تازه خبرونه
چین دې د افغانستان د سولې او ثبات او اقتصادي پیاوړتیا له پاره ډاډمنې هڅې وکړي- کري
امریکا له چین څخه وغوښتل، چې د سیمې په ځانگړي توگه د افغانستان د سولې او ثبات او اقتصادي پیاوړتیا ډاډمنې هڅې تر سره کړي.
د امریکا د بهرنیو چارو وزیر جان کري دا غوښتنه د امریکا، چین او افغانستان په درې اړخیزه ناسته کې بینجینگ ته وړاندې کړه.
د چین د بهرنیو چارو وزیر په دې ناسته کې د همکارۍ ژمنه وکړه او ډاډ یې څرگند کړ، چې د افغانستان د امنیت او پرمختگ له پاره به له نړیوالې ټولنې سره گډ کار کوي.
دغه راز د افغانستان اجرائیه رییس عبدالله عبدالله وایي، چې د سیمې هېوادونه په ځانگړي توگه پاکستان کولی شي د افغانستان د امنیت له پاره ډاډمنې هڅې تر سره کړي.
دا ځل نړیواله ټولنه په ځانگړي توگه امریکا، چین هڅوي، چې د افغانستان په ثبات او اقتصادي وده کې ځان ورښکېل کړي او ان په دغه برخه کې د رهبرې رول ولوبوي.
په نیویارک کې د چین، افغانستان او امریکا په گډه درې اړخیزه غونډه کې د امریکا د بهرنیو وزیر جان کري ویلي، چې نړیواله ټولنه لاهم له افغانستان سره خپلو همکاریو ته دوام ورکويگ خو ټينگار یې کړی، چې چین کولی شي په دغه برخه کې مخکښ رول ولوبوي.
جان کري وایيگ فکر کوم دا به مناسبه وي، چې ووایم نړۍ ته متوجه شوی گواښ د چین په واسطه له منځه تلای شي. مونږ په ځانگړي توگه چین ته؛ ځکه هرکلی وایو، چې د افغانستان شمالي گاونډ دی.
په دغه غونډه کې د پاکستان د لومړي وزیر د ملي امنیت سلاکار سر تاج عزیز، د ایران د بهرنیو چارو وزیر جواد ظریف هم گډون درلود.
جان کري زیاتوي، اداري فساد او سخت دریځي ډلې اوس هم د افغانستان له پاره گواښ گڼي او له نړیوالې ټولنې غواړي، چې افغانستان ته جدي پام وکړي.
د چين د بهرنیو چارو وزیر وانگ یي وایي، افغانستان د آسیا په زړه کې پروت دی او اوس زمینه برابره ده، چې په دغه هېواد کې ثبات او سوله راشي او اقتصادي پرمختگ گړندی شي. د هغه په باور، جگړو او تاوتریخوالو افغانان سخت کړولي او دوامدارې سولې ته اړتیا لري.
د وانگ یی په وینا؛ مهمه دا ده، چې د افغانستان په اقتصاد او د خلکو په ژوند کې مثبت بدلونونه راشي. شرایط باید داسې برابر شي، چې سوله په کې ټينگه شي. اقتصادي مسایل په ثبات کې مهم رول لري. دا د نړیوالې ټولنې مسوولیت دی، چې له افغانستان سره په سوله ،ثبات او اقتصادي وده کې مهم رول ولوبوي. وسلوال طالبان او افغان حکومت دواړه سوله غواړي، چې باید دغه پروسه چټکه شي. چین له دغه بهیره ملاتړ کوي.
ښاغلي یی پاکستان ته نغوته وکړه او زیاته یې کړه، چې په کار ده د افغانستان او پاکستان اړیکي ښې شي.
د افغانستان اجرائيه رییس داکتر عبدالله عبدالله په نړیواله ټولنه غږ وکړ، چې د افغانستان په اړه رښتوني ديپلوماسي غوره کړي، چې دغه هېواد په سمه خوا روان شي.
ده ټينگار وکړ، چې د سیمې هېوادونه په ځانگړې توگه پاکستان باید د ترهگرۍ او افراطیت مخه ونیسي.
داکتر عبدالله عبدالله وایي؛ زما باور دا دی، چې که افغانان او گاونډ هېوادونه په ځانگړي توگه پاکستان وغواړي په ښه توگه د ترهگرۍ خلاف مبارزه کولی شي. دوی باید له مشروع حکومت څخه ملاتړ وکړي، چې د سخت دریځو لخوا له گواښ سره مخ دی.
ښاغلي عبدالله زیاته کړه، چې د دسمبر میاشتې په وروستیو کې به اسلام اباد د آسیا زړه هیوادونه د کنفرانس کوربه وي او هلته به له گډنوالو وغوښتل شي، چې له تروریزم سره د مبارزې له پاره منظمه تگلاره جوړه کړي.
چین د خپلې اقتصادي وړتیا او په پاکستان د خپل نفوذ له مخې کولی شي، چې په افغانستان کې د سولې او ثبات او اقتصادي ودې په برخه کې مهم رول و لوبوي.
د شریف حسنیار گزارش.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی3 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه4 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی4 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه14 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه15 hours ago
په عراق کې به همجنسبازان پر۱۵ کاله بند شي –پارلمان
-
لوبی12 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل