تازه خبرونه
امريکا: پاکستان د امريکا په وړاندې دوه ګونی چلند کوي
د امریکا د مشرانو جرګې د بهرنیو اړیکو د کمېټې رییس باب کراکر پاکستان د امریکا په وړاندې په دوه ګوني چلند تورن کړ.
باب کراکر وایي چې پاکستان له یوې خوا له واشنګټن سره اړیکې پالي او له بلې خوا له ترهګرو ملاتړ ته دوام ورکوي. په همدې حال کې د امریکا د بهرنیو چارو وزیر وایي چې ځینې ترهګرې ډلې لا هم د پاکستان قبایلي سیمو کې اوسېږي. خو نوموړی وایی چې قبایلي سیمو کې د پاکستاني پوځیانو عملیاتو د حقاني شبکې غړي اړ کړي چې بل ځای ته وتښتي.
له پاکستان سره د امریکا د میلیاردونو ډالرو مرستو ته په پام سره لا هم دغه هېواد د واشنګټن په وړاندې په دوه ګوني چلند او له ترهګرو په ملاتړ تورنېږي. د امریکا د مشرانو جرګې د بهرنیو اړیکو د کمېټې رییس پاکستان له طالبانو، حقاني شبکې او ترهګرو څخه په ملاتړ تورن کړ.
باب کراکرد امریکا د مشرانو جرګې د بهرنیو اړیکو د کمېټې رییس وايي: “پاکستان له طالبانو او حقاني شبکې څخه ملاتړ ته دوام ورکوي چې القاعده ته خوندي پناه ځای ورکړي. پاکستان په څرګنده مکرجن عمل کوي له یوې خوا له امریکا سره دوستانه اړیکې پالي خو له بلې خوا له بنسټ پالو څخه ملاتړ ته دوام ورکوي. د امریکا د مالیه ورکونکو د پیسو ستره برخه وزیرستان ته ځي، خو هغوي لا هم له ترهګرو ملاتړ نه دی درولی.”
په همدې حال کې د امریکا د بهرنیو چارو وزیر امریکایي سناتورانو ته ویلي چې لا هم د پاکستان قبایلي سیمو کې د ترهګرو ډلو ځینې عناصر شته، خو د پاکستاني پوځ عملیاتو حقاني شبکه اړه کړې چې خپل ځای بدل کړي.
د امریکا د بهرنیو چارو وزیر جان کیري وايي، ترجمه: “هغوی حقاني شبکه نورو ځایونو ته شړلې او دا بهیر دوام لري، خو لا هم ځینې ترهګرې ډلې د پاکستان قبایلي سیمو کې حضور لري چې زمونږ کار یې د پام وړ پېچلی کړی دی. مونږ له افغانستان او پاکستان سره د ترهګرۍ په وړاندې مبارزه کې مرسته کوو.”
د امریکا د بهرنیو چارو وزیر په پاکستان باندې د امریکا له خوا د شپږو اېف شپاړس جیټ الوتکو د پلورلو له طرحې دفاعي وکړه.
تازه خبرونه
څار: د افغانستان په اړه پاکستان او قطر ته د امریکایي ډیپلوماټ سفرونه
تازه خبرونه
د سیمې هېوادونه باید په ګډه ثبات او پرمختګ ته زمینه برابره کړي – مولوي عبدالکبیر
د ریاست الوزراء سیاسي مرستیال په کابل کې د قزاقستان د لومړي وزیر له مرستیال سره په کتنه کې ویلي، چې د سیمې هېوادونه باید په ګډه د سترو سیمهییزو پروژو په پلي کولو کې ونډه واخلي.
د ریاست الوزراء سیاسي مرستیالۍ د خبرپاڼې له مخې؛ په دې ناسته کې مولوي عبدالکبیر د قزاقستان پانګوالو ته بلنه ورکړه، چې په افغانستان کې پانګونه وکړي.
نوموړي زیاته کړې؛ اسلامي امارت د افغانستان پولې په بشپړ ډول کنټرول کړي، نشهيي توکي او فساد یې له منځه وړی او خپلواک ملي حاکمیت ټینګ شوی دی.
د قزاقستان د لومړي وزیر د مرستیالۍ د خبرپاڼې له مخې؛ په افغانستان کې د اسلامي امارت له لوري د شویو پرمختګونو قدرداني کړې او څرګندوي، چې هېواد یې له افغانستان سره اوږد مهاله سوداګریزو اړیکو، ټرانزیټ او اوږدمهاله پانګونې ته چمتو دی.
