تازه خبرونه
پنځه تنه خوشې شوي طالب چارواکي به یو کال نور هم په قطر کې وي
د افغانستان د بهرنیو چارو وزارت مسولین وایي په قطر کې د پنځو طالب چارواکو د پاتې کیدو وخت یو کال نور هم وغزید.
د بهرنیو چارو وزارت ویاند شکیب مستغني په وینا امریکايي چارواکي له قطري چارواکو سره په دې سلا شوي چې له ګوانتانامو څخه خوشي شوي پنځه طالب چارواکي د یو بل کال لپاره هم په دغه هیواد کې پاتې شي.
له بلې خوا د مشرانو جرګې یو شمیر غړي اندښنه لري او وايي که دغه طالب چارواکي بشپړ آزاد شي، د افغان امنیت ته خطر پیښولی شي.
د طالبانو په لاس د یرغمل شوي امریکايي سرتیري باو بریګډال د خوشي کیدو په بدل کې یو کال وړاندې له ګوانتانامو زندان څخه پنځه طالب چارواکي خوشي شول او قطر ته انتقال شول. امریکا او قطر په دې سره شلا شوي دي چې دغه طالب چارواکي دي د یو بل کال لپاره هم قطر کې و اوسیږي.
دلته په افغانستان کې د مشرانو جرګې ځیني غړي اندېښمن دي او وايي که دغه طالبان په بشپړه توګه ازاد شي، د افغانستان امنیت ته خطر پيښولی شي.
د مشرانو جرګې رییس فضل الهادي مسلمیار:
” افغان حکومت باید د دغو کسانو د خوشې کېدو په اړه اندیښمن و اوسي؛ ځکه دا هغه مهم کسان دي چې د یوه امریکایي په بدل کې آزاد شوي. دا د افغان حکومت دنده ده چې دغه کسان افغانستان ته راولي او که څوک پرې عارض وي جزا دې وویني او له هغه پرته دې دلته د یوه عادي افغان په توګه ژوند وکړي.“
د مشرانو جرګې غړی نثار حارث:
” دا چي دغه کسان د طالبانو د حکومت پر مهال ډیر مهم کسان ول، نو که افغانستان ته راشي، په دې اړه اندیښنې موجودي چې یوځل بیا به افغانانو ته ستونزې جوړې کړي.“
تر اوسه د سولې په هکله عملي هڅو او د سیاسي الفاظو بدلولو طالبان سولې راضی نه کړل.
طالبان لاهم جنګیږي او د افغانستان په زیاترو سیمو کې جګړه روانه ده.
تازه خبرونه
د تېرو ۴ ورځو بارانونو له کبله ۸ کسان مړه شوي
د طبیعي پېښو پر وړاندې د مبارزې وزارت ویاند ملا جانان سایق ويلي؛ په تېرو ۴ ورځو کې د بارانونو او سېلابونو له کبله ۸ کسان مړه شوي، درې ټپیان دي او شل هکتاره کرنیزه ځمکه ویجاړه شوې ده.
ملا جانان سایق دا هم ویلي، چې په هېواد کې د وروستیو اورښتونو له کبله ۱۴۰ کورونه بشپړ او یا څه ناڅه ویجاړ شوي او ۲۰ کیلومټره سړکونه سیلابونو وړي دي.
د نوموړي د څرګندونو له مخې؛ ٣٠ څاروي هم له منځه تللي دي.
د طبیعي پېښو پر وړاندې د مبارزې وزارت ویاند زیاته کړې: له نېکهمرغه وروستیو اورښتونو په هېواد کې د اوبو کچه لوړه کړې، د ځمکې لاندې اوبه راپورته شوي او کروندګر خوښ دي.
ویل کیږي، چې د طبیعي پېښو پر وړاندې د دولت وزارت په ولايتونو کې خپلو ټولو رياستونو ته سپارښتنه کړې، چې د پېښې قربانيانو ته د لاسرسي لپاره له خپلو ټولو امکاناتو کار واخلي.
تازه خبرونه
د بغلان ولایت د غوري سمنټو تولید زیات شوی
د بغلان ولایت د غوري سمنټو شرکت چارواکو ويلي، چې په ۱۴۰۲ لمریز لېږدیز کال ۱۵۰ زره ټنه غوري سمنټ تولید شوي او هڅه کوي، چې سږ کال یې د تولید کچه ۱۸۰ زره ټنو ته ورسوي.
په بغلان ولايت کې د غوري سمنټو شرکت د چارواکو د څرګندونو له مخې؛ په دې شرکت کې د سمنټو توليد زيات شوى دى.
د بغلان غوري سمنټو د شرکت مالي او اداري مرستیال عبدالوکیل قیومي ویلي؛ تېر کال مو ۱۵۰ زره ټنه سمنټ تولید او بازار ته وړاندې کړل. له نېکه مرغه په ۱۴۰۲ لمریز لېږدیز کال کې مونږ له ۲۰۰ میلیون افغانیو څخه زیاتې پیسې درلودې.
د بغلان د غوري سمنټو شرکت د بسته بندۍ څانګې مدیر محمد طاهر د تولیدي وړتیاوو لوړولو لپاره هڅې روانې دي، چې له لوړېدو سره به یې هره ورځ ۱۰۰۰ بورۍ سمنټ تولید شي.
محمد طاهر وایي: اوسمهال، زمونږ څلور داشونه فعال دي او په څلیریشت ساعتونو کې نږدې له ۱۰۰۰ څخه تر ۱۲۰۰ ټنو سیمنټ تولیدوو او ۷۵۰ کسانو ته د کار زمینه برابره شوې ده.
د دې شرکت کارکوونکی حکیم وایي؛ له پانګوالو غواړو، چې په هېواد کې پانګونه وکړي او ځوانانو ته د کار زمینه برابره کړي.
د بغلان غوري سمنټو شرکت يوه بلف کارکوونکي محمد يوسف ويلي: بايد په هېواد کې څو نورې کارخونې جوړې شي، چې د سمنټو واردات لږ شي او له خپلو توليداتو ګټه واخلو.
د بغلان ولایت د غوري سمنټو شرکت شاوخوا ۴۰ کاله مخکې جوړ شوی او په افغانستان کې د سمنټو د تولید له سترو شرکتونو څخه شمېرل کیږي، چې د مدیریت چارې یې د ملي پرمختیايي شرکت لهخوا ترسره کیږي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
تازه خبرونه18 hours ago
د بغلان ولایت د غوري سمنټو تولید زیات شوی
-
سیمه ییز خبرونه1 day ago
په عراق کې به همجنسبازان پر۱۵ کاله بند شي –پارلمان
-
تازه خبرونه1 day ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی1 day ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل
-
تازه خبرونه1 day ago
له پاکستان څخه دې د افغان کډوالو د جبري ایستلو چټکتیا راکمه شي