تازه خبرونه
مشرانو جرگې د قانوني لویې جرگې د جوړیدو غوښتنه وکړه
په هېواد کې د ناامنیو پراختیا، له هېواده د خلکو تیښته، اقتصادی ستونزي او د افغانستان په چارو کې د گاونډ هېوادونو لاسوهنې او د ډاډمن کورني او بهرنی سیاست نه شتون د مشرانو جرگې د غړیو اندېښنی را پارولي دي.
دوي پر حکومت نیوکه کوي، چې موجوده ستونزو ته دې د پای تکي کیدي او عنعنوی لویه جرگه دې راوغواړي.
د مشرانو جرگي غړی شېر محمد اخند زاده وایي، د افغانستان د ولت بیکار دي؛ ولی د لویې جرگې له جوړیدو بد وړي؟ پارلمان غیر قانونی دي؛ نو عنعنوی لویه جرگه دي راوغواړي، چې روان بحران ته د حل لار ولټوي، ځکه هر څومره، چې ځند راشي ستونزي لا زیاتیږي.
سناتورزلمی زابلي وایي، باید پرحکومت فشارونه زیات کړو؛ لویه جرگه دایره او د افغانستان کورنی او بهرنی سیاست روښانه شي، چې د بهرانيو هېوادونو په وړاندی د افغانستان دریځ روښانه وي.
د مشرانو جرگې یو شمېر غړي بیا د قانونی لویې جرگي د دایریدو غوښتونکي دي.
د مشرانو جرگي لومړي مرستیال محمد علم ایزد یار له حکومته غواړي؛ باید د ولسي جرگې او ولسوالیو شوراگانو د ټاکنی تایخ اعلام کړي، چې د لویې جرگي نصاب بشپړوي. د لویې جرگې په اړه باید قانونی عمل وشي، چې د اوسني بحراني وضیعت او د واړو تیمونو د تفاهمنامي په اړه تصمیم ونیسي. لویه جرگه یوه اړتیا ده؛ خو باید، چې د ټاکنو نېټه معلومه شي.
د مشرانو جرګي غړيمحی الدین منصف وایي؛ باید، چې د ټاکنو نېټه په ډاگه کړي . په دي اړه دواړه مشرانو هم تفاهم کړی، جرگه جوړه شي، خو لیدل کیږی، چې دوی تعللل کوي . ))
که څه هم ولسمشري د اساسی قانون لویه جرگې پر جوړیدو ټینگار کوي؛ خو د لویې جرگې د نېټي مشخص کیدل له وخت مخ کې بولي.
د ملي یوالي د حکومت له جوړیدو وروسته دواړو مشرانو هغه تفاهم لیک لاسلیک کړی، چې له مخي یی په دوه کلونو کې د اساسی قانون د تعدیل په موخه لویه جرگه جوړوي.
ویل کیږي، چې په اساسی قانون کې د تعدیل موخه؛ ریاستی نظام پر صدارتی نظام اړول دي او اجرائیه رییس به د لومړي وزیر په توگه دنده پر مخ وړي.
خبریال: عبدالعزیز کریمي.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
تازه خبرونه20 hours ago
ترکمنستان د ټاپي پروژې بشپړولو ته ژمن دی – امانوف
-
سیمه ییز خبرونه21 hours ago
په عراق کې به همجنسبازان پر۱۵ کاله بند شي –پارلمان
-
لوبی18 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل