تازه خبرونه
توتاپ پروژه باید د هېواد له مرکزي سیمو تېره شي- خلیلي
د حزب وحدت اسلامي ګوند مشر او د سولې شورا مرستیال محمد کریم خلیلي خبرداری ورکوي، چې که د توتاپ پروژه د هېواد له مرکزي ولایتونو تېره نه شي، د دغو سیمو خلک به په پراخو اعتراضونو لاس پورې کړي.
له ترکمنستان، ازبکستان او تاجکستان څخه افغانستان او پاکستان ته د پېنځه سوه کیلو وولته برښنا د مزي د انتقال مسیر په دې وروستیو کې ناندرې را ټوکولي دي.
د فیشر نړیوال شرکت د لومړنیو څېړنو له مخې دغه پروژه باید د هېواد له مرکزي سیمو تېره شي؛ خو په وروستیو کې د افغانستان کابینې پرېکړه کړې، چې د دغې پروژې مزی باید د مرکزي ولایتونو پر ځای پر سالنګ تېر شي.
د حزب وحدت اسلامي ګوند مشر او د سولې شورا مرستیال محمد کریم خلیلي وایي؛ ځینې ادارې هڅه کوي، چې فیشنر شرکت د دغې پروژې مسیر بدلولو ته اړ کړي.
نوموړی زیاتوي، که څه هم دغه پروژه د حامد کرزي په حکومت کې تصویب شوې وه؛ خو په اوسني حکومت کې پرې بحث د پوښتنې وړ دی.
د پخواني ولسمشر حامد کرزي دوه یم مرستیال محمد کریم خلیلي زیاتوي، چې د دغې پروژې له پاره مرکزي ولایتونه تر ټولو ښه مسیر دی.
له مرکزي سیمو څخه د برښنا د مزي په انتقال دېرش کیلو وولته بامیان ته رسیږي. که څه هم برښنا شرکت ویلي، چې د دې پرځای بامیان ته درې سوه میګاواته برښنا ورکوي؛ خو دې پرېکړې هم د بامیان د خلکو قناعت نه دی تر لاسه کړی.
تازه خبرونه
څار: د ملګرو ملتونو لهخوا د افغانستان د بشري حقونو د ملي راپور منل
تازه خبرونه
مولوي عبدالکبیر د کازان نړیوالې ناستې ته وبلل شو
په کابل کې د روسیې سفیر د ریاست الوزراء سیاسي مرستیال مولوي عبدالکبیر ته په هغه نړیواله غونډه کې د ګډون بلنه ورکړه، چې د دغه هېواد د تاتارستان په کازان ښار کې جوړېږي.
د ارګ د څرګندونو له مخې نن یکشنبه په کابل کې د ریاست الوزراء سیاسي مرستیال مولوي عبدالکبیر د روسیې سفارت له چارسمبالي سره په لیدنه کې پر همکاریو، تعامل او اقتصادي پیاوړتیا ټینګار څرګند کړ.
مولوي عبدالکبیر نوموړي ته د ښه راغلاست تر څنګ له بلنې مننه کړې او څرګندوي، چې له مسکو سره د کابل اړیکې د دواړو خواوو په ګټه دي او کولی شي په سیمه کې د ثبات او پرمختګ سبب شي.
ارګ د روسیې سفارت د چارسمبالي دیمتري ژیرنوف د څرګندونو له مخې ویلي، چې د اسلامي امارت او روسیې د دوه اړخیزو همکاريو او تعامل پراختیا کولی شي د سیمې د ثبات او د افغانستان له اقتصادي پیاوړتیا سره مرسته وکړي.
په دې ناسته کې دیمیتري ژیرنوف زیاته کړې، چې روسیه په بېلابېلو برخو کې له افغانستان سره همکارۍ ته چمتو ده او غواړي د دواړو لورو تر منځ اړیکې نورې هم وغوړېږي.
نوموړي د افغانستان په اړه په نړیوالو ناستو کې د روسیې پر مثبت نظر د ټینګار ترڅنګ زیاته کړې، چې مسکو په مهمو ناستو کې د اسلامي امارت نظر ته ارزښت ورکوي.
ویل کیږي، چې، مولوي عبدالکبیر د دواړو هېوادونو ترمنځ اړیکي مهمې او دوستانه وبللې او له روسي پانګوالو یې وغوښتل، چې په افغانستان کې پانګونه وکړي.
تازه خبرونه
په غور کې د سېلابونو له کبله سلګونه خلک بې ځایه شول
د غور ولايت د مهاجرينو چارو رياست ويلي؛ په دې ولايت کې د سې شنبې پر ورځ (د غویي پېنځلسمه) د سېلابونو له کبله يو تن مړ، دوه ټپيان او له ۵۰۰ ډېرې کورنۍ بې ځايه شوې دي.
دغه رياست زياته کړې، چې د غور په مرغاب او چارصده ولسواليو کې د سېلابونو له کبله د مرغاب ولسوالۍ له لس ډېر کلي او د چارصدې ولسوالۍ شپږ کلي زيانمن شوي دي.
د دغه ریاست د څرګندونو له مخې؛ ۵۵ دوکانونه، ۱۰ د استوګنې کورونه ویجاړ شوي او د دواړو ولسوالیو ترمنځ لارې هم تړل شوې دي.
د غور ولايت د مهاجرينو چارو رييس ميراحمد مصمیم ويلي، چې له خپلو اصلي ځايونو څخه کورنۍ د غرونو د لمنو په آزاده فضا کې ژوند کوي او بېړنیو او لومړنيو مرستو ته اړتيا لري.
د میر احمد مصمیم د څرګندونو له مخې؛ شونې ده، چې ځاني او مالي زیانونه نور هم ډېر شي.
-
سیمه ییز خبرونه5 days ago
په هر حال پر رفح برید شونی دی – نتانیاهو
-
تازه خبرونه5 days ago
نړیوال بانک له افغانستان سره ۸۴ میلیون ډالر مرسته ومنله
-
لوبی5 days ago
افغانستان د ۲۰۲۴ کال ۲۰ اوریز نړیوال جام ته لوبډله اعلان کړه
-
نړۍ5 days ago
امریکايي پولیسو په کلمبیا پوهنتون کې د فلسطینیانو ۱۰۰ ملاتړي ونیول
-
لوبی3 days ago
سرخ پوشان خوافي او خدیم د خپلو اړوند سیالیو ګټونکي شول
-
تازه خبرونه4 days ago
داعش له تېرو دوه میاشتو راپدیخوا ۱۵۴ کسانو ته مرګ او ژوبله اړولې ـ راپور
-
تازه خبرونه16 hours ago
اسلامي امارت په بدخشان کې د اعتراضي لاريون د څېړلو لپاره یو پلاوي وټاکه
-
تازه خبرونه4 days ago
له اسلامي امارت سره په تعامل کې مو ملي ګټې رانغښتي- امریکا