ژومانګارين افغان ځوانانو ته د تحصيلي بورسونو د ورکړې د چمتوالي ترڅنګ زياته کړې، چې افغانستان اوسمهال په سيمه کې د يوه سولهييز هېواد بېلګه ده او له همدې کبله له اسلامي امارت سره په بېلابېلو برخو کې د اړيکو ټينګول غواړي.
د قزاقستان لومړي وزير مرستيال دغه راز د کابل او الماتا ترمنځ د مستقيمو الوتنو د پيل غوښتنه وکړه او څرګندوي، چې هېواد يې له افغان حکومت سره په فرهنګي برخه کې دوه اړخيزو همکاريو ته چمتو دى.
اسلامي امارت په تېرو درې کلونو کې پرلهپسې ټینګار کړی، چې په ټول افغانستان کې د امنیت له رامنځته کیدو سره د سترو اقتصادي پروژو پلي کېدا ته له بل هر وخت ډېره ښه زمینه برابره شوې او اړتیا ده، چې افغانستان د سیمې هېوادونه سره ونښلوي.
تازه خبرونه
له پاکستان څخه دې د افغان کډوالو د جبري ایستلو چټکتیا راکمه شي
د سره صلیب یوه لوړپوړي چارواکي د پاکستان له حکومته غوښتي؛ د افغان مهاجرینو د جبري ایستلو چټکتیا دې راکمه شي، چې ښه لاسرسي ورته شونی شي.
د سره صلیب او سرې میاشتې ټولنې د آسیا او پاسیفیک څانګې مشر الکساندر مټیو په دوحه کې خبریالانو ته ویلي، چې له پاکستان څخه د راستنیدونکیو افغان کډوالو پر وړاندې یوه ننګونه دا هم وه، چې په کابل کې یې د اسلامي امارت له چارواکو سره پرې خبرې کړې دي.
هغه زیاته کړې: تاسې پوهیږئ، چې په وروستیو میاشتو کې له نیم میلیون څخه ډېر خلک له پولې څخه را تېر شوي او شونې ده، چې مونږ به په راتلونکیو میاشتو کې د نويو راستنیدونکیو لوی شمېر وګورو.
د هغه د څرګندونو له مخې؛ دا له ۲۰۱۷ کال وروسته په آسیا کې د میانمار او بنګله دیش تر منځ د وګړو ترټولو لوی حرکت دی.
پاکستان د تېر کال له اکتوبر میاشتې راپدیخوا له ۵۰۰ زره ډېر بې اسناده افغان کډوال جبري راایستلي دي.
مټیو زیاتوي، چې ډېري راستانه شويو کسانو له لسیزو راپدیخوا په پاکستان کې ژوند کړی او له حکومت او نړیوال ملاتړ پرته په افغانستان کې د نوي ژوند پیلولو ته چمتو ندي.
د نوموړي د څرګندونو له مخې؛ د راستنېدونکیو نيمايي برخه ماشومان دي، چې په کې د خوارځواکۍ پېښې هم زياتوالی لري.
-
نړۍ4 days ago
د فلسطین پر رفح ښار اسرائیلي ځواکونو د ځمکنيو بریدونو ګواښ وکړ
-
لوبی4 days ago
اټکانرژۍ لوبډلې په نهمه سیالۍ کې سرخپوشانخوافي ته ۱ـ ۰ ماتې ورکړه
-
سیمه ییز خبرونه5 days ago
د غزې په شمال کې د قحطۍ خطر ډېر دی
-
سیمه ییز خبرونه4 days ago
امریکا دې د بشري حقونو په اړه دوه ګوني سیاست ودروي – ترکیه
-
لوبی5 days ago
ابو مسلم فراه اوومه لوبه له خراسان فاریاب لوبډلې څخه ۶ د صفر پر توپیر وګټله
-
سیمه ییز خبرونه20 hours ago
په عراق کې به همجنسبازان پر۱۵ کاله بند شي –پارلمان
-
تازه خبرونه19 hours ago
ترکمنستان د ټاپي پروژې بشپړولو ته ژمن دی – امانوف
-
لوبی17 hours ago
په افغانستان اتلانو لیګ کې موج ساحل ۲-۱ سرسبز یاشلر او سورخ پوشان ۶ -۰ میوند مات کړل