تازه خبرونه
د ښار جوړولو وزارت د فساد پیښه باید هر اړخیزه وڅیړل شي
لویه څارنوالۍ باید هغه جګپوړي او ټیټ پوړي مامورین هم معلوم کړي چې د ښار جوړولو وزارت په پراخ مالي فساد کې ښکېل دي.
له اداري فساد سره د مبارزې د څارنې او ارزونې ګډې خپلواکې ادارې په دې ټکې د ټینګار تر څنګ ویلي چې د فساد په دا ډول سترو قضیو کې د قضا په کړنو کې د قانون خلاف لاسوهنې کیږي او لویه څارنوالۍ باید دې برخه کې خپل استقلالیت وساتي.
د ښارجوړولو وزارت د شپږو جګپوړو مامورینو د فساد دوسیه هم له اداري فساد سره د مبارزې د څارنې او ارزونې د ګډې خپلواکې ادارې له خوا څارل کیږي.
په داسې حال کې چې د ښار جوړولو وزارت د شپږو جګپوړو مامورینو د فساد دوسیه د لویې څارنوالۍ له خوا تر څیړنې لاندې ده، خو داسې اندیښنې موجودې دي چې ښایی د لویې څارنوالۍ په کړنو کې لاسوهنې وشي.
له اداري فساد سره د مبارزې د څارنې او ارزونې ګډې خپلواکې ادارې مسول حمید الله توابویلي، د ښار جوړولو وزارت قضیه باید هر اړخیزه، رڼه او په خپلواک ډول د لویې څارنوالۍ له خوا وروستۍ شي.
.
بلخوا د افغانستان د روڼتیا د څار بنسټ د عامه اړیکو مسول میرویس ناصري دا پریکړه ستایی چې د ښار جوړولو په وزارت کې د ستر مالي فساد د قضیې د تعقیب په اړه شوې ده. دا بنسټ وایی، دا قضیه به دوی هم وڅاري.
اداري فساد له ناامنیو وروسته د افغان حکومت دوهم لوی سرخوږی دی، او ویل کیږي چې حکومت هر کال د اداري فساد له کبله له یو میلیارد ډالر زیاتې پیسې له لاسه ورکوي.
اوس به ولیدل شي چې د ملي یووالي حکومت به تر کومه بریده وکړی شي د دې پدیدې په وړاندې مباررزه وکړي.
تازه خبرونه
څار: د ملګرو ملتونو لهخوا د افغانستان د بشري حقونو د ملي راپور منل
تازه خبرونه
مولوي عبدالکبیر د کازان نړیوالې ناستې ته وبلل شو
په کابل کې د روسیې سفیر د ریاست الوزراء سیاسي مرستیال مولوي عبدالکبیر ته په هغه نړیواله غونډه کې د ګډون بلنه ورکړه، چې د دغه هېواد د تاتارستان په کازان ښار کې جوړېږي.
د ارګ د څرګندونو له مخې نن یکشنبه په کابل کې د ریاست الوزراء سیاسي مرستیال مولوي عبدالکبیر د روسیې سفارت له چارسمبالي سره په لیدنه کې پر همکاریو، تعامل او اقتصادي پیاوړتیا ټینګار څرګند کړ.
مولوي عبدالکبیر نوموړي ته د ښه راغلاست تر څنګ له بلنې مننه کړې او څرګندوي، چې له مسکو سره د کابل اړیکې د دواړو خواوو په ګټه دي او کولی شي په سیمه کې د ثبات او پرمختګ سبب شي.
ارګ د روسیې سفارت د چارسمبالي دیمتري ژیرنوف د څرګندونو له مخې ویلي، چې د اسلامي امارت او روسیې د دوه اړخیزو همکاريو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
په دې ناسته کې دیمیتري ژیرنوف زیاته کړې، چې روسیه په بېلابېلو برخو کې له افغانستان سره همکارۍ ته چمتو ده او غواړي د دواړو لورو تر منځ اړیکې نورې هم وغوړېږي.
نوموړي د افغانستان په اړه په نړیوالو ناستو کې د روسیې پر مثبت نظر د ټینګار ترڅنګ زیاته کړې، چې مسکو په مهمو ناستو کې د اسلامي امارت نظر ته ارزښت ورکوي.
ویل کیږي، چې، مولوي عبدالکبیر د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل، چې په افغانستان کې پانګونه وکړي.
تازه خبرونه
په غور کې د سېلابونو له کبله سلګونه خلک بې ځایه شول
د غور ولايت د مهاجرينو چارو رياست ويلي؛ په دې ولايت کې د سې شنبې پر ورځ (د غویي پېنځلسمه) د سېلابونو له کبله يو تن مړ، دوه ټپيان او له ۵۰۰ ډېرې کورنۍ بې ځايه شوې دي.
دغه رياست زياته کړې، چې د غور په مرغاب او چارصده ولسواليو کې د سېلابونو له کبله د مرغاب ولسوالۍ له لس ډېر کلي او د چارصدې ولسوالۍ شپږ کلي زيانمن شوي دي.
د دغه ریاست د څرګندونو له مخې؛ ۵۵ دوکانونه، ۱۰ د استوګنې کورونه ویجاړ شوي او د دواړو ولسوالیو ترمنځ لارې هم تړل شوې دي.
د غور ولايت د مهاجرينو چارو رييس ميراحمد مصمیم ويلي، چې له خپلو اصلي ځايونو څخه کورنۍ د غرونو د لمنو په آزاده فضا کې ژوند کوي او بېړنیو او لومړنيو مرستو ته اړتيا لري.
د میر احمد مصمیم د څرګندونو له مخې؛ شونې ده، چې ځاني او مالي زیانونه نور هم ډېر شي.
-
سیمه ییز خبرونه5 days ago
په هر حال پر رفح برید شونی دی – نتانیاهو
-
تازه خبرونه5 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی5 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ5 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی4 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه22 hours ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه14 hours ago
په غور کې د سېلابونو له کبله سلګونه خلک بې ځایه شول