ملګرو ملتونو لهخوا د افغانستان د بشري حقونو د ملي راپور منل
تازه خبرونه
مولوي عبدالکبیر د کازان نړیوالې ناستې ته وبلل شو
په کابل کې د روسیې سفیر د ریاست الوزراء سیاسي مرستیال مولوي عبدالکبیر ته په هغه نړیواله غونډه کې د ګډون بلنه ورکړه، چې د دغه هېواد د تاتارستان په کازان ښار کې جوړېږي.
د ارګ د څرګندونو له مخې نن یکشنبه په کابل کې د ریاست الوزراء سیاسي مرستیال مولوي عبدالکبیر د روسیې سفارت له چارسمبالي سره په لیدنه کې پر همکاریو، تعامل او اقتصادي پیاوړتیا ټینګار څرګند کړ.
مولوي عبدالکبیر نوموړي ته د ښه راغلاست تر څنګ له بلنې مننه کړې او څرګندوي، چې له مسکو سره د کابل اړیکې د دواړو خواوو په ګټه دي او کولی شي په سیمه کې د ثبات او پرمختګ سبب شي.
ارګ د روسیې سفارت د چارسمبالي دیمتري ژیرنوف د څرګندونو له مخې ویلي، چې د اسلامي امارت او روسیې د دوه اړخیزو همکاريو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
په دې ناسته کې دیمیتري ژیرنوف زیاته کړې، چې روسیه په بېلابېلو برخو کې له افغانستان سره همکارۍ ته چمتو ده او غواړي د دواړو لورو تر منځ اړیکې نورې هم وغوړېږي.
نوموړي د افغانستان په اړه په نړیوالو ناستو کې د روسیې پر مثبت نظر د ټینګار ترڅنګ زیاته کړې، چې مسکو په مهمو ناستو کې د اسلامي امارت نظر ته ارزښت ورکوي.
ویل کیږي، چې، مولوي عبدالکبیر د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل، چې په افغانستان کې پانګونه وکړي.
تازه خبرونه
په غور کې د سېلابونو له کبله سلګونه خلک بې ځایه شول
د غور ولايت د مهاجرينو چارو رياست ويلي؛ په دې ولايت کې د سې شنبې پر ورځ (د غویي پېنځلسمه) د سېلابونو له کبله يو تن مړ، دوه ټپيان او له ۵۰۰ ډېرې کورنۍ بې ځايه شوې دي.
دغه رياست زياته کړې، چې د غور په مرغاب او چارصده ولسواليو کې د سېلابونو له کبله د مرغاب ولسوالۍ له لس ډېر کلي او د چارصدې ولسوالۍ شپږ کلي زيانمن شوي دي.
د دغه ریاست د څرګندونو له مخې؛ ۵۵ دوکانونه، ۱۰ د استوګنې کورونه ویجاړ شوي او د دواړو ولسوالیو ترمنځ لارې هم تړل شوې دي.
د غور ولايت د مهاجرينو چارو رييس ميراحمد مصمیم ويلي، چې له خپلو اصلي ځايونو څخه کورنۍ د غرونو د لمنو په آزاده فضا کې ژوند کوي او بېړنیو او لومړنيو مرستو ته اړتيا لري.
د میر احمد مصمیم د څرګندونو له مخې؛ شونې ده، چې ځاني او مالي زیانونه نور هم ډېر شي.
-
سیمه ییز خبرونه5 days ago
په هر حال پر رفح برید شونی دی – نتانیاهو
-
تازه خبرونه5 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی5 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ5 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه21 hours ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه13 hours ago
په غور کې د سېلابونو له کبله سلګونه خلک بې ځایه شول